មានការភ្ញាក់ផ្អើលយ៉ាងខ្លាំង ក្នុងពេលតារាសម្តែង លោក ម៉ាវីន ដែលត្រូវគេស្គាល់ច្រើនក្នុងសកម្មភាពសង្គម ស្រាប់តែទម្លាយមុខមាត់ និងមានអារម្មណ៍ខ្លោចចិត្តអាណិតដល់បងស្រីរបស់ខ្លួន ដែលត្រូវបានត្រូវបាននារីជាអ្នករាប់អាន ហើយទុកចិត្តម្នាក់ខ្ចីលុយហើយមិនព្រមបង្វិលលុយសងមកវិញ។ ទង្វើគេចបំណុលរបស់បងស្រីខ្លួននេះ តារាសម្តែងម៉ាវីន នៅមិនទាន់មានវិធានការណាមួយនៅឡើយទេ តែបានផ្ដាំដល់អ្នកស្គសល់នារីក្នុងរូបថតដែលលោកបង្ហោះភ្ជាប់ កុំអោយចាញ់បោកដូចបងស្រីលោកទៀត បន្ទាប់ពីបងស្រីលោករាប់អានអោយខ្ចីលុយ អស់រយៈពេលយូរក្រែលមកហើយ ប៉ុន្តែបែរជាបំផ្លាញមិត្តភាពព្រោះមិនព្រមមកដោះស្រាយបំណុល។
លោក Mavin បន្តថាខ្លួនសម្រេចចិត្តទម្លាយនូវមូលហេតុនេះជសការព្រមានអោយនារីដែលលោកបង្ហាញមុខ ឈប់ដើរបោកអ្នកដទៃបន្តទៅទៀត ប៉ុន្តែបើស្ត្រីនោះមានបំណងតតាំង នោះលោកកិងបងស្រី នឹងវិធានការបន្ថែម ដើម្បីអោយសមនឹងទឹកប្រាក់ដែលបងស្រីខ្លួនបានបាត់បង់ទៅ។ លោកបដិសេធទម្លាយអោយដឹងពីចំនួនបំណុលប៉ុន្តែអ្វីដែលលោកហួសចិត្តនារីម្នាក់នោះ ស្ទើរតែដូចជាបងប្អូនបង្កើតរបស់បងស្រីខ្លួនប៉ុន្តែចុងក្រោយ បែរជាបំផ្លាញទំនុកចិត្ត ហើយឈានដល់ការបោកលុយ។លោកអោយទូចអោយប្រយ័ត្នចំពោះស្ត្រីម្នាក់នេះ ព្រោះលោកជឿថា ក្រៅពីបងស្រីរបស់លោក ក៍អាចនឹងមានអ្នករងគ្រោះផ្សេងទៀតផងដែរ។
គួរបញ្ជាក់ថា លោក ម៉ាវីន ជាតារាសម្ដែងមួយរូបដែលបានប្រឡូកលើការងារសិល្បៈច្រើនគួរសម ហើយប្រិយមិត្តមួយចំនួនក៏ធ្លាប់បានឃើញលោកនៅក្នុងរឿងភាគទូរទស្សន៍មួយចំនួនផងដែរ ដូចជា រឿង ភ្លើង ជាដើម។ ការតស៊ូព្យាយាមដើរលើវិថីសិល្បៈដែលខ្លួនស្រលាញ់ កម្លោះសង្ហាកូនអ្នកកំពង់ចាមរូបនេះ មិនចុះញ៉មចំពោះឧបសគ្គ និងការរិះគន់ឡើយ តែផ្ទុយទៅវិញលោកនៅតែបន្តការខិតខំបោះជំហានទៅមុខជានិច្ច ដើម្បីកែប្រែសមត្ថភាពរបស់ខ្លួនឲ្យកាន់តែល្អប្រសើរ។