អ៊ិន សុភិន បង្ហាញអារម្មណ៍ ក្រោយប្រធាន និងអគ្គលេខាសមាគមភាពយន្ត ប្រកាសលាឈប់

0
- Advertisement Banner -

យោងតាមការប្រកាសគឺលោក ឆាយ បូរ៉ា ប្រធាន និងលោក សែម វិសាល អគ្គលេខាសមាគមភាពយន្តកម្ពុជា បានប្រកាសលាតំណែងគួអោយភ្ញាក់ផ្អើលពីសមាគមមួយនេះ ខណៈដែលអ្នកទាំងពីរកាន់កាប់តំណែងពីការបោះឆ្នោតមិនទាន់ទាំងចង់អណ្ណត្តិផង។

ជាមួយនឹងការលាតំណែង លោកអ៊ិន សុភិន អនុប្រធានសមាគម បានអះអាងថាលោកមិនចង់ថ្នាក់ដឹកនាំទាំងពីរដកខ្លួនពីសមាគមដែលត្រូវការកម្លាំងសាមគ្គីមួយនេះទេ។

លោក អ៊ិន សុភិន និយាយថាលោកមិនបានដឹងថាអ្វីជាមូលហេតុដែលធ្វើអោយលោកឆាយ បូរ៉ា ដែលកាន់តំណែងជាប្រធាន និងលោកសែម វិសាល ដែលកាន់តំណែងជាអគ្គលេខាស្រាប់តែណាត់គ្នាសុំចុះចេញពីតំណែងនោះទេ ប៉ុន្តែលោកនៅតែមានអារម្មណ៍យល់ថាមិនចង់បាត់បង់មន្ត្រីសមាគមទាំងពីរដែលសុទ្ធតែធ្លាប់រួមចំណែកជួយដល់សមាគម។

លោកថាអ្នកទាំងពីរបានប្រកាសលាឈប់នៅពាក់កណ្ដាលទី ដោយស្នើអោយគណកម្មការជ្រើសរើសប្រធានថ្មី និងអគ្គលេខាថ្មី ដែលលោកប្រាប់ថាគឺជារឿងសោកស្ដាយខ្លាំងណាស់ នៅពេលសមាគមទាំងមូលធ្លាប់តែមានអ្នកទាំងពីរជាថ្នាក់ដឹកនាំ ស្រាប់តែសសម្រេចចិត្តបោះបង់។

លោកបដិសេធថានៅក្នុងសមាគមមានរឿងកាច់កុងគ្នា ឬរឿងប៉ែងជើងគ្នា ដោយក្នុងមួយរយៈចុងក្រោយលោកមិនសូវបានចូលរួមក្នុងសកម្មភាពជួយដល់សមាគម ហើយមិនបានដឹងរឿងស៊ីជម្រៅជុំវិញការប្រកាសលាចេញតំណែងនោះទេ។

លោក ឆាយ បូរ៉ា ប្រកាសថាហេតុផលដែលលោកសម្រេចចិត្តលាចេញ គឺដោយសារតែក្នុងតំណែងជាប្រធានកន្លងមក លោកមិនបានធ្វើរឿងអោយសម្រេចតាមការចង់បានជាច្រើនដែលធ្វើអោយលោកមិនសូវវស្រឡះក្នុងចិត្ត។

ម្យ៉ាងមកពីលោកមិនចង់ទុកផលិតកម្មដើមត្នោតរបស់លោកអោយនៅតែលតោល ទើបលោកសម្រេចចិត្តបោះបង់។ មិនខុសគ្នាដែរលោក សែម វិសាល ម្ចាស់ផលិតកម្មWonderfilm Cambodia ក៏ថ្លែងបញ្ជាក់ដូចគ្នាថាហេតុផលដែលលោកសម្រេចចិត្តដើរចេញ ក៏ដោយសារតែលោកអត់ពេល និងចង់ទុកពេលមើលខុសត្រូវតែលើផលិតកម្មតែមួយមុខ អមដោយការពារជាវេជ្ជបណ្ឌិត្យរបស់លោក ដែលរវល់ដកឃ្លាមិនរួចផង។ យ៉ាងណាមិញ លោកអ៊ិន សុភិន នៅតែចង់ទទូចអោយអ្នកទាំងពីរបន្តតំណែង ដើម្បីអោយការងាររបស់សមាគមមួយនេះរលូនទៅមុខ៕

LEAVE A REPLY

Please enter your comment!
Please enter your name here