កែវ ចាន់និមល រក្សាភាពស្ងប់ស្ងាត់ ក្រោយផ្ទះព័ត៌មាន បាត់មុខចាប់ដៃជាមួយ ជា វិបុល

0

ប៉ុន្មានថ្ងៃនេះ មានការសួរគ្នាពេញមជ្ឈដ្ឋាននានា ជុំវិញរឿងរ៉ាវ រវាង កែវ ចាន់និមល និង ជា វិបុល ដែលបែកមិនឃើញបន្តចាប់ដៃគ្នាដំណើរការកម្មវិធី។ ពិសេសគេមិនឃើញ កែវ ចាន់និមល ឡើងឆាកកាន់កម្មវិធីធំៗជាមួយលោកវិបុលដូចមុន ប៉ុន្មានអាទិត្យមកហើយ។ មហាជន ទទួលស្គាល់ថា កែវ ចាន់និមល និងលោកជា វិបុលជាដៃគូ ពិធីករដ៏ឆ្នើមជួរមុខគេ នៅទូរទស្សន៍ហង្សមាស។

- Advertisement -

អ្នកទស្សនា សុទ្ឋតែនិយាយចំអន់ថា សមគ្នាយល់ការ ពេលធ្វើកម្មវិធីធំៗសង់តង់គ្នាបានល្អ។ ម្ល៉ោះហើយទើបការងារក្នុងស្ថានីយ៏ និងក្រៅស្ថានីយ៏ដៃគូនេះ មានឱកាសស្និតស្នាលគ្នា យល់គ្នាច្រើន។ ភាពប្លែកបានកើតឡើងមួយរយៈកាលនេះ ដោយដៃគូញីឈ្មោលទាំង២ អត់នៅជុំគ្នាធ្វើការ បណ្តាលអោយចេញជារឿងចម្ងល់។

គេគ្រាន់តែឃើញការងារចាស់និមលកាន់ ជំនួសដោយពិធីការិនីផ្សេង ឯ ជា វិបុល ក៏មានកម្មវិធីខ្លះកាន់ជាមួយភរិយា។ មានការបញ្ជាក់ថា អ្នកនាង និង ជា វិបុល មានបញ្ហានឹងគ្នាធ្ងន់ធ្ងរ ដែលមិនអាចកាន់ការងារជាមួយគ្នាបន្តទៅទៀត ដោយអ្នកទាំងពីរអាចនឹងមិនធ្វើការជាមួយគ្នារហូតនោះផង។ មានរឿងជាច្រើនត្រូវបានគេលើកឡើងថាផ្ទុះឡើងរវាង និមល និង ជា វិបុល ដោយមិនទាន់កំណត់ថាអ្នកទាំងពីរនឹងអាចងាកមកបំពេញការងារដូចពីមុនជុំដែរឬអត់។ ស្របពេលសព្វថ្ងៃលេចឭថា កែវ ចាន់និមល ចេញទៅអាមេរិក សម្រាកលម្ហែកាយផងនោះ ទើបមិនខ្វល់អើពើបកស្រាយលាងជម្រះ ព័ត៌មានផ្ទុះឡើង ដែលបន្សល់អោយអ្នកគាំទ្រចង់ដឹងថាតើសាច់រឿងថ្ងៃមុខនឹងយ៉ាងណាវិញ។

LEAVE A REPLY

Please enter your comment!
Please enter your name here