អ្នកនាងកែវ កល្យាណ មានមោទនភាពជាពន់ពេក នៅពេលដែលឃើញកូនស្រី កញ្ញាកែវ ឡាវីញ មានដុងសម្តែង យ៉ាងល្អកាត់មកខ្លួន។ ពេលនេះកូនស្រី បានសាងនូវភាពលេចធ្លោ បានប៉ុន្មានវណ្ណកម្មមកហើយ។ មានរឿងមួយដែលកូនស្រីសម្តែងបែប ស្រីស្រឡាញ់ស្រី ហើយផ្ទុះការទាក់ទាញ រហូតខ្លាចមានការយល់ច្រឡំ អ្នកនាងបានចេញការពិចារណាភ្លាមៗ លើវិថីសិល្បៈដែលកូនកំពុង ដើរតាមនេះ។
យ៉ាងណាអ្នកនាងកល្យាណ ថាពេលនេះនាងអាចនឹងមិនឲ្យកូនស្រីថតសម្ដែងភាពយន្ដតទៅទៀតនោះទេហើយចង់ឲ្យគេប្រើប្រាស់ជំនាញដែលរៀនចប់នៅមហាវិទ្យាល័យនោះគឺផ្នែកDesign ។ប៉ុន្ដែអ្នកនាងកល្យាណ នៅតែអះអាងថាកូនស្រីរបស់ខ្លួនកញ្ ញាឡាវីញ មិនមែនជាមនុស្សស្រីស្រលាញ់ស្រីនោះឡើយគឺនាងជាស្រីពេញលក្ខណៈហើយក៍មានសង្សារហើយដែរជាបុរសពេញលក្ខណៈត្រឹមត្រូវ គ្រាន់តែរឿងដែលធ្វើឲ្យអ្នកនាងមិនពេញចិត្តគឺក្រោយមានរឿងបែបនេះ មកធ្វើឲ្យប៉ៈពាល់ដល់ កិត្តិយសក្រុមគ្រួសារនិងសាមីខ្លួនផ្ទាល់ផងដែរ។
អ្នកនាងកែវ កល្យាណ ក្រោយចែកផ្លូវគ្នាជាមួយអតីតគូស្នេហ៍នាងបន្សល់ចំណងដៃកូន២នាក់(ស្រី១)តែនាងមិនដែលលាតត្រដាងរឿងស្នេហ៍ថ្មីឡើយ។យ៉ាងណាអ្នកនាងកល្យាណ ដែលពេលនេះកូនប្រុសស្រីពេញវ័យកំលោះក្រមុំអស់ទៅហើយនោះនាងរស់នៅជីវភាពធូធារបើទោះជាលក់ផ្ទះវីឡារធំស្កឹមស្កៃនៅផ្សារទំនើបអ៊ីន២មែន តែនាងបានទិញផ្ទះវីឡារថ្មីមួយទៀតនៅខណ្ឌសែនសុខ និងជិះរថយន្ដទំនើបៗទៀតផង។អ្នកនាងកល្យាណ ថាក្រៅពីបញ្ចប់ថ្នាក់បរិញ្ញាបត្រផ្នែកDesign នោះកូនស្រីអ្នកនាងកញ្ញាឡាវីញ ក៍ចេះនិយាយភាសារអង់គ្លេស,ថៃ និងចិន យ៉ាងស្ទាត់ជំនាញផងដែរ៕