ដោយ: វង្ស សុសីហា
ខ្សែបម្រើក្រូអាត Mateo Kovacic មិនព្រមផ្លាស់មកលេងជាមួយក្រុមបិសាចក្រហម Manchester United ឡើយ បើទោះបីជារូបគេចង់ចាកចេញពីក្រុម Real Madrid ក៍ដោយ។
ជាក់ស្តែងណាស់ បើតាមការចុះផ្សាយរបស់ Daily Mail បានឲ្យដឹងថា បិសាចក្រហម Manchester United បានបរាជ័យក្នុងការតាមប្រមាញ់ខ្សែបម្រើ ក្រូអាត Mateo Kovacic ពីក្រុម Real Madrid ។ ការបរាជ័យនេះដែរ មិនមែនមានន័យថា Kovacic មិនចង់ចាកចេញពី Real Madrid នោះទេ តែដោយសារតែ កីឡាកររូបនេះ ហាក់មិនចង់លេងក្រោមការដឹកនាំរបស់លោក Jose Mourinho ឡើយ។ ជាការពិតណាស់ Kovacic មិនពេញចិត្តទម្រង់លេងរបស់គ្រូបិសាចក្រហមរូបនេះឡើយ ដោយរូបគេមើលឃើញថា ទម្រង់របស់លោក Mourinho មិនត្រូវនឹងរបៀបលេងរបស់រូបគេឡើយ។ ម្យ៉ាងវិញទៀត ក្រៅពី Man Utd នៅមានក្រុមធំៗជាច្រើនទៀត ដែលចង់បាន Kovacic ដែលនេះជាជម្រើសយ៉ាងប្រសើរសម្រាប់កីឡាករក្រូអាតរូបនេះ ចង់ស្វែងរកទ្រនុំថ្មីនោះ។
ដូច្នេះហើយ ខ្សែបម្រើក្រូអាត Mateo Kovacic នឹងមិនមកលេងឲ្យក្រុមបិសាចក្រហម Manchester United ឡើយ ដោយសារតែរូបគេមិនចង់លេងក្រោមការដឹកនាំរបស់លោក Jose Mourinho ៕
