តារាសម្តែង សារ៉ាយ សក្ខណា បាននឹងកំពុងរស់នៅសហរដ្ឋអាមេរិក ជាមួយស្វាមី និងកូន២នាក់។ អ្នកនាង មិនអាចមកលេងមាតុភូមិ បានទេអំឡុងពេលនេះ ព្រោះតែបញ្ហាកូវីដ១៩ ផ្ទុះឡើងពេញពិភពលោក។ ស្របពេលដែលកម្ពុជា ផ្ទុះបញ្ហាកូវីដ១៩គួរអោយភ្ញាក់ផ្អើល សារ៉ាយ សក្ខណា បានចេញវិដេអូខ្លីមួយ ស្តីអំពីការចាក់វាក់សាំងការពារ កូវីដនៅលើទឹកដីមហាអំណាយគេធ្វើឡើងរបៀបណា។
ក្នុងរូបភាពវិដេអូ ដែលមានរយៈពេលប៉ុន្មាននាទី តារាសម្តែងក្រមិចក្រមើម សារ៉ាយ សក្ខណា បានបង្ហាញអោយឃើញអំពី ការចាក់ថ្នាំការពារកូវីដ ដែលជាចំនេះដឹងមួយ ។ ក្នុងនោះ សក្ខណាបាន អធិប្បាយថា នៅអាមេរិក គេចាក់ថ្នាំការពារកូវីដ មិនធ្វើឡើងនៅក្នុងក្រុងទេ ។ គេតម្រូវអោយចាក់ថ្នាំក្រៅក្រុង ដូចជានៅបរិវេនព្រលានយន្តហោះ ។ មូលហេតុដើម្បីការពារ ភាពចង្អៀតជុំៗគ្នា។ ក្រោយមកពេទ្យគេសុំ លិខិតធបណ្ណបញ្ជាក់ជំងឺ និងសួរនាំថាក្នុងខ្លួនមានឈឺអ្វីទេ ។ មានទម្ងន់អត់ សុខភាពធម្មតាទើបគេអោយចាក់ ។ ការចាក់គឺ ធ្វើតែក្នុងឡានរៀងៗខ្លួនមិនតម្រូវអោយចេញក្រៅឡើយ។ចាក់តាមឡាន ឬរថយន្តរៀងៗខ្លួន។ សក្ខណាអោយ ដឹងទៀតថា ពេលចាក់ហើយ គេអោយអង្គុយក្នុងឡាន១៥នាទី ដើម្បីតាមដានសុខភាព។បើមិនមានអ្វីប្លែកទេ យើងអាចត្រឡប់ទៅផ្ទះបានធម្មតា។
យ៉ាងណា សារ៉ាយ សក្ខណា បានជូនពរដល់ប្រជាពលរដ្ឋកម្ពុជា សូមអោយរួចផុតពី មេរោគកូវីដ។ ចំនែកអ្នកសិល្បៈ ដែលផ្ទុកកូវីដ គួរកុំតក់ស្លុតញាំថ្នាំតាមពេទ្យបញ្ជា។
![](https://i0.wp.com/phteasdara.com/wp-content/uploads/2021/03/6CC4B27B-6B6F-48C3-BA38-28402459509A.jpeg?resize=696%2C935)
![](https://i0.wp.com/phteasdara.com/wp-content/uploads/2021/03/E917E520-643C-4234-880D-EE0E346B6D0A.jpeg?resize=696%2C898)
![](https://i0.wp.com/phteasdara.com/wp-content/uploads/2021/03/CC0D4F70-4AB9-45FF-852F-CD11E58D8244.jpeg?resize=696%2C870)
![](https://i0.wp.com/phteasdara.com/wp-content/uploads/2021/03/60D902D7-D9B7-4D46-8FDD-476A16A0A1BB.jpeg?resize=696%2C704)
![](https://i0.wp.com/phteasdara.com/wp-content/uploads/2021/03/E94A8C06-AB6E-4A83-BC46-82041668CCE0.jpeg?resize=696%2C930)