ដោយ: វង្ស សុសីហា
ថ្វីបើការផ្លាស់ទៅកាន់ក្រុមសេះបង្កង់ Juventus ត្រឹមតម្លៃ ១០០លានអឺរ៉ូក្តី តែកំពូលខ្សែប្រយុទ្ធអន្តរជាតិពរទុយហ្គាល់វ័យ៣៣ឆ្នាំ Cristiano Ronaldo ទទួលបានតម្លៃពលកម្មប្រចាំឆ្នាំខ្ពស់កប់ពពក ពោលខ្ពស់ជាងកីឡាករដែលមានតម្លៃពលកម្មខ្ពស់បំផុត៤រូបផ្សេងទៀត នៅក្របខណ្ឌកំពូលប្រទេសអ៊ីតាលី។
ជាក់ស្តែងណាស់ បើតាមរបាយការណ៍របស់សារពត៌មាន The Goal បានឲ្យដឹងថា Cristiano Ronaldo មានតម្លៃពលកម្មខ្ពស់ជាងកីឡាករកំពូលខ្ពស់៤រូបផ្សេងទៀតនៅ Serie A ។ ក្នុងនោះដែរ តម្លៃពលកម្មដែល Ronaldo ទទួលបាននោះគឺ ៣១លានអឺរ៉ូ ក្នុងមួយឆ្នាំ ដែលជាតម្លៃពលកម្មដ៍ខ្ពស់មួយនាពេលបច្ចុប្បន្ននេះ។ កីឡាករ៤រូបដែលមានតម្លៃពលកម្មខ្ពស់នៅអ៊ីតាលី៤រូបផ្សេងទៀតនោះរួមមាន Gonzalo Higuain ទទួលបាន៩លានអឺរ៉ូ ក្នុង១ឆ្នាំ, Paulo Dybala ទទួលបាន៧លានអឺរ៉ូក្នុង១ឆ្នាំ, Dounglas Costa និង Gianluigi Dunnarumman ទទួលបានម្នាក់៦លានអឺរ៉ូក្នុង១ឆ្នាំ សរុបទៅ កីឡាករ៤រូបនេះ តម្លៃពលកម្មប្រចាំឆ្នាំសរុបចូលគ្នាទៅ មានចំនួនត្រឹមតែ ២៩លានអឺរ៉ូប៉ុណ្ណោះ ខណៈ Ronaldo វិញ តម្លៃពលកម្មដល់ទៅ ៣១លានអឺរ៉ូ។
ដូច្នេះហើយ កីឡាករកំពូល ៤រូបនៅក្របខណ្ឌកំពូលប្រទេសអ៊ីតាលី រួមមាន Higuain, Dybala, Costa និង Dunnaumman បូកបញ្ចូលគ្នាទៅ នៅមានតម្លៃពលកម្មទាបជាង Ronaldo នៅឡើយទេ៕
