ពិភពត្រីបាតសមុទ្រនៅសែនសុខ ក្លាយជាកន្លែងទាក់ភ្នែកសម្រាប់អ្នកទស្សនា

0

សម្រាប់លោកអ្នកដែលចង់គិតរកកន្លែងដើរលំហែខួរក្បាលបំបាត់ភាពតានតឹង និងសប្បាយជាមួយគ្រួសារ ឬមិត្តភក្ត័ជាពិសេសនៅរដូវចូលឆ្នាំចិននេះ លែងពិបាកក្នុងការដើររកកន្លែងកម្សាន្តឆ្ងាយៗដូចមុនក៍បានដើរ ដោយសារតែនៅលើផ្សារទំនើបអ៊ីអន២ ក្នុងខណ្ឌសែនសុខ បានបង្កើតពិភពត្រីបាតសមុទ្រដ៍ទាក់ទាញមួយក្នុងការទាក់ទាញអ្នកទេសចរណ៍។ ពិភពត្រីបាតសមុទ្រដែលមានឈ្មោះថា Fantasea Aquarium by AIA បានក្លាយជាទីតាំងប្រមូលពិភពត្រីបាតសមុទ្រមិនធ្លាប់មាននៅកម្ពុជា ដោយមានសត្វច្រើនប្រភេទ ដូចជាត្រីនីម៉ូ ដូរី ត្រីមានពិស ត្រីកំពត ឆ្លាម បបែល អណ្តើក ត្រីស៊ីមនុស្ស។ ប្រភេទសត្វទាំងនេះ សុទ្ធតែមានប្រភពដើមពីជុំវិញពិភពលោកដូចជា មហាសមុទ្រប៉ាស៊ីហ្វិក សមុទ្រឥណ្ឌា សមុទ្រក្រហម សមុទ្រអាត្លង់ទិក ទន្លេអាម៉ាហ្សូន ទន្លេមេគង្គ ហើយក៍មានប្រភេទសត្វល្មូនប្លែកៗស្អាតជាច្រើន ដូចជាពស់ស ពស់សលឿង ពស់ក្រហម បង្គួយយកបៃតង និងក្រហម តុកកែអណ្តាតខៀវ និងសត្វផ្សេងៗជាច្រើនទៀតផងដែរ ទើបទាក់ទាញខ្លាំងក្រោយបានប្រកាសឡើង។

- Advertisement -

អ្នកទេសចរណ៍ដែលចូលចិត្តពិភពត្រីបាតសមុទ្រ លែងចាំបាច់ជិះយន្តហោះទៅមើលនៅក្រៅប្រទេសដូចមុនទៀតហើយ ដោយសារតែទីតាំងនេះ បានប្រកាសដំណើរការ ដោយនឹងបើកលក់សំបុត្រសាកល្បងចាប់ពីថ្ងៃនេះរហូតដល់ថ្ងៃទី១៥ ខែកុម្ភះ​ ឆ្នាំ២០១៩ ដើម្បីអបអរសាទរបុណ្យចូលឆ្នាំចិន។
យោងតាមការប្រកាសតម្លៃសំបុត្រ នឹងបញ្ចុះតំលៃសំបុត្រពិសេស សំរាប់កុមារត្រឹមតែ $4 និង​មនុស្សចាស់ត្រឹមតែ $5 ប៉ុណ្ណោះ​ ពីថ្ងៃចន្ទ័ ដល់ថ្ងៃសុក្រដែលមិនមែនជាថ្ងៃបុណ្យ​​។ អ្នកទិញសំបុត្រទស្សនា ក៍ត្រូវបានប្រកាសថា នឹងទទួលបានអាំងប៉ាវ​ផ្សងសំណាងឈ្នះរង្វាន់ 100% ដូចជា1$ និងសំបុត្រចូលទស្សនាដោយឥតគិតថ្លៃជាច្រើនរង្វាន់ផងដែរ។

គួរបញ្ជាក់ថា Fantasea Aquarium​ by AIA គឺជាពិភពត្រីបាតសមុទ្រដែលមានតែមួយ និងមុនគេបំផុតនៅកម្ពុជា។

ប្រភេទសត្វប្លែកៗមកពីជុំវិញពិភពលោកកំពុងទាក់ទាញខ្លាំង ដោយក្នុងនោះក៍មានGuide នឹងពន្យល់ពីប្រភេទសត្វ ពីប្រភពដើម ពីការរស់នៅ ពីរបៀបរកចំនី ពីការបន្តពូជ និងពីចំណុចពិសេសៗរបស់ប្រភេទសត្វនីមួយៗផងដែរ។ មានការរំពឹងថា ពិភពត្រីបាតសមុទ្រដែលបើកដំណើរការនៅផ្សារទំនើប AEON Mall សែនសុខ ជាន់ទី 1នេះ នឹងកក្រើកក្នុងឱកាសមុន និងក្រោយពេលចូលឆ្នាំចិននេះ៕

LEAVE A REPLY

Please enter your comment!
Please enter your name here