ដោយ: វង្ស សុសីហា
មហិច្ចតារបស់ក្រុម Paris Saint Germain ពិតជាមិនធម្មតាមែន ក្លិបយក្សបារាំងមួយនេះ កំពងតែត្រៀមនាំយកកម្លាំងបម្រើនៅតំបន់កណ្តាលបន្ថែមទៀត ដើម្បីពង្រឹងក្លិប។
បើតាមការចុះផ្សយរបស់The Mirror បានឲ្យដឹងថា ក្រុមសេដ្ឋីបារាំងមិនណយឡើយ បានត្រៀមលុយយ៉ាងច្រើនសន្ធឹកសន្ធាប់ មកប្រមាញ់ខ្សែបម្រើមួយរូបរូបដែលកំពុងតែទទួលបានភាពល្បីល្បាញខ្លាំង។ ជាក់ស្តែងណាស់ Paris Saint Germain កាន់កញ្ចប់ទឹកន្រាក់ចំនួន ១០០លានផោន ដើម្បីចរចារទិញយកកីឡាករ ដាណឺម៉ាក Christian Eriksen ពីក្រុមមាន់ខ្នាយមាស Tottenham Hotspur ។ Eriksen ជាកីឡាករសំខាន់មួយរូបរបស់ Tottenham ខណៈកីឡាកររូបនេះ ជាអ្នកនាំលេងដ៍សំខាន់របស់ក្រុមអង់គ្លេសមួយនេះ នាពេលកន្លងមកនេះ។ មិនតែប៉ុណ្ណោះ ក្រុម Barcelona និង Real Madrid ក៍មានបំណងចង់បាន Eriksen ផងដែរ ជាបញ្ហាមួយសម្រាប់ក្រុម Paris Saint Germain ដែលពិបាកក្នុងការប្រជែងនេះ។
ដូច្នេះហើយ ក្រុម Paris Saint Germain ត្រៀមទឹកប្រាក់រហូតដល់ទៅ ១០០លានផោន ដើម្បីចរចារជាមួយក្រុមមាន់ខ្នាយមាស Tottenham Hotspur ក្នុងការទិញយក Christian Eriksen ៕
