Rith Omega កាក់កបមុខរបរបើកក្លិបទាំងគ្មានបទពិសោធន៍

0

តាំងពីមានវត្តមានក្នុងជំនួញបើកក្លិបជាមួយតារាចម្រៀង លោក សុគន្ធ ថេរ៉ាយុ គេកត់សម្គាល់ថា អ្នកដឹកនាំសម្ដែង លោក Rith Omega ធ្វើអោយអតីតក្លិបថោន ដែលប្ដូរឈ្មោះថ្មីថា QKCLUB ល្បីឈ្មោះយ៉ាងខ្លាំង។ ក្លិបនៅក្រោមការខ្នះខ្នែងរបស់លោក ត្រូវបានគេកត់សម្គាល់ថា ទាក់ទាញអ្នកទៅកម្សាន្តស្ទើរតែនាំមុខគេនាពេលចុងក្រោយ ដោយអាចនិយាយបានថា ទើបតែមានវត្តមានរយៈពេលខ្លីប៉ុណ្ណោះ ប៉ុន្តែប្រជែងទីផ្សារមិនធម្មតា។

- Advertisement -

លោក Rith Omega បានបង្ហោះនៅលើហ្វេសប៊ុកថា”អគុណមែនទែនចំពោះមិត្តភក្តិ បងប្អូនទាំងអស់គ្នា​ ដែលបានមកគាំទ្រ​ #QKCLUB។ តាំងពីចាប់ផ្តេីមមកទាំងមិនទាន់មានអ្នកស្គាល់​ ទាំងមិនទាន់មានមនុស្ស​មកច្រេីន​ តែរយះពេល3ខែនេះ​ គឺមានគេស្គាល់ #QKCLUB កាន់តែច្រេីនទៅៗ​ រហូតរាល់ថ្ងៃនេះអត់មានកន្លែងអង្គុយ​ ពេញៗរាល់ថ្ងៃ​។ ខ្ញុំសន្យាថានឹងមានអ្វីកាន់តែពិសេសជូនទៅដល់អ្នកទាំងអស់គ្នាបន្តទៀត​ នៅ #QKCLUB

ការបង្ហោះរបស់លោក បានធ្វើអោយគេមើលឃើញភ្លាមៗថា មើលឃើញភ្លាមថាលោកជោគជ័យក្នុងជំនួញគ្រប់គ្រងក្លិបលើកដំបូង ខណៈដែលពេលកន្លងមក លោកមិនដែលមានបទពិសោធន៍លើជំនួញមួយនេះទាល់តែសោះ។ លោកត្រូវបានគេស្គាល់តែលើជំនាញផលិតMV និងមុខរបរបើកលក់ស៊ុបខ្យង Omega ប៉ុណ្ណោះ ទើបជាការកោតសរសើរ នៅពេលការងារបើកក្លិប គឺជាមុខរបរមិនងាយនឹងធ្វើអោយជោគជ័យ ប៉ុន្តែលោកអាចធ្វើអោយក្លិបមួយនេះ ល្បីឈ្មោះមិនប្រើពេលយូរ។ ជាក់ស្ដែង នៅក្នុងសង្គមសិល្បៈ និង សង្គមអ្នកនិយមក្លិបរាត្រី ស្ទើរមិនមានអ្នកណា មិនជ្រួលជ្រួលនឹងក្លិប QK នេះទេ។ លោក Rith Omega ក៏ត្រូវគេកត់សម្គាល់កំពុងជោគជ័យលើមុខជំនួញលក់យីហោ ស៊ុបខ្យង Rith Omega ស្របគ្នាផងដែរ ដោយគេឃើញហាងស៊ុបខ្យងយីហោនេះ លេចឡើងច្រើនកន្លែង៕

LEAVE A REPLY

Please enter your comment!
Please enter your name here