យ៉ែម សំអូន បង្កើនក្ដីស្រឡាញ់ និងភាពកក់ក្ដៅឱ្យកូនប្រុសគួរឱ្យសរសើរ

0
- Advertisement Banner -

ការទទួលខុសត្រូវ ក្នុងនាមជាឪពុកម្នាក់ របស់លោក យ៉ែម សំអូន បានធ្វើអោយស្រទាប់មហាជនសរសើរពីគុណធម៌របស់លោកខ្លាំងឡើង ជាពិសេសនៅពេលដែលលោកតែងតែបង្ហោះពីសកម្មភាពផ្ដល់ភាពកក់ក្ដៅទៅអោយកូនប្រុស ដែលគេអាចនិយាយបានលោកគឺជាឪពុកដែលពោរពេញដោយគុណធម៌ និង ការទទួលខុសត្រូវខ្ពស់ ដើម្បីអោយកូនប្រុសមានអនាគត។ លោកបានហៅកូនប្រុសសំណព្វចិត្តរបស់ខ្លួនថាមេតូច បន្ទាប់ពីកូនប្រុសរបស់លោក ក៏មានសមត្ថភាពធ្វើអោយអាជីវកម្មរបស់លោកមានការឈានឡើង ដោយមិនចាំបាច់ពឹងអាស្រ័យលើអ្នកជំនាញមកពីខាងក្រៅដូចមុន ដែលអាចនិយាយបានថា លោកគឺជាឪពុកខ្លា ហើយកូនប្រុសក៏ខ្លាំងក្នុងការជួយរកចំណូល។

យ៉ាងណាមិញ សំណួរមួយកំពុងតែលើកឡើងថា តើកូនប្រុសរបស់លោកម្នាក់នេះ គឺជាកូនបង្កើតរបស់លោក ឬ ជាយ៉ាងណា បើពេលកន្លងមក គេដឹងត្រឹមតែថាលោកមានតែកូនស្រីម្នាក់ប៉ុណ្ណោះ ដែលក្នុងពេលបច្ចុប្បន្នកូនស្រីរបស់លោក កំពុងរស់នៅប្រទេសអូស្ត្រាលីជាមួយអតីតភរិយា គឺ អ្នកនាង យ៉ាន លីនដា ដែលបានលែងលះគ្នា។ វត្តមានកូនប្រុសរបស់លោកនៅក្នុងពេលនេះ គឺបន្ទាប់លោកធ្លាប់ត្រូវបានអ្នកនាង យ៉ាន លីនដា ជាអតីតភរិយា ចោទថា បានបង្កើតទំនាក់ទំនងស្នេហាភេទដូចគ្នា ហើយបណ្ដាលអោយអ្នកនាង សម្រេចចិត្តលែងលះ និង វិលទៅរស់នៅប្រទេសអូស្ត្រាលី ហើយស្ពាយឈ្មោះម៉េម៉ាយ មិនស្ដាយសូម្បីតែកេរ្តិ៍ឈ្មោះក្នុងសិល្បៈ។ កូនប្រុសម្នាក់នេះ ទំនងជាដំណក់ឈាមរបស់លោកជាមួយនារីក្រៅសិល្បៈណាម្នាក់ ហើយលោកមិនទម្លាយបើកកកាយក្នុងពេលរួមរស់ជាមួយអ្នកនាង យ៉ាន លីនដា ទើបក្រោយពេលស្ងប់ស្ងាត់រឿងលះលះ ធ្វើអោយលោកក្លាហានហ៊ានបង្ហាញមុខកូនប្រុស ដែលមហាជនភាគច្រើនមិនធ្លាប់ស្គាល់។

ស្របពេលដែលក្មេងប្រុស ដែលមានឈ្មោះថា សំអូន ជលសា រូបនេះ ក៏មានមុខមាត់ស្រដៀងនឹងមុខមាត់លោកជាឪពុកផង ទើបធ្វើអោយគេយល់ថា លោក និង កូនប្រុស គឺពិតជាឪពុក និង កូន ពិតប្រាកដ ក្នុងពេលដែលលោកក៏ធ្វើអ្វីដើម្បីកូនប្រុសគួរអោយសរសើរ។ យ៉ាងណាមិញ ចម្ងល់ដ៏ពិបាកយល់មួយ កំពុងបន្តលាតត្រដាងថា ក្នុងពេលដែលលោករួមរស់ជាមួយអតីតភរិយា គឺអ្នកនាង យ៉ាន លីនដា លោក មិនធ្លាប់មានរឿងរ៉ាវអាស្រូវថាមានស្រីញីឬ ជាបុរសពោះម៉ាយ ហើយទៅរៀបការជាមួយអ្នកនាង យ៉ាន លីនដា ទាល់តែសោះ ទើបមានការប៉ាន់ស្មានមួយថា ក្មេងប្រុសដែលលោកបង្អួតថា គឺជាកូនប្រុសនេះ ទំនងគ្រាន់តែជាក្មួយ ឬ កូនចិញ្ចឹម ដែលលោកយកមកបណ្ដុះ ហើយចិញ្ចឹមដូចកូនបង្កើត ក្រោយពេលការងារមានការរីកចំរើន ហើយគ្មានអ្នកជំនួសដៃជើង។
ខាងក្រោមនេះជាវីដេអូវិភាគ ដែលមានការផ្សាយនៅផ្ទះតារា៖

LEAVE A REPLY

Please enter your comment!
Please enter your name here