ពិតជាប្លែកទៀតហើយជាមួយនឹងការផលិតMV បទចម្រៀងរបស់ផលិតកម្មថោនក្នុងបទ“ទឹកភ្នែកថ្មីនៅកន្លែងចាស់” របស់តារាចម្រៀងកញ្ញាស៊ូសុីរីកាដោយសាច់រឿងទាំងមូលត្រូវបានរំលេចពីសម័យអតីតកាលមួយក្នុងជំនាន់ទាហានជប៉ុននិងទាហានបារាំងនៅកម្ពុជាដែលគ្រាន់តែរូបភាពខ្លះដែលបានទម្លាយចេញត្រួសៗគឺមានការចាប់អារម្មណ៍រួចបាត់ទៅហើយ។
សាច់រឿងបទនេះត្រូវបានគេរំពឹងថានឹងបុកអោយបទកម្សត់របស់កញ្ញាស៊ូសុីរីកាកាន់តែមានការចាប់អារម្មណ៍ខណៈដែលបទចម្រៀងនេះកំពុងមានការកើនឡើងអ្នកស្ដាប់ស្រាប់តាំងពីបានបង្ហោះឡើង។MV នេះប្រកាសបង្ហាញខ្លួនក្នុងពេលឆាប់ដោយមានការរំពឹងថានឹងទាក់ទាញមិនណយឡើយនៅពេលរួចរាល់។
យោងតាមការបង្ហោះរបស់តារាសម្ដែងមួយរូបដែលមានឱកាសបានថតបទនេះបានបង្ហោះថា“ពួកយើងនឹងត្រលប់ទៅអតីតកាលជាមួយបទចំរៀងoriginal song បែបកំសត់របស់កញ្ញាស៊ីរីការនិពន្ធដោយលោកDarex Wa ដឹកនាំសម្តែងដោយបងប្រុសVath Lymeng នៅក្នុងផលិតកម្មថោនជាមួយសាច់រឿងល្អមើលនាសម័យសង្រ្គាមលោកលើកទី២នាទឹកដីសម័យបារាំងខេត្តកំពត“។ មួយបទនេះក៍មានការសម្ដែងពីតារាល្បីឈ្មោះគឺលោកសាវិនហ្វីលីបនិងតារាផ្សេងទៀតដែលមើលទៅស័ក្តសមជាតួអង្គក្នុងសម័យសង្គ្រាមលោកលើកទី២ផងដែរ។
