គង់ សុជាតិបានកូនប្រសារស្របពេលជីវិតប្តីប្រពន្ធផ្អែមល្ហែមឡើង

0
- Advertisement Banner -

អ្នកនាង គង់ សុជាតិ បានភ្ជាប់ពាក្យកូនប្រុសច្បងបានសម្រេចហើយកាលពីថ្ងៃទី២១ តុលា ឆ្នាំ២០២០ ដោយមានការចូលរួមពីសាច់ញាតិសងខាងជាច្រើនកុះករ។ពិធីនោះត្រូវបានគេមើលឃើញថា មានភាពក្តីសុខ និង រយលានអត្ថន័យដោយសារ អ្នកម្តាយ គង់ សុជាតិ តស៊ូចិញ្ចឹមកូនយ៉ាងខ្លាំងអោយក្លាយជាបុគ្គលល្អក្នុងសង្គម។ជាលទ្ធផលកូនស្ងួនទាំងអស់គោរពម្តាយតាមម្តាយរហូតក្លាយជាកូនល្អ។

នៅលើបណ្តាញសង្គមហ្វេសបុករបស់ អ្នកនាង គង់ សុជាតិ បានបង្ហោះរូបភាពកម្មវិធីដោយ សរសេរថា « ពិធីចូលចែចូវ របស់កូនប្រុសច្បង កូនប្រុសម៉ាក់ធំហើយ ជិតក្លាយជាមេគ្រួសារហើយកូនប្រុសម៉ាក់ ម៉ាក់សូមជូនពរកូន អោយមានសេចក្តីសុខ សុភមង្គលពេញមួយឆាកជីវិតរបស់កូនជាមេគ្រួសារដ៏ល្អ មានទំនួលខុសខ្ពស់ និង ជាបង្គោលដ៏រឹងមាំក្នុងក្រុមគ្រួសារ»។ បណ្តាកម្រងរូបភាពនេះ បានធ្វើអោយ មានការចាប់អារម្មណ៍កក្រើកពេញសង្គមក្នុង និងក្រៅសិល្បៈ។អ្នកខ្លះលើកឡើងថាស្ងាត់ៗ គង់ សុជាតិបានកូនប្រសា ក្លាយជាម្តាយក្មេកគេបាត់ ពេលវេលាពិតជាលឿន។

អ្នកសិល្បៈជាច្រើនបានសម្តែងការត្រេកអរជូនពរ គង់ សុជាតិ ព្រមទាំងកូនកំលោះ ក្រមុំនិងសាច់ញាតិសងខាងមានសុខសុភមង្គលជាមួយគ្នាតរៀងទៅ។នៅមិនទាន់មានប្រភពណា អោយដឹងថា អ្នកនាង សុជាតិ និងដន្លងព្រងព្រៀងគ្នាអោយកូនប្រុសស្រីរៀបការពេញច្បាប់ខែណាទេ។អ្វីៗស្ថិតនៅលើការពិភាក្សាជំហ៊ានបន្ទាប់ហើយបើសិនដល់ថ្ងៃការវិញ ប្រាកដជាផ្អើលសង្គមសិល្បៈសារជាថ្មីជាក់ជាមិនខាន។ បែបណាពេលដឹងថាកូនប្រុសបានប្រពន្ធ អ្នកនាងនឹងចែកបទពិសោធន៍ល្អៗដើម្បីអោយជីវិតប្តីប្រពន្ធកាន់តែរស់នៅចុះសម្រុងគ្នា។ជីវិតប្រពន្ធប្តីមិនងាយស្រួលនៅសុខតែប្រការសំខាន់ការអធ្យាស្រ័យគ្នាញញឹមអោយកម្លាំងចិត្តគ្នាកុំចង់ឈ្នះចាញ់។

LEAVE A REPLY

Please enter your comment!
Please enter your name here