តារាសម្ដែង លោក ព្រហ្ម វុឌ្ឍី មានទុក្ខធ្ងន់ ខណៈភាពយន្តរបស់ខ្លួនបង្ហាញខ្លួន នៅទូរទស្សន៍ CTN និង បាយ័ន

0

តួអង្គក្នុងភាពយន្តរឿង”អ្នកស៊ើបអង្កេតខួរក្បាលអច្ឆរិយៈ” ដែលល្បីគួរសមតាមរយៈតួអង្គជាប៉ូលីស ដែលក្នុងពេលនេះភាពយន្តរបស់លោកចំនួន២ គឺរឿង”អស្ចារ្យណាស់កូនស្រីខ្ញុំ”នៅទូរទស្សន៍ CTN និងរឿង”កូនក្រមុំខ្មោច”នៅបាយ័ននាពេលនេះ លោក ព្រហ្ម វុឌ្ឍី ត្រូវគេកត់សម្គាលថាមានទុក្ខជាទម្ងន់ ខណៈដែលភាពយន្តថ្មីរបស់លោកទាំងពីរ ទើបតែដាក់ផ្សាយនៅលើកញ្ចក់ទូរទស្សន៍ធំទាំងពីរព្រមគ្នា។ លោកកំពុងមានទុក្ខ ដោយសារឪពុកបង្កើតទទួលមរណភាព ដោយលោកកំពុងធ្វើបុណ្យនៅស្រុក និង ជាទុក្ខដ៏ធំបំផុត នៅក្នុងជីវិតបស់លោកនោះ។

យោងតាមការបង្ហោះ លោកឪពុករបស់តារាសម្ដែង លោក ព្រហ្ម វុឌ្ឍី បានទទួលមរណភាពក្រោយពីមានជម្ងឺរ៉ាំរ៉ៃធ្វើទុក្ខអស់មួយរយៈ ដោយពិធីបុណ្យសពឪពុករបស់លោក គឺលោកក៏មិនហ៊ានរំខានអ្នកសិល្បៈដូចគ្នានោះដែរ ដោយសារបញ្ហាកូវីតកំពុងប៉ះពាល់។ មរណភាពរបស់ឪពុកលោក គឺជារឿងសង្វេគចិត្តយ៉ាងខ្លាំង ដោយសារតែលោកទើបតែបញ្ចេញភាពយន្តថ្មីនៅលើកញ្ចក់ទូរទស្សន៍ CTN និងបាយ័ន ស្រាប់តែឪពុករបស់លោកក៏មរណភាពលែងត្រលប់មកវិញ កាលពីវេលាព្រឹកម៉ោង១០ ថ្ងៃទី១០ ធ្នូ ឆ្នាំ២០២០ ក្នុងវ័យ៦០ឆ្នាំ។ ឪពុករបស់លោកជាអតីតយោធា និង ជាអតីតអ្នកបម្រើការផ្នែកស៊ីម៉ាក់។

លោក ព្រហ្ម វុឌ្ឍី ត្រូវគេឃើញបង្ហាញនូវអារម្មណ៍សង្វេគចិត្តជាពន់ពេក ដែលឪពុករបស់លោកបានលាចោកលោក ស្របពេលដែលការងារសិល្បៈរបស់លោកកំពុងតែមានការឈានឡើង។ លោកក៏បង្ហាញនូវអារម្មណ៍ក្ដុកក្ដួលមិនតិចផងដែរ ដែលស្នាដៃលោកសម្ដែងក្នុងរឿង កំពុងដំណើរការចាក់ផ្សាយ នៅលើកញ្ចក់ទូរទស្សន៍CTN និង បាយ័ន តាមអ្វីដែលលោកឪពុកចង់ឃើញលោកជោគជ័យនៅក្នុងវិស័យសម្ដែង ប៉ុន្តែលោកឪពុកបែរជាមិនបាននៅអបអរ។ ដំណឹងមរណភាពរបស់ឪពុកលោក ក៏ជាការអញ្ជើញដល់គ្រប់សិល្បករសិល្បការិនី ដែលមានទំនាក់ទំនងជាមួយលោក អោយបានដឹងឮផងដែរ៕


LEAVE A REPLY

Please enter your comment!
Please enter your name here