មហាជនភ្ញាក់ផ្អើល! ភរិយា ចៅហ្វាយខេត្តព្រះសីហនុ ប្រកាសសម្តែងរបាំព្រះរាជទ្រព្យ

0
- Advertisement Banner -

សហការី៖ ឧត្តម

ដើម្បីលើកស្ទួយតម្លៃ វប្បធម៌សិល្បៈ បុរាណអោយបន្តមានការបន្តបណ្តុះគំនិតស្រឡាញ់ជាតិ ភរិយារបស់លោក គួច ចំរើន គណៈអភិបាលខេត្តព្រះសីហនុ បា នប្រកាសលើបណ្តាញសង្គមថា លោកជំទាវត្រៀមឡើងរាំរបាំពត់ពេនក្នុងពេលខាងមុខ។ ដំណឹងនេះធ្វើអោយភ្ញាក់ផ្អើល ហើយម្នាក់ៗ កំពុងតែតាមដាន ចង់ចូលរួមដើម្បីបានទស្សនាសម្រស់ និង កាយវិការរាំរបស់ ភរិយាជនល្បីឈ្មោះរូបនេះ។

កាលពីម្សិលមិញនេះ នាថ្ងៃទី ១៦ ខែវិច្ឆិកា ឆ្នាំ ២០១៩ មហាជនជាច្រើនមានការចាប់អារម្មណ៍ និងភ្ញាក់ផ្អើលជាខ្លាំង ក្រោយពីឃើញ លោកជំទាវ​ អ៊ូ​ ធីតាពៅ​ ភរិយា ឯកឧត្តម គួច​ ចំរើន បានបង្ហោះសារខ្លីមួយបញ្ជាក់ថា រូបគាត់នឹងសម្តែង  របាំព្រះរាជទ្រព្យ ជូនបងប្អូនទស្សនា នៅសាលចតុមុខ មុនចូលឆ្នាំខ្មែរ ដែលនឹងខិតចូលមកដល់នាពេលខាងមុខនេះ។ ចំពោះវេលាសម្តែង លោកជំទាវនឹងជម្រាបជូនជាសាធារណៈតាមក្រោយ។ ក្នុងនោះ លោកជំទាវ ក៏បានបញ្ជាក់ប្រាប់បន្ថែមទៀតថា៖ “នាងខ្ញុំ កំពុងរៀបចំសំដែងជូននូវ របាំព្រះរាជទ្រព្យ ល្ខោនបូរាណ រឿង«ព្រះអនុរទ្ធនាងឱសា» សារជាថ្មី ឡើងវិញ សូមបងប្អូនជនរួមជាតិមេត្តាជួយគាំទ្រ វប្បធម៌ របាំបូរាណខ្មែរយើងផង និងជួយផ្តល់ជាកំលាំងចិត្ដដល់រូបនាងខ្ញុំនិងក្រុមសិល្បៈបូរាណរបស់នាងខ្ញុំផង”។ ក្រោយពីឃើញបែបនេះ មហាជនជាច្រើនបានបង្ហាញអារម្មណ៍គាំទ្រជាខ្លាំង។ លោកជំទាវ ក៏បានបញ្ជាក់បន្ថែមនៅក្នុង comment ថា “ខ្ញុំចេញសំដែងផ្ទាល់ចា៎ ! ជួយគាំទ្រផង”៕

LEAVE A REPLY

Please enter your comment!
Please enter your name here