ដ្បិតថាមានកូន3នាក់ឡើងកំលោះក្រមុំទៅហើយ តែគេកត់សម្គាល់ថា ចំណងស្នេហ៍របស់លោកជំទាវ ស្រឿន វ៉ាន់នី ឬ លោកជំទាវ មួយឡេង និង ស្វាមីមន្ត្រីផ្កាយ២ លោក ប៊ន សំអាត កាន់តែពោរពេញដោយភាពផ្អែមល្ហែម និង រ៉ូមេទិកគួរអោយសរសើរ។ អ្នកទាំងពីរមិនត្រឹមតែត្រូវបានគេកត់សម្គាល់យកចិត្តទុកដាក់នឹងគ្នានៅខាងក្រៅ រាល់ពេលបង្ហាណសកម្មភាពទៅណាមកណាជាមួយគ្នាប៉ុណ្ណោះទេ សូម្បីតែនៅក្នុងសង្គមហ្វេសប៊ុក ក៏តែងតែបង្ហាញពីភាពរឹងមាំនៃចំណងស្នេហ៍ មិនចាញ់គូស្នេហ៍ក្មេងៗប៉ុន្មានដែរ។ លោកជំទាវ ដែលត្រូវបានគេស្គាល់ថា គឺជាអគ្គនាយិកាក្រុមហ៊ុនមួយឡេងរូបនេះ តែងតែបណ្ដើរស្វាមីទៅថតរូបទុកជាអនុស្សាវរីយ៍ ដោយរូបថតជាលក្ខណៈគ្រួសារដែលថតនៅក្នុងហាងថតរូបមួយចំនួន តែងតែត្រូវបានដាក់បង្ហោះជារឿយ។
នៅលើបណ្ដាញសង្គមដដែល លោកជំទាវ និង ស្វាមីក៏តែងតែបង្ហាញអោយឃើញពីសកម្មភាពរួមគ្នា ដោយថតកៀកកើយ និង បង្ហាញនូវស្នាមញញឹមរួមគ្នាជាប្រចាំ បញ្ជាក់ថាអ្នកទាំងពីរកាន់តែមានវ័យច្រើន កាន់តែចាស់ចិត្តគំនិត និង កាន់តែស្រលាញ់ចេះថែទាំគ្នា។ កាលពីថ្ងៃទី១៤ កុម្ភៈ ដែលជាទិវារនៃក្ដីស្រលាញ់នាពេលថ្មីៗ អ្នកទាំងពីរក៏ពពាក់អារម្មណ៍គ្នាទៅវិញទៅមក ដោយកាដូបាច់ផ្កា និង រំលឹកពីអនុស្សាវរីយ៍ ដែលធ្វើអោយស្នេហាក្មេងៗមួយចំនួនសុំខ្មាស់នោះផង។ ចេញទៅណាម្ដងៗ ក៌ច្រើនតែពាក់អាវជាទម្រង់គូស្នេហ៍ ដែលបង្ហាញកាន់តែច្បាស់ពីការអោយតម្លៃនៃការចងរឹតផ្លូវចិត្ត បើទោះជាចំណងស្នេហ៍នេះ មិនមែនទើបតែថ្មីថ្មោងនោះផងដែរ។
លោកជំទាវមួយឡេង មិនត្រឹមតែជាអគ្គនាយិកាក្រុមហ៊ុន មួយឡេងប៊ីយូធី ប៉ុណ្ណោះទេ លោកជំទាវក៏មានហាងពេជ្រ និងគ្រឿងមាស និង តែងប្រើឡាយលក់ជាប្រចាំផងដែរ ទើបកាន់តែហ្វេនច្រើនស្គាល់លោកជំទាវ ព្រោះតែមុខរបរអនឡាញនេះ៕
![](https://i0.wp.com/phteasdara.com/wp-content/uploads/2021/02/AA40CCC8-D87E-4402-B446-5990B9A3743C.jpeg?resize=696%2C522)
![](https://i0.wp.com/phteasdara.com/wp-content/uploads/2021/02/E05CCF62-5413-4598-BCC8-4CABB9B4A423.jpeg?resize=612%2C918)
![](https://i0.wp.com/phteasdara.com/wp-content/uploads/2021/02/C897CB0B-4940-4DDA-8558-A586D9273720.jpeg?resize=696%2C928)
![](https://i0.wp.com/phteasdara.com/wp-content/uploads/2021/02/4FB4A526-8149-4A61-B965-36C68E8F69F7.jpeg?resize=696%2C522)
![](https://i0.wp.com/phteasdara.com/wp-content/uploads/2021/02/93FB9316-F0C4-46E4-9E92-99FA2FF1DAF2.jpeg?resize=612%2C918)
![](https://i0.wp.com/phteasdara.com/wp-content/uploads/2021/02/FFEA1811-093D-4EB1-8138-A3C9A76D3B60.jpeg?resize=696%2C464)
![](https://i0.wp.com/phteasdara.com/wp-content/uploads/2021/02/3EF11305-DAE4-4FA9-B173-4CF6FF0BF21D.jpeg?resize=696%2C464)
![](https://i0.wp.com/phteasdara.com/wp-content/uploads/2021/02/C24F6646-8282-4DD5-8830-CC3CA14A9D1F.jpeg?resize=696%2C464)
![](https://i0.wp.com/phteasdara.com/wp-content/uploads/2021/02/E85BE9E7-5493-46A4-AD25-9C508B542F10.jpeg?resize=696%2C971)