បន្ទាប់ពីផលិតកម្មសាស្ត្រាហ្វៀម បាននាំយកភាពយន្តរឿង ម៉ែក្រឡាភ្លើង មកដាក់លក់សំបុត្រនៅប្រទេសថៃ បានធ្វើអោយមានការសាទរយ៉ាងខ្លាំង ចំពោះជោគជ័យ និង មុខមាត់ដ៏ធំមួយនេះ។
ជាពិសេសនៅពេលបណ្ដាញសង្គម របស់ប្រទេសថៃ បានបន្តចាក់ផ្សាយពីកិច្ចសម្ភាសន៍របស់លោកស្រី ប៊ុន ចាន់និមល ម្ចាស់ផលិតកម្ម និង តួសម្ដែង ត្រូវបានគេចាក់ផ្សាយនៅលើបណ្ដាញសង្គមថៃ ខណៈដែលលោកស្រី និង តួសម្ដែង ក៏ក៏ត្រូវបានស្ថានីយ៍ទូរទស្សន៍ធំៗ និង បណ្ដាញសារព័ត៌មានណាត់សម្ភាសន៍បណ្ដាក់គ្នា ដោយសារតែចាប់អារម្មណ៍នឹងវត្តមានភាពយន្តរបស់ខ្មែរ។
យ៉ាងណាមិញ ទាំងនៅបណ្ដាញសង្គមថៃ និង កម្ពុជា ក៏បែរជាផ្ទុះការរិះគន់ផងដែរថា ភាយន្តនេះ គឺជាចម្លងពីរឿងនាងនាថរបស់ថៃ ទាំងដែលភាពយន្តនេះ ខុសសាច់រឿងគ្នាទាំងស្រុង។
ជាមួយនឹងការរិះគន់បែបទទឹងទិស លោកស្រី ប៊ុន ចាន់និមល ស្នើអោយមើលសាច់រឿងទាំងមូលអោយចប់សិន ហើយសម្រាប់អ្នករិះគន់នៅក្នុងប្រទេសថៃ គួរតែទៅទស្សនាផ្លូវការចាប់ពីថ្ងៃទី29 កុម្ភៈ តទៅផង ចាំបង្ហាញការរិះគន់ក៏មិនទាន់ហួសពេលដែរ៕
