ដោយ: វង្ស សុសីហា
វាជារឿងដ៍គួរឲ្យចាប់អារម្មណ៍មួយដែលខ្សែប្រយុទ្ធ Gonzalo Higuain បដិសេធ មិនផ្លាស់ទៅកសន់ក្រុមតោខៀវ Chelsea ហើយងាកមកចូលរួមជាមួយក្រុមបិសាចក្រហម AC Milan វិញ។
បើតាមរបាយណ៍មួយ ដែលចុះផ្សាយដោយកាសែត Marca ពីប្រទេសអេស្ប៉ាញ បានឲ្យដឹងថា ខ្សែប្រយុទ្ធអាហ្សង់ទីន Gonzalo Higuain ប្រាប់មូលហេតុមួយដែលរូបគេមិនព្រមផ្លាស់ទៅកាន់ក្រុមតោខៀវ Chelsea ។ តារាអាហ្សង់ទីនរូបនេះ បាននិយាយថា៖ នៅ Chelsea មានតែលោក Sarri គ្រូថ្មីរបស់ក្លិបប៉ុណ្ណោះ ដែលចង់បានខ្ញុំ ក្រៅពីនោះ ទាំងក្លិប និងអ្នកគាំទ្រ ហាក់មិនចង់បានរូបគេទៅចូលរួមជាមួយឡើយ។ ក៍ប៉ុន្តែ នៅ AC Milan វិញ ខុសគ្នាពីនេះ ទាំងក្លិប គ្រូបង្វឹក និងអ្នកគាំទ្រ សុទ្ធសឹង ពេញចិត្តចំពោះវត្តមានរបស់ Higuain ដែលនេះគឺជាហេតុផលមួយ ដែលធ្វើឲ្យរូបគេចង់ផ្លាស់មក AC Milan ច្រើនជាង។
ដូច្នេះហើយ Gonzalo Higuain ពេញចិត្តយ៉ាងខ្លាំង ក្នុងការផ្លាស់មកកាន់ក្រុមបិសាចក្រហមអ៊ីតាលី AC Milan ដោយច្រានចោលសំណើររបស់ក្រុមតោខៀវ Chelsea ដែលចង់បានរូបគេនោះ។
