តារាចម្រៀង សំឡេងស្អក ខេម បានធ្វើអោយគេឯង មានការចាប់អារម្មណ៍ខ្លាំងណាស់ នៅពេលដែលលោក ស្រាប់តែមានការសង្ស័យថា មានកូនប្រុសដល់ទៅ២នាក់។ ភ្លាមៗមានការសង្ស័យថា លោកលាក់រឿងមានកូន ដើម្បីប្រជាប្រិយភាព តែយ៉ាងនេះក្តី សាមីខ្លួន បានបង្ហាញការបំភ្លឺ ដើម្បីអោយមានការអស់មន្ទិលសង្ស័យ ដូចចង់អោយហ្វេនៗអស់ឆ្ងល់។
លោកខេម ត្រូវបានគេលលើកឡើងថា បានសាងស្នេហ៍ឆ្លងទ្វីបច្រើនឆ្នាំមកហើយ ជាមួយក្រមុំខ្មែររស់នៅប្រទេសបារាំង។ មួយឆ្នាំៗ លោករមែងចេញទៅដើរលេងកម្សាន្តនៅ ស្រុកបារាំងដើម្បីសាងសម្ព័ន្ឋស្នេហ៍ អោយបានត្រដែតត្រដឹម។ បើទោះជាមានស្នេហារលូនគ្មាន អ្វីជាឧបសគ្គក៍គេមើលឃើញថា ខេមហាក់នៅតោះតើយ នៃដំណឹងចូលរោងការ ដោយមិនទាន់អាចសំពះផ្ទឹមបានទោះ ជាមានលុយកាក់សមរម្យ ចាត់ចែងពិធីមង្គលការក៍ដោយ។ ហ្វេនៗឬ អ្នកគាំទ្រកំពុងតាមដានមើលថា តើឆ្នាំណាលោករៀបការអោយផ្អើលគេឯង ក្នុងនាមជាតារាល្បីមួយដួង ក្នុងប្រទេស។
លោកប៉ុន សុណារិន ហៅខេម បានប្រាប់តាម ទូរស័ព្ទក្រោយវិលមកពីបារាំងភ្លាមៗនោះថារូបភាពកុមារីម្នាក់ឈ្មោះLy Ranette ដែលលោកបានបីនិងអោបព្រមទាំងរុញរទេះហើយត្រូវបានគេសង្ស័យថាជាកូនរបស់លោកនោះតាមពិតក្មេងស្រីនោះជាក្មួយរបស់លោកទេ។លោកខេម បន្ដថាបើលោកមានកូនមែនមិនមានរឿងដែលត្រូវលាក់បាំងឡើយព្រោះថាការមានកូនជារឿងល្អមួយសម្រាប់មនុស្សគ្រប់គ្នាចង់បានតែក្មេងស្រីនោះគ្រាន់ជាក្មួយរបស់លោកប៉ុណ្ណោះ។
ដោយឡែកទាក់ទងរឿងក្មេងប្រុសម្នាក់អាយុខ្ទង់៣ឆ្នាំហើយត្រូវបានលោកខេម បង្ហោះជូនពរថ្ងៃខួបកំណើតនៅលើហ្វេសបុកនោះបុកធ្វើឲ្យគេសង្ស័យថាជាកូនទី១របស់លោកនោះបែជាត្រូវបានតារាចម្រៀងសំនៀងស្អករូបនេះថាកុមារានោះជាកូនរបស់លោកឧកញ៉ាម្នាក់ដែលលោកទុកដូចជាបងទៅវិញ។លោកខេម សង្កត់ថា”អូ!បងក្មេងប្រុសហ្នុងកូនបងឧកញ៉ាតើ។មិនមែនកូនខ្ញុំទេបង…។ក្មេងស្រីជាក្មួយរបស់ខ្ញុំ ហើយក្មេងប្រុសជាកូនបងឧកញ៉ា ។ខ្ញុំអត់ទាន់មានកូនផងហ្នឹង”។