តារាកម្ពុជា និងថៃប្រកាស រៀបចំការប្រកួតបាល់ទាត់សប្បុរសធម៍ ដើម្បីគន្ធបុប្ផា

0
- Advertisement Banner -

កាលពីព្រឹកថ្ងៃ៥ កក្កដា ឆ្នាំ២០១៩ ចាងហ្វាងផលិតកម្មមហាហង្ស និងដៃគូសហការ បានប្រកាសអោយដឹងនៅក្នុងសន្និសីទកាសែតថា តារាខ្មែរ និងតារាថៃ នឹងបើកការប្រកួតបាល់ទាត់ជាលក្ខណៈមិត្តភាពទ្រង់ទ្រាយធំមួយ នៅថ្ងៃទី២៩ សីហា នេះ ដើម្បីប្រមូលថវិកាលក់សប្បុរសធម៍ ទៅទ្រទ្រង់មន្ទីរពេទ្យគន្ធបុប្ផាទាំងស្រុង។ កម្មវិធឺនេះ ក៍នឹងមានការប្រកួតរវាងក្រុមបាល់ទាត់ល្បីឈ្មោះមួយរបស់ថៃ ជាមួយនឹងក្រុមបឹងកេតរបស់កម្ពុជា ដែលជាប្រកួតមិត្តភាពទ្រង់ទ្រាយផ្លូវការផងដែរ។

លោក អុិន សុភិន ប្រធានក្រុមបាល់ទាត់មហាហង្សអលស្តា បានអះអាងថា ដោយមានការសហការពីក្រុមហ៑ុន Thai Once Co.,Ltd ដែលមានក្លិបបាល់ទាត់ Once United ភាគីថៃ និងភាគីកម្ពុជា រួមមានផលិតកម្មមហាហង្ស និង ក្លិបបាល់ទាត់ល្បីឈ្មោះរបស់កម្ពុជា ទើបលោក និងភាគីថៃ សម្រេចបើកការប្រកួតបាល់ទាត់មិត្តភាពធំមួយ ដោយក្រុមបាល់ទាត់អាជីពរបស់ថៃ និងក្រុមបឹងកេត ដែលមានកីឡាករ ចាន់ វឌ្ឃនាកា និងកីឡាករ លី វ៉ាហេទ ជាដើមចូលលេងផង ប្រកួតគ្នានៅថ្ងៃទី២៩ សីហា ខាងមុខ។ ក្រៅពីការប្រកួតនោះ ក៍មានការប្រកួតមិត្តភាពរវាងក្រុមតារាសិល្បៈរបស់ផលិតកម្មមហាហង្ស និង តារាសិល្បៈតំណាងប្រទេសថៃ អមដោយការសម្ដែងសិល្បៈ នៅលើទីលាននោះផងដែរ។ លោកថាកម្មវិធីនេះ នឹងមានតារានៃប្រទេសទាំង២ចូលរួមច្រើននាក់ ប៉ុន្តែមិនទាន់បញ្ជាក់ថា រួមមានតារាណាខ្លះនោះទេបក្នុងពេលដែលលោករំពឹងថា តារារបស់កម្ពុជា និងហ្វេនគាំទ្រ នឹងចូលរួមកុះករ។

លោក Sak Chanbotum តំណាង All Stars Charity Soccer Match និងជាទីប្រឹក្សាសម្ដេចព្រះមហាសង្ឃរាជាធិបតី កិត្តិឩទ្ទេសបណ្ឌិត្យ ទេព វង្ស សម្ដេចព្រះមហាសង្ឃរាជ នៃគណមហានិកាយ បានអះអាងថា ថវិកាដែលបានពីកម្មវិធីប្រកួតមិត្តភាពនេះ នឹងប្រើប្រាស់សម្រាប់មូនិធិរបស់មន្ទីរពេទ្យគន្ធបុប្ផាទាំងអស់ ដើម្បីអោយមន្ទីរពេទ្យកុមារមួយនេះ មានលទ្ធភាពបន្តសកម្មភាពក្នុងព្យាបាលកុមារនៅកម្ពុជា ទាំង៥ទីតាំង៕

LEAVE A REPLY

Please enter your comment!
Please enter your name here