ក្រុមសេះបង្កង់ Juventus រដូវកាលនេះ លែងមែនទែនហើយ ដោយពួកគកំពុងតែត្រៀមទិញកីឡាករល្បីៗមកបន្ថែមទៀត ដើម្បីមហិច្ចតាឈ្នះ Champion League ។
បើតាមការចុះផ្សាយរបស់ The Goal បានឲ្យដឹងថា ក្រុមសេះបង្កង់ Juventus កំពុងស្នើដល់ក្រុមបិសាចក្រហម Manchester United ក្នុងការនាំយកអតីតខ្សែបម្រើស្បែកខ្មៅបារាំង Paul Pogba ត្រឡប់មកវិញ។ ជាក់ស្តែងណាស់ ក្នុងការចង់បាន Pogba នេះដែរ Juventus បានផ្តល់ការដោះដូរដ៍ល្អមួយ សម្រាប់ Man Utd ពោលគឺយល់ព្រមឲ្យខ្សែបម្រើឆ្នើម Miralem Pjanic ទៅ Old Trafford រួមទាំងបន្ថែមទឹកប្រាក់មួយចំនួនផងដែរ។ Pogba ធ្លាប់ជាអតីតកីឡាកររបស់ Juventus ដោយត្រូវក្រុមបិសាចក្រហម Manchester United ទិញយកក្នុងតម្លៃ ៨៩លានផោន កាលពី២រដូវកាលមុន ខណៈ Juventus ចង់បានមកវិញ ក្នុងតម្លៃអាចខ្ពស់ជាងនេះ។ យ៉ាងណាវិញ កីឡាករដែលជួយឲ្យបារាំងឈ្នះពាន World Cup នៅរុស្ស៊ី នាពេលថ្មីៗនេះ កំពុងតែមិនពេញចិត្តក្នុងការដឹកនាំរបស់លោក Jose Mourinho ផងនោះ ច្បាស់ជាចង់ចាកចេញពី Man Utd ជាក់ជាមិនខាន។
ដូច្នេះហើយ ក្រុមសេះបង្កង់ Juventus នឹងស្នើនាំយក Paul Pogba ពីក្រុមបិសាចក្រហម Manchester United វិញ ដោយសម្រេចឲ្យ Miralem Pjanic និងបន្ថែមទឹកប្រាក់មួយចំនួនផងដែរ៕
