ពិតជា​អស្ចារ្យ​ណាស់​ ​ក្បួន​ង្ហែរ​ឈុត​បុរាណ​ ​របស់​ហុងដា​ ​និង​គ្រួសារ​តារា​កម្ពុជា​ ​នៅ​ប្រាសាទសំបូរព្រៃគុក​ ​

0
- Advertisement Banner -

កាលពី​ព្រឹក​ថ្ងៃទី៨​ ​កក្កដា​ ​ឆ្នាំ២០១៩​ ​ក្រុ​មហ៑ុន​ហុងដា​ជួប​កៅ​ប្រចាំ​ខេត្តកំពង់ធំ​ ​និង​គ្រួសារ​តារា​កម្ពុជា​ ​បាន​បង្កើត​ព្រឹត្តិ​ការណ៍​ដង្ហែ​រក្បួន​ឈុត​បុរាណ​រួមគ្នា​មួយ​ ​យ៉ាង​អស្ចារ្យ​ពីទី​រួម​ខេត្តកំពង់ធំ​ ​ឆ្ពោះទៅ​ប្រាសាទសំបូរព្រៃគុក​។​ ​ពិធី​នេះ​រួមមាន​ក្បួន​ដង្ហែ​រ​ដោយ​ម៉ូតូ​ ​រថយន្ត​ ​និង​ក្បួន​ដង្ហែ​រ​ដោយ​ថ្មើ​ជើង​យ៉ាង​កក្រើក​ ​មិនធ្លាប់​មាននៅ​ទីតាំង​តំបន់​វប្ប​ធ​ម៍​បុរាណ​មួយ​នោះ​ ​ខណៈ​ដែលតា​រា​សិល្បៈ​ ​ដែល​ចូលរួម​ ​ក៍​មិន​ខុសពី​ទេព​បុត្រ​ទេពធីតា​ ​មក​ពី​ឋាន​សួ​គ៍​ប្រមូលផ្ដុំ​គ្នា​។​ ​

​លោក​ ​ជួប​ ​ចាន់​ដារ៉ា​ ​ប្រធាន​ហុងដា​ជួប​កៅ​ ​ខេត្តកំពង់ធំ​បាន​គូសបញ្ជាក់​ថា​ ​លោក​ពិតជា​មោទនភាព​យ៉ាង​ខ្លាំង​ដែល​ក្បួន​ដង្ហែ​រ​ឈុត​បុរាណ​ក្រោម​ការរៀបចំ​របស់​ក្រុ​មហ៑ុន​ហុងដា​ជួប​កៅ​ ​ក្រោម​ការចូលរួម​សហការ​ពី​គ្រួសារ​តារា​កម្ពុជា​ ​ក្លាយជា​ក្បួន​ដង្ហែ​រ​ឈុត​បុរាណ​ទ្រង់ទ្រាយ​ធំ​ជា​ប្រវត្តិសាស្ត្រ​ ​នៅ​ប្រាសាទសំបូរព្រៃគុក​ ​ដើម្បី​អបអរ​ខួប២ឆ្នាំ​របស់​ប្រាសាទសំបូរព្រៃគុក​ចូល​ជា​បេតិកភណ្ឌ​ពិភពលោក​។​ ​លោក​ថា​ក្បួន​ដង្ហែ​រ​ឈុត​បុរាណ​ ​អម​ដោយ​សិស្ស​និស្សិត​មិន​តិច​ជាង​ខ្ទង់​ពាន​នាក់​នេះ​ ​ត្រូវ​បា​នដ​ង្ហែរ​ចេញពី​ទីតាំង​ក្រុម​ហុងដា​ជួប​កៅ​ខេត្តកំពង់ធំ​ដោយ​ក្បួន​រថយន្ត​ឆ្ពោះទៅ​ប្រាសាទសំបូរព្រៃគុក​ ​មិង​បន្ត​ដោយ​ថ្មើ​ជើង​ជា​ក្បួន​វែង​មួយផ្សេងទៀត​ ​បន្ត​ទៅកាន់​ប្រាសាទសំបូរព្រៃគុក​។​ ​ក្បួន​នេះ​ ​ជា​ការចូលរួម​សហការ​ដោយ​គ្រួសារ​តារា​កម្ពុជា​ទាំងស្រុង​ ​ទើប​អាច​ធ្វើអោយ​ក្បួន​ដង្ហែ​រដែ​ល​រៀបចំ​ដោយ​ក្រុ​មហ៑ុន​ហុងដា​លើកដំបូង​ ​ដែល​ទើប​បញ្ចប់​ថ្មី​ៗ​មុន​នេះ​ ​ជោគជ័យ​មិនធ្លាប់​មាន​។​ ​លោក​ថា​ក្បួន​ដង្ហែ​រដែ​ល​រៀបចំឡើង​ ​ត្រូវ​បាន​នាំមុខ​ដោយ​ឆៃ​យាំ​ ​និង​ល្ខោនខោល​ ​ដើម្បី​គោលបំណង​អបអរ​គំរប់​ខួប២ឆ្នាំ​នៃ​ប្រាសាទសំបូរព្រៃគុក​ចុះបញ្ជី​ជា​សម្បត្តិ​បេតិកភណ្ឌ​ពិភពលោក​។​ ​លើកស្ទួយ​ល្ខោនខោល​ខ្មែរ​ ​ដែល​បាន​ដាក់បញ្ចូល​ក្នុង​បញ្ជី​បេតិកភណ្ឌ​វប្បធម៌​អ​រូ​បី​យ​នៃ​មនុស្សជាតិ​។​ ​ថែរក្សា​សំលៀកបំពាក់​បំពាក់​ទម្រង់​បុរាណ​ខ្មែរ​ ​និង​បណ្តុះ​គំនិត​ឲ្យ​ប្រជាពលរដ្ឋ​គ្រប់រូប​ ​ចូលរួម​ថែរក្សា​ ​និង​ ​ចូលរួម​លើកស្ទួយ​ ​សម្បត្តិ​វប្បធម៌​ ​ទាំងអស់គ្នា​។​ ​

​លោក​រំពឹង​ថា​ ​ក្បួន​ដង្ហែ​រ​ឈុត​បុរាណ​ដែល​ក្រុ​មហ៑ុន​ហុងដា​ជួប​កៅ​បាន​សហការ​ធ្វើជា​មួយ​ ​គ្រួសារ​តារា​កម្ពុជា​នេះ​ ​នឹង​ក្លាយជា​ក្បួន​ដង្ហែ​រ​ទ្រង់ទ្រាយ​វប្ប​ធម៌​ជា​ប្រ​វត្តុិ​សាស្ត្រ​ ​ដើម្បីអោយ​ពិភពលោក​កាន់តែ​ស្គាល់​ពី​កម្ពុជា​ ​ជាពិសេស​គឺ​ស្គាល់​ពី​វប្បធម៌​របស់​ខ្មែរ​។​ ​លោក​កោតសរសើរ​ចំពោះ​ការ​សហការ​យ៉ាង​ដុតដៃដុតជើង​របស់​គ្រួសារ​តារា​កម្ពុជា​ ​ទើប​ធ្វើអោយ​ក្បួនដង្ហែ​ររបស់​លោក​ក្លាយជា​ក្បួន​ដង្ហែ​រ​ទទួល​បានការ​ចាប់អារម្មណ៍​ដល់​ម្លឹង​។​ ​លោក​កាន់តែ​កោតសរសើរ​ទៅទៀត​ ​នៅពេល​តារា​សិល្បករ​ទាំងនោះ​ ​បាន​បង្កើត​ព្រឹត្តិ​ការណ៍​ប្រកួតប្រជែង​ឈុត​បុរាណ​ ​ដែល​កាន់តែ​ជួយ​អោយ​ពិភពលោក​ស្គាល់​ច្បាស់​ពី​ខ្មែរ​។​ ​

​លោក​ ​ផាត់​ ​តារា​រដ្ឋ​ ​ស្ថាបនិក​គ្រួសារ​តារា​កម្ពុជា​ ​បាន​ថ្លែង​បញ្ជាក់​ថា​ ​ហេតុផល​ដែល​លោក​ដឹកនាំ​សិល្បករ​កុះករ​ ​អោយ​គ្រង​ឈុត​បុរាណ​ ​គឺ​មានហេតុ​ផល​តែមួយគត់​ ​គឺ​ដោយសារតែ​ព្រឹ​ត្ត្​តិ​ទិវា​វប្ប​ធ​ម៍​បេតិកភណ្ឌ​ជាតិ​ ​ដែល​រៀបចំឡើង​ដោយ​ក្រុ​មហ៑ុន​ហុងដា​ជា​កម្មវិធី​លើកស្ទួយ​ ​និង​ទ្រង់​ទ្រង់​សិល្បៈ​វប្បធម៌​ជាតិ​។​ ​នៅក្នុង​ក្បួន​ដង្ហែ​រនោះ​លោក​ថា​ ​មានការ​ចូលរួម​សុទ្ធសឹងតែ​សិល្បករ​អាជីព​ ​ដោយមាន​ទាំង​រៀមច្បង​ ​និង​តារា​ជំនាន់​ថ្មី​។​ ​ក្នុង​នោះ​ក៍​មាន​វត្តមាន​ម្ចាស់​ពាន​ទាំង៦រូប​របស់​គ្រួសារ​តារា​កម្ពុជា​កាលពី​ឆ្នាំ២០១៨ផង​ដែរ​។​

LEAVE A REPLY

Please enter your comment!
Please enter your name here