មក​ស្គាល់​ប្រវត្តិ​ស្នេហ៍​ ​ប្ដី​ប្រពន្ធ​ ​ស្រី​ស្រលាញ់​ស្រី​ ​កក្រើក​ខេត្ត​កំពង់ឆ្នាំង​ ​

0
- Advertisement Banner -

​ក្រោយ​ប្រកាស​រៀបការ​ឡើង​ផ្អើល​ខេត្ត​កំពង់ឆ្នាំង​កាលពី​ថ្ងៃទី២២​ ​កក្កដា​ ​ឆ្នាំ២០១៩​ ​គូស្នេហ៍​ភេទ​ដូចគ្នា​ស្រី​ ​ដែល​តួអង្គ​ប្រុស​មានឈ្មោះ​ថា​ ​យ៉ាន​ ​សុខ​ហេង​ ​និង​តួអង្គ​កូនក្រមុំ​ឈ្មោះ​ ​ច្រឹង​ ​ច័ន្ទ​សុ​ផា​ណ្ណា​រ័ត្ន​ ​បាន​ធ្វើអោយ​កក្រើក​ស្រទាប់​មហាជន​យ៉ាង​ខ្លាំង​។​ ​ជាមួយនឹង​ដំ​ណឹង​ដ៍​គួរ​អោយ​ចាប់អារម្មណ៍​នេះ​ ​ផ្ទះ​តារា​ ​បាន​សម្ភាសន៍​បន្ថែម​ពី​ប្រវត្តិ​ស្នេហ៍​ ​និង​រឿងរ៉ាវ​ផ្ទាល់ខ្លួន​ ​ដែល​កាន់តែ​ធ្វើអោយ​មានការ​ចាប់អារម្មណ៍​បន្ថែម​ទៀត​។​ ​

​អ្នកនាង​ ​ច្រឹង​ ​ច័ន្ទ​សុ​ផា​ណ្ណា​រ័ត្ន​ ​ហៅ​ស្រី​ណា​ ​កំពង់ឆ្នាំង​ ​បាន​ថ្លែង​បញ្ជាក់​ថា​ ​អ្នក​នាង​ក៍​ជាតា​រា​សិល្បៈ​មួយ​រូប​ដែរ​ ​ដោយ​អ្នកនាង​ជា​អ្នកចម្រៀង​ប្រពៃណី​ខ្មែរ​ ​និង​បាន​តស៑ូ​ប្រឡូក​សិល្បៈ​ជា​យូរឆ្នាំមកហើយ​ ​ពោល​គឺ​តាំងពី​អ្នកនាង​ធ្លាក់ខ្លួន​ជា​ស្ត្រី​មេម៉ាយ​កូន២ទាំង​វ័យក្មេង​ ​គឺ​អ្នកនាង​កាន់តែ​សកម្ម​នឹង​អាជីព​ភ្លេងខ្មែរ​នៅ​កំពង់ឆ្នាំង​។​ ​អ្នកនាង​ថា​ ​ខ្លួន​ ​និង​ស្វាមី​ ​មុន​បាន​បែកបាក់​គ្នា​ក្រោយពី​មានកូន​ស្រី២នាក់​ ​ដោយសារតែ​ហេតុផល​ស្វាមី​ ​ល្បែង​ក៍​ល្បែង​ ​ផឹក​សុី​ក៍​ផឹក​សុី​ ​ហើយ​ស្រី​ក៍​ស្រី​។​ ​បន្តបន្ទាប់​មក​អ្នកនាង​ ​ក៍​បាន​ស្គាល់គ្នា​ជាមួយនឹង​ស្វាមី​បច្ចុប្បន្ន​ដែល​ជានា​រី​ចរិត​ប្រុស​តាម​ហ្វេ​សប៑ុ​ក​ ​ដែល​កាលនោះ​ ​លោក​គឺជា​ចុងភៅ​កាន់កាប់​ហាង៤ប្រចាំ​ប្រទេស​ថៃ​។​ ​អ្នកនាង​ថា​ចំណង​ស្នេហ៍​ដែល​បាន​កើតឡើង​ ​គឺ​បន្ទាប់ពី​លោក​ ​យ៉ាន​ ​សុខ​ហេង​ ​ដែល​ជា​តួអង្គ​ប្រុស​ ​យកចិត្ត​ទុក​ចំពោះ​នាង​ ​និង​កូន​ទាំងពីរ​ ​ដែល​ធ្វើអោយ​អ្នកនាង​កក់ក្ដៅ​ ​ហើយ​មិន​ខ្វល់​ពី​ចំណង​ស្នេហ៍​ស្រី​ស្រលាញ់​ស្រី​។​ ​អ្នកនាង​ថា​ ​ចំណង​ស្នេហ៍​ភេទ​ដូចគ្នា​របស់​ខ្លួន​ ​មាន​គេ​សើចយំ​ច្រើន​ ​ប៉ុន្តែ​ដោយសារ​ពួក​នាង​តស៑ូ​ ​ហើយ​ខំ​កសាង​ជីវភាព​កាន់តែ​ល្អ​ប្រសើរ​មុន​ពេល​សម្រេចចិត្ត​រៀបការ​ ​ទើប​មានសាច់​ញាតិ​ច្រើនឡើង​អោយ​តម្លៃ​។​ ​អ្វី​ដែល​អ្នកនាង​សប្បាយចិត្ត​ ​គឺ​ស្វាមី​ដែល​ជា​ស្រី​របស់​អ្នកនាង​ ​ស្រលាញ់​អ្នកនាង​ ​ហើយ​ជំរុញ​ទឹកចិត្ត​ធ្វើអោយ​អាជីព​សិល្បៈ​ ​និង​ ​អាជីព​បើក​ជំនួញ​គ្រប់​ផ្នែក​របស់​អ្នកនាង​ ​កាន់តែ​ជោគជ័យ​ខ្លាំង​។​ ​

​អ្នកនាង​ ​ស្រី​ណា​ ​កំពង់ឆ្នាំង​ ​បញ្ជាក់​ថា​ ​បច្ចុប្បន្ន​អ្នកនាង​គឺជា​អ្នកចម្រៀង​ប្រពៃណី​ ​(​ភ្លេងខ្មែរ​)​ ​ដ៍​ជោគជ័យ​ម្នាក់​នៅ​ខេត្ត​កំពង់ឆ្នាំង​ ​ដោយ​អ្នក​នាង​ក៍​ជា​អ្នកចម្រៀង​ ​ក្នុង​វង់ភ្លេង​សម័យ​ ​ប្រចាំ​ក្រុមតន្ត្រី​មួយ​ផង​ដែរ​។​ ​សម្រាប់​មុខរបរ​ជំនួញ​ ​អ្នកនាង​ ​គឺជា​អ្នក​ផ្ដាច់មុខ​បាយដំណើប​បំពង​ម៉ាក់​អូន​ឌី​ក្នុង​ខេត្ត​កំពង់ឆ្នាំង​ ​ជា​អ្នកលក់​ផលិតផល​សម្រស់​តាម​អន​ឡាញ​ ​និង​បាន​បើកហាង​អាហារដ្ឋាន​យីហោ​ ​ចែ​ណា_បុក​ថៃ​ ​នៅ​ខេត្ត​កំពង់ឆ្នាំង​ ​ដែល​មាន​ស្វាមី​ជានា​រី​ស្រលាញ់​ភេទ​ដូចគ្នា​ជា​អ្នកគ្រប់គ្រង​។​ ​អ្នកនាង​ថា​ ​ប្ដីក្រោយ​របស់​ខ្លួន​ ​មានតែ​ជំរុញ​អោយ​អ្នកនាង​បន្ត​អា​ជី​ច្រៀង​ភ្លេងការ​ ​និង​ច្រៀង​សម័យ​ ​ទើប​ធ្វើអោយ​អ្នកនាង​ជោគជ័យ​ទាំងព្រម​ ​ហើយ​មិន​ភ័យ​រឿង​ប្រចែ​ប្រច័ណ្ឌ​ ​ប៉ះពាល់​អារម្មណ៍​ ​ខណៈ​ដែល​អ្នក​នាង​ក៍​ប្រកា​សក្ដែងៗ​ថា​ ​ទោះជា​ប្ដី​របស់​ខ្លួន​ជានា​រី​ដូចគ្នា​ ​ប៉ុន្តែ​អ្នកនាង​នឹង​ស្មោះ​មិន​ប្រែ​អស់មួយជីវិត​៕​

LEAVE A REPLY

Please enter your comment!
Please enter your name here