ខេម បន្តដំណើរកម្សាន្តនៅបារាំងជាមួយអនាគតភរិយា មិនទាន់ប្រាកដថ្ងៃត្រឡប់មកស្រុកខ្មែរវិញ

0

តារាចម្រៀង ខេមបាន ចេញទៅ ដើរកម្សាន្តនៅប្រទេស បារាំង អស់ជាច្រើនខែមកហើយ នៅមិនទាន់វិលមក បំបុកសិល្បៈឡើងវិញទេ។ តារារូបនេះកំពុង តែមានសេចក្តីសុខជាមួយគូស្នេហ៍ហើយ ចង់អោយស្នេហារឹងមាំទើបបានជា សុខចិត្តចំណាយពេលនៅឆ្ងាយពីហ្វេនៗ គាំទ្រមួយរយៈសិន។
តារាចម្រៀងខេម បាននាំកំពូលស្នេហ៍អ្នកនាងស្រីកា ទៅដើរលេងនៅក្រៅស្រុក​រយៈ​ពេលជិត​២ខែទៅហើយនឹងមិនទាន់កំណត់ថ្ងៃវិលវិញនោះទេ។តំណើរកម្សាន្ដរបស់លោកប៉ុន សុណារិន ហៅខេម ពេលនេះឈានទៅដល់៣ប្រទេសទៅ​ហើយគឺបារាំង​ដែលជាទឹកដីទី២​របស់អ្នកនាងស្រីកា ហើយអ្នកទាំង២បានដើរលេងជា​ច្រើនថ្ងៃនៅទីក្រុងប៉ារីសក្នុង​នោះ​មាន​ទាំងការទស្សនាដោយផ្ទាល់ប្រកួតរបស់ក្រុមParis Saint – Germain ផងដែរ។
ខេម មិនសូវមានភាពលេចធ្លោខ្លាំងដូចកាលនៅថោន ឡើយអំឡុងពេល​ដែលតារាច​ម្រៀង​​សំនៀងស្អករូបនេះបានទៅជ្រក​នៅGalaxyជាង១ឆ្នាំមកនេះព្រោះ​កំពូលតារាចម្រៀង​ព្រាប សុវត្ថិ នៅតែមានឥទ្ធិពលខ្លាំងជាងទើបខេម ធ្លោយមាត់និយាយថាអ្នកខ្លះនិយាយថារូប​លោក​ចាត់ទុកលោកព្រាប សុវត្ថិ  ជាឆ្អឹងទទឹងក តែតាមពិតគ្មានរឿងបែបនោះ​ឡើយ។តាម​ព័តមាន​ថាខេម មាន​ប្រាក់ខែបើកនៅGalaxy ជារៀងរាល់ខែ ហេតុនេះហើយទោះជាគ្មាន​Concerts ​ច្រៀងនៅខេត្តដូចមុន ឬលោកទៅដើរលេង​ក្រៅស្រុកប៉ុន្មានខែក៍នៅតែ​ទទួលបាន​ប្រាក់​ជាប្រចាំខែ​តាម​ចំនួន​ដែលបានចុះកុងត្រានោះដែរ។ប៉ុន្ដែនៅរដូវកូវីដនេះខេម ក៍ប្រឈម​ខាតលុយធំដែរ​ព្រោះតែ​ហាងផឹកស៊ី​ដែលលោកបានបើកនៅក្បែរ​ក្លោងទ្វារវត្តសំរោងអណ្ដែត​អស់លុយជាង​២០ម៉ឺន​ដុល្លារ​នោះតំណើរការមិនរលូនឡើយ ទើបលោកសុណារិន នាំប្រពន្ធ​ទៅ​លំ​ហែ​អារម្មណ៍​នៅក្រៅស្រុកលើកនេះយូថ្ងៃជាងទៅលើកមុនៗ៕

LEAVE A REPLY

Please enter your comment!
Please enter your name here