ការប្រកួតកីឡាប្រដាល់ របស់ សង្វៀន ប៉ុស្តិ៍លេខ៥ បានឈានចូលមកដល់សារជាថ្មីជាមួយគូប្រយុទ្ឋដ៏ពូកែ និង មានល្បិចប្រកួតប្លែកៗ ម្យ៉ាងម្នាក់។ នោះជាការប្រកួតប្រដាល់កំពូលជើងឯក Cell Card Champion ដែលប្រារព្ធឡើង កាលពីល្ងាចថ្ងៃទី ១៩ កញ្ញា ឆ្នាំ២០២០ មុននេះ។ អ្វីដែលស្មានមិនដល់ការប្រកួតចូលដល់ត្រឹម៣ទឹកប៉ុណ្ណោះក៏ប្រកាសលែងអោយប្រកួតតែម្តង ព្រោះ បង្គោលក្រហមចុះចាញ់វៃលេងកើតដោយដួលភីញសន្លប់ឈឹង។
បង្គោលក្រហម សុីវម៉ូវ ថ្លែង ប្រាប់ទាំងស្តាយថា ខ្លួន មិននឹកស្មានថា កំពុងតែឡើងសាច់ដុំបែរជាប្រកាសអោយចាញ់ទឹកទី៣នៃជំនួបលើកទី១នេះ។ ខ្លួនពិតជាមិនអស់ចិត្តហើយ រកពាក្យនិយាយមិនចេញមានតែស្រឡាំងកាំងថែមទៀត។ យ៉ាងណា ខ្លួន និងព្យាយាម បង្ហាញស្នាដៃលើសង្វៀនជាបន្តទៀត តាមរយៈវេទិកាលើកក្រោយៗ ហើយនិងបង្ហាញមហាជនអោយចិត្តជុំវិញ វិជ្ជាគុនដែលមានកុំអោយដូចលើកនេះ។ ចាប់តាំងពីស្ងប់កូវីដ មកឃើញថាកីឡាករ គូបើកឆាក នៅ សង្វៀនប៉ុស្តី៍លេខ៥ មានការទាក់ទាញយ៉ាងខ្លាំងធ្វើអោយក្រុមការងារភ្ញាក់ផ្អើលតែម្តង។ ឯអ្នកមើលជាច្រើនចង់ទៅទស្សនាការប្រកួតផ្ទាល់ អោយតែបើកអោយចូល ព្រោះកីឡាប្រដាល់នេះពួកគាត់ចូលចិត្តហើយស្រឡាញ់ណាស់។
