បន្ទាប់ពីប្រកាសដំណឹងដកខ្លួនជាបេក្ខភាពក្នុងការរប្រកួត Miss Universe Cambodia 2023 មិនប៉ុន្មានម៉ោងផង កញ្ញា Davika ដែលទស្សនិកជន ក៏ដូចជាបណ្ដារអ្នកគាំទ្រកម្មវិធីប្រឡងបវរកញ្ញាស្គាល់ច្បាស់ថាជាអតីតជ័យលាភីលំដាប់រងទី2 នៅក្នុងកម្មវិធី Miss Queen Cambodia2023 នៅក្នុងពេលនេះ កញ្ញាត្រូវបានម្ចាស់ក្រុមហ៊ុន Jack Pro International Model បានប្រគល់ដំណែងថ្មីជា Miss Fabulous Cambodia 2023 ដែលនឹងតំណាងឱ្យប្រទេសកម្ពុជាយើងដើម្បីឆ្ពោះទៅប្រទេសថៃ ប្រកួតដណ្តើមមកុដអន្តរជាតិក្នុងកំឡុងពេលឆាប់ៗខាងមុខនេះ ជំនួសអតីតជ័យលាភីកញ្ញា សោភ័ណ្ណ កក្កដា ដែលទើបតែប្រកាសដកខ្លួន និង ត្រូវបានក្រុមហ៊ុនប្រកាសជាផ្លូវការណ៍អំពីការលាលែងតំណែងនាពេលថ្មីៗនេះ។
នេះគឺជាមោទកភាពមួយនៅក្នុងជីវិតជាបវរកញ្ញាភេទទី3 Davika បន្ទាប់ពីកញ្ញាធ្លាប់ឆ្លងកាត់បទពិសោធន៍នៅក្នុងការប្រកួតមិនក្រោម3កម្មវិធីធំៗ នោះទេដោយកញ្ញា ឃឿន មេសា ហៅ Davika ក៏ធ្លាប់ទទួលបាននូវលទ្ធផលល្អគួរជាទីគាប់ចិត្ត ត្បិតមិនបានជោគជ័យក្នុងការគ្រងមកុដឯកម្ដងជាពីរដងក្ដី ប៉ុន្តែកញ្ញាក៏នៅតែទទួលបានមកុដជ័យលាភីលំដាប់រងទី2 នៅក្នុងកម្មវិធីប្រកួត Miss Queen Cambodia 2023 និង ទទួលបាននូវកេរ្តិ៍ឈ្មោះបោះសម្លេងមិនធម្មតានោះឡើងនៅក្នុងសង្គមសិល្បៈ។ បេក្ខភាពតំណាងប្រទេកម្ពុជា Miss Fabulous រូបនេះ មិនត្រឹមតែមានរូបរាងស្រឡូនកម្ពស់រហូតទៅដល់ 1.82 m ថែមទាំងមានទម្រង់មុខទាក់ទាញ់ ស្រស់ស្អាត និង ស្បែកខ្លួនសស្អាត អាចនិយាយបានថាចូលចំណោមបេក្ខភាពលើឆាកអន្តរជាតិបានយ៉ាងងាយមិនចាញ់គ្នាប៉ុន្មាននោះទេ។
ក្រៅពីមានរូបសម្រស់ស្រស់សោភា Davika ក៏អាចនិយាយភាសាបារាំង និង ភាសារអង់គ្លេសបានគួរសមដើម្បីប្រាស្រ័យទាក់ទង និង ប្រើការបានផងដែរ ដែលអាចនិយាយបានថាក្រោយទទួលបាននូវតំណែងមួយនេះកញ្ញានឹងមិនធ្វើឱ្យអ្នកគាំទ្រខកចិត្តនោះទេ ក្នុងនាមខ្លួនជាអ្នកតំណាងឱ្យប្រទេសកម្ពុជាទាំងមូល។ កញ្ញាក៏សូមសំណូមពរឱ្យប្រជាជនកម្ពុជាទាំងអស់គ្នា ជួយលើកទឹកចិត្ត និង ជួយគាំទ្រកញ្ញា ក្នុងដំណើរឆ្ពោះទៅកាន់ការប្រកួតលើឆាកអន្តរជាតិ ក៏ដូចជាជួយជាកម្លាំងចិត្តឱ្យខ្លួនកាន់តែរឹងមាំ តស៊ូ បញ្ចេញឱ្យអស់ពីសមត្ថភាព ដើម្បីយកជោគជ័យជូនមាតុភូមិយើង។
បន្ទាប់ពីការប្រកាសឱ្យដឹងជាផ្លូវការ បោះបង់ឈ្មោះជា បេក្ខភាពប្រកួតនៅក្នុងកម្មវិធី Miss Universe ជំនាន់ថ្មីដែលអាចអនុញ្ញាតិឱ្យបេក្ខភាពភេទទី3ចូលរួមប្រកួតបានក៏ពិតមែន ដោយជំនួសឱ្យតំណែងដែលកញ្ញាទទួលបាននេះក៏មិនបានធ្វើឱ្យហ្វេនៗ របស់កញ្ញាស្រង៉ាកចិត្តនោះឡើយ មិនថាអ្នកគាំទ្រនាង ក៏ដូចជាអ្នកតាមដានកម្មវិធីប្រកួតបវរកញ្ញាមិនតិចនោះទេបានធ្វើការសាទរ និង កោតសរសើរនូវជោគជ័យថ្មីដែលកញ្ញាទទួលបាន សាកសមទៅនឹងការលះបង់នូវឱកាសចូលរួមប្រកួតនៅក្នុងកម្មវិធីដ៏ធំលំដាប់ប្រទេស Miss Universe ផងដែរ។
![](https://i0.wp.com/phteasdara.com/wp-content/uploads/2023/06/phteasdara.com-2023-06-21_15-11-35_330766-kh71.com.jpeg?resize=696%2C1091&ssl=1)
![](https://i0.wp.com/phteasdara.com/wp-content/uploads/2023/06/phteasdara.com-2023-06-21_15-11-43_620122-kh71.com.jpeg?resize=696%2C1044&ssl=1)
![](https://i0.wp.com/phteasdara.com/wp-content/uploads/2023/06/phteasdara.com-2023-06-21_15-11-52_666803-kh71.com.jpeg?resize=696%2C1265&ssl=1)
![](https://i0.wp.com/phteasdara.com/wp-content/uploads/2023/06/phteasdara.com-2023-06-21_15-12-01_131638-kh71.com.jpeg?resize=696%2C1044&ssl=1)
![](https://i0.wp.com/phteasdara.com/wp-content/uploads/2023/06/phteasdara.com-2023-06-21_15-12-10_377237-kh71.com.jpeg?resize=696%2C1173&ssl=1)
![](https://i0.wp.com/phteasdara.com/wp-content/uploads/2023/06/phteasdara.com-2023-06-21_15-26-04_783707-kh71.com.jpeg?resize=696%2C1043&ssl=1)
![](https://i0.wp.com/phteasdara.com/wp-content/uploads/2023/06/phteasdara.com-2023-06-21_15-26-08_913052-kh71.com.jpeg?resize=696%2C998&ssl=1)
![](https://i0.wp.com/phteasdara.com/wp-content/uploads/2023/06/phteasdara.com-2023-06-21_15-26-12_966086-kh71.com.jpeg?resize=696%2C1043&ssl=1)
![](https://i0.wp.com/phteasdara.com/wp-content/uploads/2023/06/phteasdara.com-2023-06-21_15-26-17_012603-kh71.com.jpeg?resize=696%2C1043&ssl=1)
![](https://i0.wp.com/phteasdara.com/wp-content/uploads/2023/06/phteasdara.com-2023-06-21_15-26-21_169942-kh71.com.jpeg?resize=696%2C1043&ssl=1)