ឧកញ៉ា ឡេង ណាវ៉ាត្រា ចុះ MOUជា​មួយ​វិទ្យាស្ថាន​ជាតិ​ពាណិជ្ជសាស្ត្រ

0
- Advertisement Banner -

កាលពីព្រឹកថ្ងៃទី២០ វិច្ឆិកា ពិធីចុះអនុស្សរណៈយោគយល់គ្នាមួយត្រូវបានធ្វើឡើង រវាង​លោក ឧកញ៉ា ឡេង ណាវ៉ាត្រា ជា​មួយ​វិទ្យាស្ថានថានជាតិពាណិជ្ជសាស្ត្រក្នុងគោល​បំណង​បង្កើតថ្នាក់រៀនជំនាញខ្លីដោយមិនគិត​ប្រាក់ សម្រាប់តែសិស្ស​និស្សិត​ដែល​​មាន​ចំណង ទៅ​ធ្វើ​ការ​នៅ​ប្រទេស​កូរ៉េ​។

ឯកឧត្ដម​ តឹប អឿន នាយក​​វិទ្យាស្ថាន​ជាតិ​ពាណិជ្ជសាស្ត្រ បាន​លើក​ឡើង​ថា ដើម្បី​ឆ្លើយ​តប​​ទៅ​តាម​តម្រូវ​ការ​ទីផ្សារ​នា​ពេល​បច្ចុប្បន្ន ជា​ពិសេស​ទៅ​លើ ជំនាញ​ភាសា​បរទេស វិទ្យាស្ថាន​ជាតិ​ពាណិជ្ជសាស្ត្រ បាន​សម្រេច​បើក​ថ្នាក់​រៀន ជំនាញ​ភាសា​កូរ៉េ​១​មុខ​បន្ថែម​ទៀត សម្រាប់ បង​ប្អូន​សិស្ស​និស្សិត​ដែល​មាន​បំណង​ចង់​ទៅ​ធ្វើ​ការ​នៅ​ប្រទេស​កូរ៉េ ក្នុង​​នោះ ការ​បើក​ថ្នាក់​រៀន​​នេះ ស្ថិត​ក្រោម​ការ​ឧបត្ថម្ភ​ដោយ ក្រុមហ៊ុន​បុរី​ឡេង​ណាវ៉ាត្រា។ លោក នាយក​វិទ្យាស្ថាន​បន្ថែមថា តាមរយៈកិច្ចព្រមព្រៀងនេះ សិស្ស-និស្សិត នឹងទទួលបាននូវចំណេះដឹងផ្នែកភាសាកូរ៉េ បានយ៉ាងងាយស្រួល ព្រោះការសិក្សា មិនតម្រូវឲ្យបង់​ប្រាក់ឡើយ ។ ក្រៅ​ពីផ្ដល់ឱកាសសិក្សា ដោយមិនគិតថ្លៃ សិស្សនិស្សិតក៏នឹង​មានឱកាសច្រើន​ក្នុង​ការ​​​ទៅ​បំពេញ​ការងារ នៅក្នុងប្រទេសកូរ៉េ ពេលសិក្សាចប់ ក្រោមកិច្ចសហការ ជាមួយក្រសួងការងារ បណ្ដុះ​បណ្ដាល​វិជ្ជាជីវៈ និងយុវនិតិសម្បទា ក្រោមការជួយជ្រោមជ្រែងបន្ថែម ពីក្រុមហ៊ុនលោកឧកញ៉ា ឡេង ណាវ៉ាត្រា ផងដែរ។

លោកឧកញ៉ា ឡេង ណាវ៉ាត្រា អគ្គនាយកក្រុមហ៊ុនបុរី ឡេង ណាវ៉ាត្រា បានថ្លែងថា គោល​បំណងដែលលោកបង្កើតថ្នាក់សិក្សា ភាសាកូរ៉េដោយឥតគិតថ្លៃនេះ គឺដើម្បីជួយសម្រួលដល់​សិស្សនិស្សិត ដែលមានបំណងចង់ទៅបំពេញការងា នៅក្នុងប្រទេសកូរ៉េ។ វគ្គនេះក៏ផ្ដល់អោយបងប្អូនបានរៀនភាសាកូរ៉េឲ្យស្ទាត់ជំនាញ ងាយស្រួលក្នុងការប្រឡងទៅធ្វើការងារឆាប់ជាប់ និងងាយទទួលព័ត៌មានជាក់លាក់ ច្បាស់លាស់ មុននឹង​ចេញ​ទៅ​បំពេញ​ការងារនៅប្រទេសកូរ៉េផងដែរ។

សូមបញ្ជាក់ថា វគ្គសិក្សាភាសាកូរ៉េដោយឥតគិតថ្លៃ នៅវិទ្យាស្ថានជាតិពាណិជ្ជសាស្ត្រនេះ មានរយៈពេល២ឆ្នាំ ក្នុង១វគ្គជ្រើសរើសសិស្សចំនួន២០០នាក់ ជាមួយនឹងការសិក្សាចន្លោះ​ពី៣ទៅ​៦​ខែ៕

LEAVE A REPLY

Please enter your comment!
Please enter your name here