រឿង«កូនអើយម្ដាយខ្មោច» នៅតែបន្តកញ្ជ្រោលអ្នកគាំទ្រ តាមរោង

0
- Advertisement Banner -

យោងតាមការបង្ហើបអោយដឹងពីក្រុមផលិតករ ដែលបានផលិតរឿង«កូនអើយម្ដាយខ្មោច»លោក ហេង តុលា បានអះអាងថា លោកនឹងត្រៀមផលិតរឿងថ្មីក្នុងពេលខាងមុខ បន្ទាប់ពីភាពយន្តសាកល្បងជាថ្មីក្រោយបាត់មុខរឿង«កូនអើយម្ដាយខ្មោច» ទទួលបានជោគជ័យនៅរោងកុន។ មកទល់ពេលនេះ មានការអះអាងថា ភាពយន្តរបស់លោកនៅតែមានអ្នកទស្សនាសម្រុកទៅទស្សនា អមដោយសរសើរថានេះជាភាពយន្តដែលមានកម្រិតទាក់ទាញមិនខុសពីស្នាដៃរឿង«ផ្ទះខ្មោចទិញ»និងរឿង«ខ្មោចដើមចេកជ្វា»ដែលលោកធ្លាប់ផលិតកាលមុននោះឡើយ។

លោក ហេង តុលា ធ្លាប់បានប្រកាសនៅចំពោះមុខមហាជនថាបើភាពយន្តរឿង«កូនអើយម្ដាយខ្មោច»ទទួលបានជោគជ័យ នោះលោកនឹងដាក់ទុនផលិតភាពយន្តមួយជាបន្តទៀតភ្លាមៗ ដើម្បីវាយលុកទីផ្សារភាពយន្ត។ លោកថាការផលិតមួយរឿងនេះជាថ្មីរបស់លោកគឺដើម្បីសាកល្បងទីផ្សារ ក្រោយពេលវិជ្ជាគុនរបស់លោកត្រូវបានកប់ចោលអស់ច្រើនឆ្នាំ ប៉ុន្តែបើសំឡេងគាំទ្រភាពយន្តរបស់លោកត្រូវបានបន្លឺឡើង នោះលោកនឹងបន្តធ្វើទៀត មិនដកដៃទៀតទេ។ អ៊ីចឹងហើយទើបមានការប្រលយថាលោកគម្រោងផលិតភាពយន្តថ្មីភ្លាមៗក្នុងពេលខាងមុខ បន្ទាប់ពីភាពយន្តរបស់លោកត្រូវបានគេសរសើរគ្រប់មាត់ ហើយសម្រុកទៅទស្សនាជាពិសេសនៅរោងតាមខេត្ត ដែលធ្វើអោយលោកមានកម្លាំងចិត្ត។ យ៉ាងណាមិញ មិនទាន់មានការប៉ាន់ស្មានថាភាពយន្តរបស់លោកនឹងចំណេញប៉ុន្មានភាគរយនោះទេ ដោយសារតែលោកមិនបានទម្លាយអោយដឹងពីតួលេខក្នុងការចំណាយក្នុងការផលិត។

អ្នកគាំទ្រច្រើនឡើងបានបង្ហាញពីការកោតសរសើរចំពោះភាពយន្តរបស់លោកស្ទើរមិនដាច់ពីមាត់ ដោយខុសពីភាពយន្តខ្លះ ដែលអ្នកទស្សនាចេញពីរោងមិនទាន់រមែងប្រកាសថាមើលមិនកើត សម្រាប់ភាពយន្តរឿង«កូនអើយម្ដាយខ្មោច» ត្រូវអ្នកចេញពីរោងប្រកាសអោយទៅទស្សនាអោយទាន់ពេល ដើម្បីកុំអោយស្ដាយក្រោយ។ នៅតាមបណ្ដារោងខ្លះមិនមានអ្នកកៅអីសម្រាប់លក់អោយទស្សនាផង ប្រសិនបើមិនបានកក់កៅអីទុលមុន បើទោះជាម៉ោងខ្លះ ត្រូវគេឃើញមិនមានអ្នកទស្សនាពេញសាល។ សន្ទុះគាំទ្រក្នុងភាពយន្តនេះ ក៏ធ្វើអោយតួសម្ដែងសំខាន់ៗ ជាពិសេសគឺតួឯកកញ្ញា រូហ្សា ដែលមានសំណាងទើបបានសម្ដែងជាតួឯកលើកដំបូងនោះ៕

LEAVE A REPLY

Please enter your comment!
Please enter your name here