រតនៈ វិសិដ្ឋ ធ្វើខួបធំ ក្រោយរឿង២កើតឡើង

0
- Advertisement Banner -

លោក រតនៈ វិសិដ្ឋ ត្រូវគេកត់សម្គាល់ថាខានធ្វើខួបធំមួយរយៈមកហើយ ប៉ុន្តែកាលពីយប់ថ្ងៃទី២២ កុម្ភៈ តារាសម្ដែង និងជាតារាចម្រៀងរូបនេះ បែរជាធ្វើខួបជាទ្រង់ទ្រាយធំម្ដងទៀត នៅក្នុងហាងមួយនៅម្ដុំទួលគោក។ ខួបដែលលោកធ្វើឡើង គឺកើតមានឡើងក្រោយពេលមហាជនភាគច្រើនបានកត់សម្គាល់ឃើញថា លោកមានរឿង២កំពុងកើតឡើង។

ក្រៅពីមានអាហ្វែចេញច្រៀងស្ទើររកពេលសម្រាកមិនបានក្នុងក្រុមលោក យ៉ែម សំអូន និងការងារច្រៀងឯកជន លោក រតនៈ វិសិដ្ឋ ក៍ត្រូវគេដឹងថាទើបតែបានតំណែង ជាពិធីករក្នុងកម្មវិធី”រាត្រីពណ៍ស្វាយ” របស់ទូរទស្សន៍បាយ័នយ៉ាងកាលីបផងដែរ ខណៈដែលតំណែងជាពិធីករក្នុងការប្រគំតន្ត្រីខេត្តក្រុងរាប់មិនអស់ក៏លោក​​​​ចាប់ផ្ដើម​ក្ដោបក្ដាប់បានជាថ្មី។ ​​​ក្នុងនោះការងារថតម៉ូដ សម្ដែង និងដើរម៉ូដ ក៍ហាក់​​​​វិលចូលដៃ​​តារារូបនេះ​ ខុសគ្នាដាច់ឆ្ងាយពីមួយរយៈមុនដូចគ្នា។ ក្រៅពីចាប់ផ្ដើមជោគជ័យ​សិល្បៈម្ដងទៀត លោកត្រូវមហាជនលាន់មាត់ថា មានសម្រស់ទាំំង​ដងខ្លួន និងផ្ទៃមុខទាក់ទាញខុសប្លែកជាងមុនផងដែរ បន្ទាប់ពីលោកសកម្មនឹងការហាត់ប្រាណ ហើយបានប្រើប្រាស់ផលិតផលថែរក្សារូបសម្រស់ ដែលធ្វើអោយលោកកាន់តែតែក្មេងជាងវ័យ។ ទោះជាបានផ្លុំនំអបអរការកើនអាយុមួយឆ្នាំទៀតក្នុងថ្ងៃខួបនោះ  ប៉ុន្តែលោករតនៈ វិសិដ្ឋ កាន់តែសង្ហារទាក់ភ្នែក ដោយម៉ូដសក់ពុះចំហៀង និងស្ទីលវ៉ែនតាចុងក្រោយរបស់លោក គឺធ្វើលោកក្មេងជាងមុនចង់ដល់១០ឆ្នាំឯណោះ ហើយមុខមាត់របស់លោក ក៍កាន់តែដូចតារាកូនកាត់កូរ៉េខ្លាំងទៅៗ។ មនុស្សជាច្រើនបានអះអាងថា លោក រតនៈ វិសិដ្ឋ ​យីអ៊ុនឡើងមែនទែន​ចុងក្រោយនេះ ដោយ​ក្រសោបបានទាំំងទីផ្សារការងារសិល្បៈធំៗជាថ្មី ហើយស្រស់ក៏សង្ហារ​​ជាងមុន អ៊ីចឹងហើយទើបការចំណាយធ្វើខួបធំរបស់លោកកាលពីថ្ងៃទី​២២ កុម្ភៈ ត្រូវគេមើលឃើញថាកើតឡើងបន្ទាប់ពីរឿងធំៗទាំង២របស់លោក ទើបតែ​​កើតឡើង។

លោក រតនៈ វិសិដ្ឋ បានអះអាងថា នៅក្នុងឆ្នាំនេះ លោកមានរាសីជាងមុន ជាពិសេសការងារធំៗរត់ចូលដូចព្យុះ ទើបលោកសប្បាយចិត្ត ហើយធ្វើខួបអោយ​ធំ ដើម្បីអោយបានជួបជុំអ្នកសិល្បៈអោយកាន់តែសប្បាយផត។ លោកថាពិធីខួបជាទ្រង់ទ្រាយធំនេះ ខានធ្វើយូរដែរមកហើយ ហើយលោកកាន់តែសប្បាយចិត្តដែលមានភ្ញៀវកុះករមកចូលរួម  សូម្បីតែភ្ញៀវមួយចំនួន គឺលោក​មិនបានឆាតអញ្ជើញអោយ​ម៉ត់ចត់ទេ។ លោកអះអាងថា នៅក្នុងឆ្នាំនេះ រឿងល្អទាំំង​២កំពុងកើត​ឡើង​​ព្រមគ្នា  ទើបលោកយល់ថាមានតែធ្វើខួបអោយសប្បាយបន្ថែមប៉ុណ្ណោះ  ទើបជួយអោយលោកមានរាសីត្រដែតជាង​នេះ ហើយកាន់តែជួប​រឿងសប្បាយៗទ្វេរដងក្នុងជីវិត។

 

LEAVE A REPLY

Please enter your comment!
Please enter your name here