ឧកញ៉ា ឡេង ណាវ៉ាត្រា ប្រកាសបញ្ចប់រឿងចម្រូងចម្រាស់នៅព្រលាន

0

បន្ទាប់ពីផ្ទុះរឿងចម្រូងចម្រាស់ រវាងក្រុមឧកញ៉ា ឡេង ណាវ៉ាត្រា ដែលដឹកនាំអ្នកសិល្បៈ​ទៅសម្ដែងនៅប្រទេសកូរ៉េ និងក្រុមពលក​រមួយក្រុម យ៉ាងតឹងសរសៃក នៅព្រលានយន្តហោះប្រទេសកូរ៉េ ដល់ថ្នាក់ធ្វើឲ្យ លោក ឡេង ណាវ៉ាត់ត្រា និងលោក ហេង ឡុង ដាក់ពាក្យបណ្ដឹងនោះ ពេលលោកប្រកាសបញ្ចប់ហើយ បើទោះជាក្រុមពលករទាំងនោះ បានដៀលដល់ជាតិសាសន៍ខ្មែរកប់ៗមាត់ ក្នុងវីដេអូរិះគន់ក្រុមខ្លួន។ លោកឧកញ៉ាវ័យក្មេង ឡេង ណាវ៉ាត់ត្រា បានសម្រេចស្នើឲ្យលោក ហេង ឡុង បញ្ចប់រឿងការប្ដឹងផ្ដល់ព្រមទាំងចាត់ទុកថា ការរាំនៅព្រលាន គឺជាកំហុសឆ្គង និងជាបទពិសោធន៍ក្នុងការកែតម្រូវ ឡើងវិញ​ នៅថ្ងៃខាងមុខ។

- Advertisement -

យោងតាមផេកហ្វេសប៊ុក ផ្លូវការឧកញ៉ា ឡេង ណាវ៉ាត់ត្រា បានឲ្យដឹងថា «ដើម្បីបញ្ចប់រឿងការចោទប្រកាន់គ្នា ខ្ញុំគិតថា ការរាំនៅព្រលានម៉ាឡេស៊ី ជាដើមហេតុ ដូច្នេះខ្ញុំបាទស្នើ​សូមបង ហេង ឡុង សូមបញ្ចប់រឿងត្រឹមប៉ុណ្ណឹង សូមកុំមានការប្ដឹងបន្តវែងឆ្ងាយអី ហើយសង្ឃឹមថា បងប្អូនទាំងអស់ នឹងយោគយល់ ដោយការគោរពស្រឡាញ់ពីខ្ញុំ​ ហើយការរាំ របស់ក្មេងៗនៅព្រលានយន្តហោះ (មិនមែនជាអ្នកសិល្បៈទេ) តែយើងខ្ញុំនឹងទុកជា កំហុសឆ្គងបទពិសោធន៍ក្នុងការកែតម្រូវ..»។ យ៉ាងណាមិញ លោក ឧកញ៉ា ឡេង ណាវ៉ាត់ត្រា យល់ឃើញថា ការរាំនៅក្នុងព្រលានយន្ត ក៏ជាកំហុសឆ្គង មួយដើម្បីគិត និងធ្វើការកែតម្រូវឡើងវិញ ទើបរូបលោកផ្ទាល់ ស្នើ​ឲ្យលោក ហេង ឡុង បញ្ចប់ការប្ដឹងផ្ដល់ទៅលើ​ពលករមួយក្រុម ដែលបានដៀលប្រមាថពូជសាសន៍ខ្មែរកប់ៗមាត់នោះ ទៅវិញ។ នេះចាត់ទុកថា ជាគំរូដ៏ល្អមួយ ដែលលោក​ឧកញ៉ា ឡេង ណាវ៉ាត់ត្រា សម្រេចស្នើ​បញ្ចប់ពាក្យបណ្ដឹង ដោយយល់ឃើញថា ជាខ្មែរដូចគ្នា គួរណាតែចេះយោគយល់ និងអធ្យាស្រ័យគ្នា​៕

LEAVE A REPLY

Please enter your comment!
Please enter your name here