គ្មានអ្នកណាមិនដឹងនោះទេថា តារាចម្រៀង និងកំពូលតារាសម្ដែងថៃ នាង ខេតទ្រីយ៉ាអ៊ីងលីស (katreeya English) ដែលត្រូវគេស្គាល់ច្រើនតាមរយៈតួឯកក្នុងរឿង«ស្រីតូចចង្កៀងកែវ» និងបានបង្ហាញខ្លួនជាថ្មីនៅកម្ពុជាកាលពីថ្ងៃទី២៣ កក្កដា នៅសណ្ឋាគាសូហ្វីតែលភ្នំពេញ ជាតារាដែលមានវ័យច្រើនតែនៅរក្សាសម្រស់បានស្អាត ហើយក្មេងជាងវ័យ។ ប៉ុន្តែបើក្រឡេកទៅមើលរួបសម្រស់ និងស្ទីលតែងខ្លួនរបស់តារាល្បីកម្ពុជា២រូប គឺអ្នកនាង យុគ ចិន្តា និងអ្នកនាង គង់ សុជាតិ ដែលត្រូវគេដឹងថាក៏មានវ័យប្រហាក់ប្រហែលនឹង ខេតទ្រីយ៉ាអ៊ីងលីស ដែរនោះ ក៏ស្អាតកប់មិនធម្មតានោះដែរ នៅក្នុងថ្ងៃនោះ។
![](https://i0.wp.com/phteasdara.com/wp-content/uploads/2018/07/photo_2018-07-23_21-12-10.jpg?resize=696%2C464&ssl=1)
គ្រងដោយឈុតស ដែលច្នៃម៉ូដដោយខ្លួនឯង អ្នកនាង យុគ ចិន្តា ត្រូវគេមើលឃើញថាចង់ស្អាតជាងតារាថៃ ខេតទ្រីយ៉ាអ៊ីងលីស ដែលខ្ទរខ្ទារដោយការសរសើរថាស្អាត ក្មេង និងស្រស់ផូរផង់នោះទៅទៀត។ មួយឈុតយ៉ាងសមញ្ញ តែថ្លៃថ្នូរបស់អ្នកនាង ធ្វើអោយម្នាក់ៗលាន់មាត់សរសើរថា ពិធីការិនីឆ្នើម និងចាស់វស្សារូបនេះ ស្អាតកប់តែម្ដង នៅក្នុងចំណោមតារារៀមច្បង ដែលមានអាចរក្សាកេរ្តិ៍ឈ្មោះបានយូរ ហើយនៅតែស្អាត និងក្មេងជាងវ័យ។ គាប់ជួនជាអ្នកនាងរួសរាយ ហើយត្រូវបានស្វាគមន៍ដោយតារាក្នុងស្រុកច្រើនជាងតារាថៃ ដែលមកបង្ហាញខ្លួននៅក្នុងថ្ងៃនោះផង អ្នកនាងកាន់តែលេចធ្លោខ្លាំងនៅក្នុងពិធីទាំងមូល។ ជាក់ស្ដែងសូម្បីតែជនបរទេសមួយរូបក៏ធ្វើជាជូនផ្កាជូនដល់អ្នកនាងនៅចំពោះមុខអ្នកសារព័ត៌មាន ព្រោះតែលង់នឹងសម្រស់ក្មេងវ័យ និងឡូយកប់របស់អ្នកនាងនោះដែរ។
![](https://i0.wp.com/phteasdara.com/wp-content/uploads/2018/07/photo_2018-07-23_21-12-25.jpg?resize=696%2C464&ssl=1)
ងាកទៅអ្នកនាង គង់ សុជាតិ ឯណោះវិញ អ្នកណាក៏ដឹងថាអ្នកនាងជាតារាដែលមានវ័យច្រើននោះដែរ ប៉ុន្តែមួយឈុត និងស្ទីលតែងមុខរបស់អ្នកនាងនៅក្នុងពិធីនោះ គឺក្មេង ហើយស្អាតលប់សម្រស់តារាវ័យជាង២០តែម្ដង។ អ្នកនាង និងស្វាមី ដ្បិតថាមានវ័យបងស្វាមីច្រើនបន្តិច ប៉ុន្តែអ្នកបានឃើញអ្នកនាងនៅក្នុងយប់នោះ សុទ្ធតែលាន់មាត់ថាអ្នកនាងវ័យច្រើនមែន តែសម្រស់លូយកប់ នៅក្នុងពិធីតែម្ដង។ អ្នកនាងក៏ទទួលបានភាពលេចធ្លោមិនអន់នោះដែរ បើធៀបនឹងតារាថៃ ខេតទ្រីយ៉ាអ៊ីងលីស ដែលត្រូវគេចាត់ទុកថាជាតួឯកនៅក្នុងពិធីនោះ។
![](https://i0.wp.com/phteasdara.com/wp-content/uploads/2018/07/photo_2018-07-23_21-12-29.jpg?resize=696%2C464&ssl=1)
តារាមួយចំនួនបានទាំងសរសើរថា អ្នកនាង គង់ សុជាតិ និងយុគ ចិន្តា ក្មេងងស្អាត និងឡូយកប់ ជាងតារាថៃ អ្នកនាង ខេតទ្រីយ៉ាអ៊ីងលីស ផង ស្របគ្នាដែលខេតទ្រីយ៉ាអ៊ីងលីស បង្ហាញខ្លួននៅកម្ពុជាលើកនេះ ហាក់ដូចជាថមថយសម្រស់ជាងមុន បើធៀបនឹងការបង្ហាញខ្លួនលើកមុន។ យ៉ាងណាមិញ អ្នកនាង គង់ សុជាតិ និងអ្នកនាង យុគ ចិន្តាហាក់មិនហ៊ានប្រៀបធៀបសម្រស់នឹងតារាថៃ អ្នកនាង ខេត នោះទេ ដោយព្រលយពាក្យបន្លំមែនតើ«កុំចេះតែថាតារាថៃគេស្អាតចង់ងាប់ ទៅប្រដូចអីយើងនុះ»។
![](https://i0.wp.com/phteasdara.com/wp-content/uploads/2018/07/photo_2018-07-23_21-12-30.jpg?resize=696%2C464&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-12-40.jpg?resize=696%2C464&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-12-42-2.jpg?resize=696%2C1044&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-12-42.jpg?resize=696%2C464&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-12-58.jpg?resize=696%2C464&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-13-03.jpg?resize=696%2C464&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-13-07.jpg?resize=696%2C464&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-13-08.jpg?resize=696%2C464&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-14-22.jpg?resize=696%2C464&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-14-25-2.jpg?resize=696%2C1044&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-14-25.jpg?resize=696%2C1044&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-14-30.jpg?resize=696%2C464&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-14-46.jpg?resize=696%2C464&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-14-57.jpg?resize=696%2C1044&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-15-18.jpg?resize=696%2C464&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-15-32.jpg?resize=696%2C464&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-16-19.jpg?resize=696%2C464&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-16-22.jpg?resize=696%2C464&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_21-16-23.jpg?resize=696%2C1044&ssl=1)
![](https://i0.wp.com/phteasdara.com/wp-content/uploads/2018/07/photo_2018-07-23_22-23-36.jpg?resize=424%2C1240&ssl=1)