លោក សន ពិសិដ្ឋ ដែលជាតួអង្គឯក បានបង្ហាញពីអារម្មណ៍រំភើបយ៉ាងខ្លាំង ដែលភាពយន្តមួយនេះ ត្រូវបានប្រកាសដាក់លក់សំបុត្រ ខណៈដែលលោកប្រាប់ថា នៅគឺជាស្នាដៃថ្មីដែលខ្លួនសម្ដែង ជាមួយអ្នកនាង សុខ សោមាវត្តី ហើយបង្ហាញពីរ៉ូមេទិកនៃស្នេហាយុវវ័យ។ យ៉ាងណាមិញលោកថាក្នុងរឿងទាំងមូលមានបង្កប់ឈប់អប់រំ ច្រើនជាងបង្ហាញពីស្នេហារោលរាល ទើបលោករំពឹងយ៉ាងខ្លាំងថានឹងកន្ត្រាក់អ្នកទស្សនា ជាពិសេសគឺយុវវ័យបានច្រើន។
លោក វ៉ន ប៊ុនស៊ីម ដែលជាផលិតករ និងអ្នកដឹកនាំរឿង “អន្ទាក់ស្នេហ៍” បានអះអាងថា នេះជារឿងស្នាដៃកូនខ្មែរសុទ្ធសាធ ដោយពុំមានការចម្លងពីសាច់រឿងមកពីណានោះទេ។ នេះក៏ជាស្នាដៃរបស់ផលិតកម្ម Space Sp របស់លោក ដែលបានសម្រិតសម្រាំង និងចំណាយច្រើនគួរសម ដើម្បីអោយរឿងទាំងមូលមានប្លង់ល្អៗ មិនអោយចាញ់ប្លង់ក្នុងរឿងបរទេសនោះផងដែរ។ លោករំពឹងពីភាពជោគជ័យ ថ្វីដ្បិតតែភាពយន្តនេះ មិនផ្ដោតលើឈុតភ័យរន្ធត់ និងកំប្លែងទាំងស្រុង។ នៅក្នុងពិធីសម្ពោធ លោកក៏សប្បាយចិត្តផងដែរ ដែលមានផលិតករ និងតួសម្ដែង ចូលរួមអបអរ ខណៈដែលលោកក៏បានរំលេចរបាំសែនព្រេន អោយភ្ញៀវកិត្តិយសចាប់អារម្មណ៍។
