រ៉ាប៊ី – ផ្ទះតារា – PHTEASDARA

ភិទិ និង រ៉ាប៊ី សំញ៉ែងសាច់សុំដាក់គ្នា ផ្អើលឆាកសម្ភោធ Smart Phone Model « HONOR X9b »

សំណព្វ — Sat, 13 Jan 2024 19:29:05 +0000

កាលពីរាត្រីថ្ងៃទី 13 ខែមករា ឆ្នាំ2024 មុននេះ ក្រុមហ៊ុន HONOR ប្រចាំប្រទេសកម្ពុជា បានធ្វើពិធីបើកសម្ភោធ និង ដាក់លក់ជាផ្លូវការនូវប្រភេទ ស្មាតហ្វូនស៊េរីថ្មី HONOR X9b 5G ដែលមានរហ័ស្សនាម តាន់គ្រប់ជ្រុង ក្នុងតម្លៃត្រឹមតែ 329$ ផ្អើលអស់អ្នកគាំទ្រនៅផ្សារទំនើប K-Mall។

នៅក្នុងកម្មវិធីដ៏មហោឡារិកនេះដែរក៏មានការចូលរួមពីសំណាក់ ថ្នាក់ដឹកនាំ និង បុគ្គលិករបស់ក្រុមហ៊ុន HONOR គ្រប់ជាន់ថ្នាក់ ព្រមទាំង ដៃគូរសហការ និង ភ្ញៀវកិត្តិយស តារាកិត្តិយស ប្រុសស្រីល្បីឈ្មោះប្រចាំប្រទេសកម្ពុជា។

អ្វីដែលគួរឲ្យចាប់អារម្មណ៍ និង ស្មានមិនដល់នោះគឺតារាកិត្តិយសរួមមានលោក ភិទិ និង កញ្ញា រ៉ាប៊ី បានយកទូរសព្ទដ៏ថ្មីស្រឡាង HONOR X9b 5G មកដំបំបែក ម៉ើមខ្ទឹម និង ផ្លែប៉ោម ធ្វើឲ្យហ្វេនៗ ផតពោះមិនស្ទើរនោះទេ តែលទ្ធផលចុងក្រោយ កញ្ញារ៉ាប៊ឺគឺជាអ្នកឈ្នះ រង្វាន់ពីក្រុមហ៊ុន HONOR។

លោក ថង សារី នាយកគ្រប់គ្រងទូទៅរបស់ របស់ក្រុមហ៊ុន YAKO TECHNOLOGY (CAMBODIA) CO., LTD. ដែលជាតំណាងចែកចាយផ្តាច់មុខទូរសព្ទដៃ HONOR ប្រចាំប្រទេសកម្ពុជា បានឲ្យដឹងថា វត្តមានស្មាតហ្វូនស៊េរីថ្មី HONOR X9b 5G ជាការឆ្លើយតបយ៉ាងធំធេងសម្រាប់ប្រជាជនកម្ពុជា ជួយកាត់បន្ថយការចំណាយ លើការដោះដូរអេក្រង់ទូរសព្ទ័ ប្រើមួយដឹងមួយ មិនព្រួយបារម្ភខ្លាចធ្លាក់បែកដោយយថាហេតុ។ ព្រោះ HONOR X9b 5G រចនាពី ស្បែកស្វិត តាន់គ្រប់ជ្រុង រហូតដល់ 360ដឺក្រេ រីឯតម្លៃវិញល្អមួយគ្មានពីរ គឺត្រឹមតែ 329$ តែប៉ុណ្ណោះ។

គួររំលឹកផងដែលថា ស្មាតហ្វូនស៊េរីថ្មី HONOR X9b 5G គឺជាស្មាតហ្វូនដែលរចនាឡើងជាមួយនឹងរូបរាងយ៉ាងល្អប្រណីត ស៊ីវិល័យទាន់សម័យ មានភាពធន់ តាន់គ្រប់ជ្រុង 360 ដឺក្រេ ទោះបីជាជ្រុះធ្លាក់ គប់ ក្រវែង ដុំ ឬក៏ឡានកិន ក៏មិនងាយប្រេះបែកឡើយ។

HONOR X9b 5G មានអេក្រង់ AMOLED កម្រិតបង្ហាញ 1.5K ច្បាស់ត្រជាក់ភ្នែក មានរ៉េមធំរហូតដល់ 20GB (12GB+8GB) និង ម៉េម៉ូរី 256GB ថាមពលថ្មធំមហិមា 5800mAh កំដរលេងហ្គេមដាច់យប់ សាកម្តងលេងបាន 3ថ្ងៃ និង កាម៉េរាថត Vlog ហូតដល់ 108MP។

កាន់តែកក្រើក..!កញ្ញាឯកដ៏អស្ចារ្យនៃកម្ពុជាទាំង7ជំនាន់ប៉ះគ្នាក្នុងថ្ងៃជំនួបដ៏កម្រមួយនៅ Aeon3

សំណព្វ — Thu, 19 Jan 2023 11:47:08 +0000

ព្រឹត្តិការដ៏ធំអស្ចារ្យបើកទំព័រនៃដើមឆ្នាំ2023 ក៏ដូចជាការបើកបង្ហាញខ្លួនជាផ្លូវការណ៍របស់ National Director of Missgrand Cambodia 2023 អ្នកស្រី អ៉ឹម សុគន្ធា នឹងប្រារព្វធ្វើឡើងនៅថ្ងៃទី 01 ខែ កុម្ភៈ ឆាប់ៗខាងមុខនេះ ជាមួយនឹង វត្តមានកិត្តិយសពីសំណាក់ Mr.Nawat CEO of MGI និង Co of MGI Ms.TeReSa ព្រមទាំងវត្តមាន MGI2022 នាង Isabella និង 5th runner up កញ្ញា Me Me (Missgrand Myanmar)។

អ្វីដែលកាន់តែពិសេសនៅក្នុងកម្មវិធីទាំងមូលក៏នឹងមានការជួបជុំដ៏កម្រពីសំណាក់អតីត Missgrand Cambodia ទាំង7ជំនាន់ដែលត្រូវបានគេប្រកាសថា នឹងបង្ហាញខ្លួនជុំគ្នានៅក្នុងកម្មវិធី Meet and greet Missgrand Cambodia & Missgrand international ក្នុងនោះរួមមាន កញ្ញា នូ ទឹម ស្រីនាថ MGC2014, កញ្ញា ហេង ចន្ថា MGC2016, កញ្ញា ខ្លឹម ស្រីគា MGC2017, អ្នកនាង ឌី លីកា MGC2018, កញ្ញា លីវ ជីលី MGC2020, កញ្ញា ប៉ូគីមថេង សុតធីតា MGC2021 និង ម្ចាស់មកុដឆ្នាំ2022 និង ជា5th runner up Missgrand International កញ្ញា ពេជ្រ វត្តី សារ៉ាវឌី នឹងមកអង្រួននៅក្នុងព្រឹត្តិការណ៍ដ៏អស្ចារ្យថ្ងៃដ៏អស្ចារ្យនេះ។ ក្រៅពីនេះក៏មានការធ្វើសន្និសីទសារព័ត៌មាន ក៏ដូចជាការធ្វើបទបង្ហាញអំពីលក្ខខណ្ឌផ្សេងៗនៅក្នុងការចូលប្រកួត Missgrand ជំនាន់ថ្មី ការដើរបង្ហាញម៉ូដពីសំណាក់ Missgrand គ្រប់ជំនាន់ ការបង្ហាញ Show ពិសេសនៃល្ខោនខោលខ្មែរ រួមទាំងមានការប្រគំតន្ត្រី និង ចូលរួមអង្រួនឆាកតន្ត្រីពីដំណាក់តារាចម្រៀងស៊ិចស៊ីកញ្ញា រ៉ាប៊ី និងវត្តមានតារាកិត្តិយសល្បីៗជាច្រើនរូបទៀត។

កម្មវិធីនេះផងដែរនឹងប្រារព្ធធ្វើឡើងនៅផ្សារទំនើប Aeon3(មានជ័យ) នៅថ្ងៃ ពុធ ទី 01 ខែកុម្ភៈ ឆាប់ៗខាងមុខនេះ ហើយទស្សនិកជនក៏ដូចជាហ្វេនៗអ្នកគាំទ្រវិស័យបវរកញ្ញាអាចរកទិញសំបុត្រចូលរួមទស្សនា ក៏ដូចជាទៅផ្ដិតយករូបភាពអនុស្សាវរីយ៍បាន តាមផេកផ្លូវការរបស់ Missgrand Cambodia official ។

2022 ហើយ បេប៊ី នៅសម្ងំដល់ពេលណា!

សំណព្វ — Sun, 02 Jan 2022 02:58:53 +0000

តារាចម្រៀង បេប៊ី ដែលសុខចិត្តបោះបង់អាជីព ពិធីការិនី មកជ្រកជាអ្នកចម្រៀង អោយផលិតកម្មថោន មើលទៅដូចជាមានសភាពស្ងាត់ជ្រងំ ដូចជាមិនទាន់ទទួលបានឱកាស បង្ហាញបទអោយផ្ទុះតាមការចង់បាន។ ឆ្នាំ២០២២ បានមកដល់ហើយ មិនដឹងថា ជុំ រចនាពេជ្រ ហៅបេប៊ី មានយុទ្ឋវិធីស្ទួចខ្លួនឯង អោយបានលេចធ្លោ ដូចមុនទៀតឬយ៉ាងណា បើពន្លកសិល្បៈក្រោយៗ គេក៍ខ្លាំងដែរនោះ។

បេប៊ី បានឲ្យដឹងថារូបនាងនៅតែជាតារា ចម្រៀង របស់ផលិតកម្មថោន និង គ្មានគម្រោងចាកចេញពីទ្រនុំមួយនេះនា ពេលឆាប់ៗ ឡើយ។ការ តាំង ចិត្តបែបនេះក្រោយពីបេប៊ី ប្រឈមភាព ស្ងប់ ស្ងាត់កាន់ តែខ្លាំងបន្ទាប់ ពីរូបនាងបាត់ខ្លួន ពីឆាក តន្រ្ដីដល់ទៅ២ឆ្នាំពោលគឺតាំងពីផ្ទុះកូវីដមកម្លេះ។ប៉ុន្ដែបេប៊ី ថានាង មិន អាចឈប់ពី អា ជីពចម្រៀងមួយនេះបានទេ បើទោះជានាងដឹងខ្លួនថាការដកឃ្លា១ រយៈរបស់នាងប្រ ឈម ការ ពិបាក ស្ដារ មុខមាត់វិញក្ដី។ផ្ទុយទៅវិញនាងថាភាពស្ងប់ស្ងាត់នេះគឺដោយសារតែរូបនាងរងចាំឲ្យកូវីដ ស្ងាត់ទាំងស្រុងសិន និងម្យាង ទៀតពេល នាង ត្រឡប់មកវិញ គឺមានអ្វីដែលថ្មីប្លែកជាង សព្វដងពោលគឺ”សម្ងំយកពិស”។អតីតពិធីការិនីCTN រូបនេះក៍បាន ឲ្យដឹងដែរ ថា នាង នឹករលឹក ដល់ ឆាកតន្រ្ដីជាខ្លាំង នឹងសន្យាវិលមកកាន់ក្បាលមីក្រូនាពេលដ៍ឆាប់ៗខាងមុខនេះហើយ។

មានការលើកឡើងថាបេប៊ី នឹងអាចលេចធ្លាជាងពេលនេះជាមិនខាន ប្រសិនបើនាង ព្រម វិលវិញនិងសម្រេចចិត្តវាយលុក ទី ផ្សារ ចម្រៀងសារជាថ្មីមែននោះ ព្រោះថាពេលនេះតារា ជើងខ្លាំងរបស់ថោន នាងមាស សុខសោភា បានចាកចេញជាង១ឆ្នាំ ទៅហើយ ។យ៉ាងណា បេប៊ី ត្រូវប្រឈមប្រកួតប្រជែងជាមួយនាងរ៉ាប៊ី កាន់តែស្វិតស្វាញថែមទៀតព្រោះ ថា តារា ទាំង២ ដួង ដែល ជ្រកកោននៅក្រោមដំបូលតែ១នេះទាំងរូបសម្រស់ និងក្បាច់រាំគឺពួកគេលេច ត្រដែតដូចគ្នា។ អ្នកគាំទ្រ នាងសង្ឃឹមថា នឹងពាំនាំយកអ្វីដែលប្លែក ហើយឆ្នាំ២០២២ នេះ បេប៊ីផ្តើមលេចធ្លោ ម្តងទៀតក្រោយសម្ងំមួយរយៈ។

ហុិន ច័ន្ទនីរត្ន័ ជាប់ឈ្មោះក្នុងតារាងជាតួអង្គសំខាន់ក្នុងភាពយន្តស្ដីពីប្រវត្តិ សម្ដេចតេជោ ហ៊ុន សែន

សំណព្វ — Tue, 14 Dec 2021 01:39:59 +0000

ហ៊ិន ច័ន្ទនីរ័ត្ន បានលេចមុខលើតារាងបញ្ជីរឈ្មោះសម្រាប់តារាសម្ដែងភាពយន្ដស្ដីពីប្រវត្តិសម្ដេចតេជោហ៊ុន សែន រឿង”កូនប្រុសក្រោមពន្លឺព្រះចន្ទពេញបូណ័មី” រួមជាមួយតារាល្បីៗជាច្រើនដួងទៀតដែលភាពយន្ដមានការសម្រិតសម្រាំងបំផុតក្នុងការថតនិងគុណភាពទេពកោសល្យរបស់តារាសម្ដែងនោះត្រូវបានគេរំពឹងថាតួឯកក្នុងរឿងខ្នាតធំនេះប្រាកដជាឡើងកូដខ្លាំងជាក់ជាមិនខាន នៅពេលដែលត្រូវដាក់បញ្ចាំងនោះគឺដូចគ្នាទៅនិងតួឯកស្រីរឿងប្រវត្តិសាស្រ្ដខ្មែរ”ហ្លួងព្រះស្ដេចកន”អ្នកនាងឆុំ វត្តី ។

ចំពោះហ៊ិន ច័ន្ទនីរ័ត្ន វិញរយៈពេលប៉ុន្មានឆ្នាំចុងក្រោយនេះនាងមិនសូវចេញមុខមាត់ក្នុងវិស្ស័យភាពយន្ដនិងខារ៉ាអូខេនោះទេព្រោះផ្ដោតតែការងារជាពិធីការិនីនៅប៉ុស្ដិ៍បាយ័នតែមួយមុខប៉ុណ្ណោះទើបធ្វើឲ្យនាងមានភាពស្ងប់ស្ងាត់បន្ដិច ខណៈដែលបណ្ដារផលិតករមួយចំនួនក៍មានការរារែកចិត្តផងដែរព្រោះតែច័ន្ទនីរ័ត្ន ធ្លាប់កំណត់តម្លៃខ្លួនថាក្នុងការសម្ដែង១រឿងទាល់តែបាន៥០០០ដុល្លារទើបនាងព្រមថត។យ៉ាងណាសម្រាប់ផលិតករដែលសម្បូរទ្រព្យធនហើយហ៊ានចំណាយខ្ពស់ព្រោះចង់យកគុណភាពជាចម្បងនោះប្រាកដជានៅតែដាក់គោលដៅចង់បានហ៊ិន ច័ន្ទនីរ័ត្ន ធ្វើជាតួឯកក្នុងភាពយន្ដរបស់ពួកគេព្រោះសម្អាងថាតារាវ័យ២៨ឆ្នាំរូបនេះក្រៅពីមានរូបសម្រស់លេចត្រដែតនោះនាងក៍មានទេពកោស្យសិល្បៈនៃការសម្ដែងល្អផងដែរ។

អតីតFreshie លេខ១កាលពីឆ្នាំ២០០៧ហ៊ិន ច័ន្ទនីរ័ត្ន បានក្លាយទៅជាពិធីការិនីលេចធ្លោរម្នាក់នៅបាយ័នក្រោយនាងចាកចេញពីប៉ុស្ដិ៍លេខ៣។តារាធ្មេញចំពើសរូបនេះជាមុខសញ្ញានៃការតាមប្រម៉ាញ់ស្នេហ៍ពីសំណាក់ប្រុសៗសម្បូរទ្រព្យ តែអ្វីដែលចម្លែកនារីរូបស្រស់សោភា នេះបានប៉ៈស្នេហាមិនសូវសមប្រកបជាបន្ដបន្ទាប់ ខណៈដែលចុងក្រោយនេះនាងបង្ហាញភាពស្និតស្នេហ៍ជាមួយលោកចេននី ដែលជាម្ចាស់បទ”អាក្របី”ធ្វើឲ្យបុរសៗដែលលង់ស្នេហ៍នាងជាយូមកហើយបានខកចិត្ត។ប៉ុន្ដែទាំងច័ន្ទនីរ័ត្ន និងលោកចេននី មិនដែលចេញមុខបកស្រាយរឿងគេសង្ស័យថាអ្នកទាំង២ជាគូសង្សារនិងគ្នានោះទេ ហើយផ្ទុយទៅវិញតារា១គូនេះបែជាព្យាយាមគេចវែសពីសំណួររបស់អ្នកកាសែតដែលចង់ដឹងរឿងនេះទៅវិញ។តែច័ន្ទនីរ័ត្ន ជាតារាម្នាក់ដែលគេចាត់ទុកថានាងក៍មិនខុសពីស្រីស្អាតរ៉ាប៊ី ,ប៉ាច គីមមួយ និងសុខ សោម៉ាវត្តី ដែរព្រោះតែនាងស្នេហ៍តែប្រុសក្មេងៗទេ បើប្រុសវ័យចំណាស់ទោះជាមានទ្រព្យយ៉ាងណាក៍ស្រីស្រស់មិនបេតីដែរ។

បុរសសង្ហា ជា រ៉ាប៊ី មានឱកាសថតបានជិត១០រឿង ខណៈទើបតែប្រឡូកសិល្បៈតែជាងកន្លះឆ្នាំប៉ុណ្ណោះ

សំណព្វ — Fri, 01 Oct 2021 01:16:57 +0000

ដ្បិតតែមិនទាន់មានឱកាសសម្ដែងជាតួឯក តែតារាសម្ដែង លោក ជា រ៉ាប៊ី ត្រូវគេមើលឃើញថាបានតំណែងជាតួឆ្អឹងរឿង នៅក្នុងភាពយន្តភាគទូរទស្ស និង រឿងខ្លីៗជាច្រើននាពេលចុងក្រោយ។ លោកឈានឡើងទីផ្សារតែមួយរយៈខ្លីប៉ុណ្ណោះ បន្ទាប់ពីមានផលិតករឃើញលោករូបរាងសង្ហារ និង មុខមាត់ស្អាត ហើយផ្ដល់ឱកាសអោយសម្ដែងជាលើកដំបូង។

អ្នកនិយមតាមានភាពយន្តអប់រំរឿង “ជីវិតប្រុសលក់ខ្លួន” រឿង “កូនតិរិច្ឆាន” របស់ក្លាសិក រឿង”បំណុលឈាមឳពុក” របស់ប៉ុស្តិ៍លេខ៥ និងភាពយន្តមួយចំនួនផ្សេងទៀត ពិតជាស្គាល់ពីសមត្ថភាពសម្ដែងរបស់លោក ជា រ៉ាប៊ី ហើយ ដោយសារតែលោកត្រូវបានផលិតករអោយសម្ដែងសុទ្ធតែជាឆ្អឹងរឿង និង ជាតួរងតែម្ដង ហើយជាតួថ្មីមែន តែសមត្ថភាពសម្ដែងបានល្អគ្រប់តួអង្គដែលភាពយន្តបានតម្រូវ។ លោកត្រូវបានគេស្គាល់ថា គឺជាអ្នកជំនួញផ្នែកគ្រឿងសមុទ្រ នៅរាជធានីភ្នំពេញ តែដោយសារតែលោកបានស្គាល់ផលិតករ ហើយមានឱកាសបានចូលសម្ដែង ទើបចាប់ការសម្ដែងប្រមាណជាងកន្លះឆ្នាំនេះតែម្ដង។ លោកមានឈ្មោះពិតថា គុណ តារាវិជ្ជា ហើយជាអ្នកភ្នំពេញ និង ជានិស្ស័យស្រលាញ់សិល្បៈជាយូរមកហើយ ដោយគ្រាន់តែកន្លងមកមិនទាន់មានឱកាសចូលប្រឡូក។

ក្នុងរយៈពេលចូលប្រឡូកនេះ លោក ជា រ៉ាប៊ី ទទួលបានយ៉ាងហោច១០រឿង ដោយភាពយន្តថ្មីដែលលោកកំពុងថតរួមមាន រឿង”ផ្លូវងងឹត” របស់ក្រុមហ៊ុនAMS ដែលប្រភេទរឿងសម័យ លាយបុរាណ ហើយតាមគម្រោងលោកត្រូវបានក្រុមហ៊ុនមួយនេះ កុងត្រាអោយថត១០រឿងតែម្ដង ដោយសារតែមើលឃើញពីសមត្ថភាព។ ក្នុងនោះ គេក៏ឃើញលោកលេចមុខក្នុងរឿង”គ្រូចិញ្ចឹមខ្មោច” និង រឿង”ទឹក និង ប្រេង” ដែលសុទ្ធតែភាពយន្តរឿងដែលមានការរំពឹងថា នឹងធ្វើអោយលោកកាន់តែលេចធ្លោ។ ជា រ៉ាប៊ី បានបង្ហោះនៅលើអាក់ខោនផ្ទាល់ខ្លួនថា លោកសប្បាយចិត្តដែលត្រឹមរយៈពេលមិនដល់កន្លះឆ្នាំស្រួលបួលផង លោកថតបានប្រមាណជា១០រឿង ហើយនឹងគម្រោងកុងត្រាថតច្រើនរឿងទៀត ដែលលោកយល់ថានេះគឺជាផ្លែផ្កាមួយដ៏ល្អ៕

ធ្លាប់តែជួរមុខក្នុងទ្រនំ ម្ដងនេះ រ៉ាប៊ី ចេញសញ្ញាពិបាកទប់ទល់ ជាមួយ បាន មុនីល័ក្ខ

សំណព្វ — Sat, 25 Sep 2021 01:54:14 +0000

រ៉ាប៊ី ជាតារាចម្រៀងលំដាប់យុវវ័យដែល បានការគាំទ្រពេញទំហឹង ពីសំណាក់មិត្តអ្នកស្តាប់ក្មេងៗ។ ម្ល៉ោះហើយខាងផលិតកម្ម រមែងបង្ហាញបទល្អៗ អោយរ៉ាប៊ីច្រៀងរាំបុកទីផ្សារបន្ថែមទៀត។ ប៉ុន្តែមួយរយៈនេះ តារារួមទ្រនំ បាន មុនីលក្ខ័ ហាក់លេចសញ្ញា ការតាមដាន បើទោះជានាង មានរឿងខ្លះប៉ះទង្គិចជាមួយ តារារៀមច្បងបែបណាតែនាង ស្ថិតការចាប់អារម្មណ៍។

តារាចម្រៀង រ៉ាប៊ី ស្ថិតក្នុងចំណោមតារាចម្រៀងផ្នែកយុវវ័យដែលដែលលេចធ្លោនៅឆ្នាំ២០២១នេះមានដូចជារ៉េត ស៊ូហ្សាណា ,តន់ ច័ន្ទសីម៉ា និងយូរី ជាដើម។ក្រោយចែកផ្លូវគ្នាជាមួយសង្សារក្មេងមករ៉ាប៊ី ថ្ងូរដូចព្រាបថាពិបាកចិត្តព្រោះរកតែក្ដឹបសង្សារ១ធ្វើថ្នាំមិនបានផង៕

អ្នកចម្រៀងលេងសម្រស់ផាន វីរ៉ាទី ហៅរ៉ាប៊ី ត្រូវបានគេមើលឃើញថាមានភាពលេចធ្លោជាងគេនៅថោន ក្រោយមាស សុខសោភា ដើរចេញជាង១ឆ្នាំបើទោះជាទ្រនុំនេះនៅមានតារាជាច្រើនដែលមាមសម្ថភាពដូចជាយក់ ថិករដ្ឋា ,ឈិត សុវណ្ណបញ្ញា ,សុវត្ថិឌី ធារីកា ,ដា សុម៉ាវត្តី ,បេប៊ី ,កាតុ ,ចេន សាយចៃ និងចែម ស្រីល័ក្ខ ក្ដីតែនាងរ៉ាប៊ី ដែលពូកែតុបតែងខ្លួនហើយមានក្បាច់រាំគូឲ្យក្នក់ក្នាញ់នោះបែជាមានទីផ្សារល្អជាងគេទៅវិញ។
យ៉ាងណានៅរយៈពេលចុងក្រោយនេះគេសង្កេតឃើញថារ៉ាប៊ី អាចនឹងពិបាកទប់ទល់ជាមួយនាងបាន មុន្នល័ក្ខ ព្រោះអតីតតារាហង្សមាសរូបនេះច្រៀងបានល្អនូវបទស្លូវហើយចេញមកត្រូវចិត្តអ្នកស្ដាប់ ខណៈដែលរ៉ាប៊ី បទចម្រៀងដែលនាងត្រូវបានគេស្គាល់ច្រើនតែជាបទញាក់ប៉ុណ្ណោះរហូតមានអ្នកខ្លះរិះគន់ថានាងច្រៀងបទស្លូវមិនកើតទៀតផង។

យូរី មានបុគ្គលពិសេសចាំជម្រុញទឹកចិត្ត ក្រោយជួបរឿងទុក្ខលំបាក

សំណព្វ — Fri, 17 Sep 2021 01:21:25 +0000

តារាចម្រៀងនិយម តែងកាយឃ្យូតៗ Style ប្លែកៗ យូរី បានស្រស់ថ្លា ធ្វើចិត្តបានឡើងវិញហើយ។ ហ្វេនៗជួយអរដែល យូរី ដែលបាត់បង់ម្តាយ អាចវិលបកមកការពារ សិល្បៈដែលកំពុងតែលេចធ្លោ។ អ្វីដែលគេដឹងឃើញថា មានបុគ្គលពិសេសម្នាក់ ជាកម្លាំងចិត្តអោយនាង បន្តទៅមុខទៀត។
តារាចម្រៀងហង្សមាសសេន យូរី ចាប់ផ្ដើមបង្ហាញទឹកមុខរីករាយឡើងវិញនៅរយៈពេលចុងក្រោយនេះបន្ទាប់ពីនាង ស្រងូតស្រងាត់អស់ជាង២ខែមកហើយបន្ទាប់ពីអ្នកម្ដាយជាទីស្រលាញ់របស់នាងអ្នកស្រីចាន់ គង់ ទទួលមរណៈភាពកាលពី ថ្ងៃទី២៩ខែមិថុនាឆ្នាំ២០២១ ដោយជំងឺទឹកនោមផ្អែមនិងលើសឈាម។យូរី កាន់ទុក្ខជូនម្ដាយជាង១០០ថ្ងៃហើយនាងទើបតែវិល មករកឆាកតន្រ្ដីវិញកាលពីពេលថ្មីៗនេះទេ ក្រោមការផ្តល់កំលាំងចិត្តពីលោកថៅកែជា នី ដែលគេសង្ស័យថាជាគូស្នេហ៍របស់ នាងតែយូរី ថារាប់អានដូចជាបងប្រុសនោះ។ប៉ុន្ដែទោះជាយូរី ចាប់ផ្ដើមមានអារម្មណ៍ស្រស់ថ្លាយ៉ាងណាក៍នាងនៅតែអាលោះអាល័យនិងគេងនឹកម្ដាយជារៀងរាល់រាត្រីដែរគឺដូចគ្នាទៅនិងអ្នកនាងយុគ ចិន្ដា និងលោកឆន សុវណ្ណារាជ ដែរដែលពួកគេ សុទ្ធតែបាត់បង់ម្ដាយជាទីគោរពស្រលាញ់ព្រមៗគ្នានៅឆ្នាំ២០២១នេះ។
យូរី ស្ថិតក្នុងចំណោមតារាដែលមានទីផ្សារយុវវ័យល្អនៅឆ្នាំ២០២១ដោយប្រជែងជាមួយនាងតន់ ច័ន្ទសីម៉ា ,រ៉ាប៊ី និងរ៉េត ស៊ូហ្សាណា ។តាមព័តមានថាក្រោយចេញពីសាន់ដេចូលជ្រកនៅហង្សមាសបានជិត១ឆ្នាំនេះតម្លៃខ្លូនរបស់តារាសាច់សខ្ចីរូបនេះស៊ីថ្លៃច្រៀងConcertsកម្មវិធីធំៗ១កម្មវិធីជិត២០០០ដុល្លារ៕

បេប៊ី ហាក់នៅមិនទាន់ដល់គោលដៅដែលគ្រោងទុក

សំណព្វ — Thu, 29 Jul 2021 02:04:55 +0000

បេប៊ី បានដកថយពីវិស័យពិធីការិនី ច្រើនខែដោយនឹក គិតថាការជ្រើសរើសយកចម្រៀង នៅពេលបានផលិតកម្ម អាចប្រសើរ។យ៉ាងណាមិញ វិស័យរាំរែកមួយនេះ នៅមិនទាន់អោយបេប៊ី ហក់ដល់គោលដៅខុសពីពេលអំឡុងជាពិធីការិនី។ នេះអាចបរិយាកាសរបថកូវីដដែលបានបក់ មកលើ។
ជាង២ឆ្នាំកន្លះហើយដែលតារាចម្រៀងជុំ រចនាពេជ្រ ហៅបេប៊ី បានចូលច្រៀងនៅថោន ដោយបោះបង់អាជីពជាពិធីការិនីនៅCTNដែលតស៊ូជាង១០ឆ្នាំព្រោះតែនាងចង់ផ្ដោតលើការវាយលុកទីផ្សារចម្រៀងតែមួយមុខគត់។
តាំងពីផ្ទុះកូវីដមកបេប៊ី បានប្រឈមស្ងប់ស្ងាត់អត់មានបទចម្រៀងល្បីៗចេញទៀតឡើយ ខណៈដែលនាងក៍ផ្អាកឡើងច្រៀងសម្ដែងតាមឆាកតន្រ្ដីទូរទស្សន៍ដែរដោយងាកមកបើកហាងកាហ្វេនិងម្ហូបអាហារតាមOnlineវិញម្ដងទើបធ្វើឲ្យទីផ្សារចម្រៀងរបស់នាងកាន់តែពិបាកប្រជែងជាមួយតារាចម្រៀងផ្នែកយុវវ័យផ្សេងៗទៀតកាន់តែខ្លាំងរហូតដល់មានដំណឹងថាបេប៊ី អាចនឹងបោះបង់អាជីពថ្មីនេះដោយវិលទៅរកអាជីពចាស់សារជាថ្មីម្ដងទៀតផង។
បេប៊ី បានចុះកុងត្រានៅថោន រយៈពេល៥ឆ្នាំហេតុនេះហើយនាងនៅសល់ពេលជាង២ឆ្នាំទៀតដើម្បីស្ដារមុខមាត់ឡើងវិញ ហើយអ្វីដែលមហាជនរងចាំមើលនោះថាតើស្រីស្រស់រូបនេះនឹងអាចប្រជែងភាពលេចធ្លោជាមួយនាងរ៉ាប៊ី បានដែរឬអត់ក្រោយពេលមាស សុខសោភា ដើរចេញពីថោន ជាង៥ខែមកនេះ?

រ៉ាប៊ី មានតម្រុយអាចនឹងក្លាយជាពិធីការិនីម្តងទៀត

សំណព្វ — Fri, 09 Jul 2021 01:44:16 +0000

កញ្ញារ៉ាប៊ី ដែលល្បីខ្លាំងលើទីផ្សារចម្រៀង កំពុងតែធ្វើអោយគេតាមដានជាថ្មីទៀតនៅពេលគេ ស្រាប់តែដឹងតម្រុយថា នាងនឹងក្លាយជាពិធីការិនី។ ប្រសិនជានាង សម្រេចចិត្តមែននោះ ពិតជាល្អ ព្រោះកញ្ញា មានគ្រឹះស្រាប់មិនបាច់ បង្វឹកច្រើន ប្រាប់បន្ថែមគឺអាចធ្វើអោយនាង ដើរទៅមុខបាន។
ផាន វីរ៉ាទី ហៅរ៉ាប៊ី បានផ្អាកអាជីពពិធីការិនីជិត៣ឆ្នាំមកហើយក្រោយពីនាងដើរចេញពីទូរទស្សន៍ហង្សមាសជិត៣ឆ្នាំមកធ្វើជាតារាចម្រៀងនៅថោន ដែលធ្វើឲ្យកេរ្ដិ៍ឈ្មោះនិងជីវភាពរបស់នាងមានការប្រែប្រួលស្ទើតែទាំងស្រុង។យ៉ាងណាតាមព័តមានថាអ្នកគ្រប់គ្រងនៅទូរទស្សន៍ថោន ចង់ឲ្យនាងរ៉ាប៊ី ចាប់អាជីពMCឡើងវិញនៅទូរទស្សន៍មួយនេះព្រោះនាងអាចច្រៀងក៍បានធ្វើជាពិធីការិនីក៍បានដែរ។
រ៉ាប៊ី កំពុងក្លាយជាតារាចម្រៀង ជួរមុខប្រចាំផលិតកម្មថោន គួរអោយភ្ញាក់ផ្អើល ក្រោយពេលប្តូរការងារ។ បទចម្រៀងរបស់ នាងជាច្រើនបានផ្ទុះការគាំទ្រខ្លាំង ស្របពេលនាងក៍មានក្បាច់រាំមិនជិនណាយ។ បែបនេះហើយ គ្រប់ពេលឡើងឆាកម្តងៗឃើញថា នាងក៍មានការគាំទ្រពីអ្នកទស្សនា ច្រើនលើសលុប។

បេប៊ី រង់ចាំវេលាបំបែកទីផ្សារ

សំណព្វ — Wed, 16 Jun 2021 05:04:23 +0000

រយៈពេលច្រើនខែមកហើយ ដែលបេប៊ី បានសម្ងំអាក់ខាន មិនសូវបានពាំនាំការសម្តែងនៅលើឆាកតន្ត្រី ក៍ព្រោះតែវិបត្តិកូវីដ។នាងបាន ប្រកាសឈប់ធ្វើតួនាទីនៅMYTVនិងសុីធីអិន ដោយចាប់យកចម្រៀងមកវាយលុកទីផ្សារ តែទីបំផុតនាងនៅមិនទាន់ក៍បានក្រោយពេលរលក កូវីដហក់មកបន្តបន្ទាប់នោះ។ បេប៊ី ត្រូវរង់ចាំពេលវេលាជាថ្មីដើម្បី បំបែកទីផ្សារ។
បេប៊ី ដែលបោះបង់ចោលអាជីពMCនៅCTNដើម្បីវាយលុកទីផ្សារចម្រៀងនៅថោននោះជាងកន្លះឆ្នាំមកនេះនាងកាន់តែប្រឈមភាពស្ងប់ស្ងាត់ដែលឈានទៅពិបាកក្នុងការស្ដារមុខមាត់ឡើងវិញតែម្ដងព្រោះគ្មានបទល្បីៗឬសកម្មភាពសិល្បៈណាលេចធ្លោរទៀតឡើយ។ដោយឡែកអ្នកស្រីប៊ុន ណារី ម្ដាយបេប៊ី ដែលថាកូនស្រីរបស់គាត់មិនអាចនិយាយពីគម្រោងធ្វើអ្វីបានក្នុងឆ្នាំ២០២០ ព្រោះតែកូវីដ១៩ខូចផែនការណ៍សិល្បៈអស់ហើយទាល់តែនៅឆ្នាំ២០២១ទើបអាចរៀបគិតគូសារជាថ្មីឡើងវិញនោះពេលនេះត្រូវជាប់គាំងជាលើកទី២ព្រោះតែកូវីដផ្ទុះសាជាថ្មីទើបធ្វើឲ្យបេប៊ី ស្ងាត់ជាងតារាចម្រៀងផ្នែកយុវវ័យផ្សេងៗទៀតដូចជានាងរ៉ាប៊ី និងយូរី ជាដើម។
ថ្វីត្បិតតែនាងបេប៊ី មិនទាន់លេចធ្លោក្នុងអាជីពចម្រៀងមែន ប៉ុន្ដែរគេសង្កេតឃើញថាស្រីស្អាតរូបនេះនៅតែមានភាពហ៊ឺហារនិងជិះរថយន្ដទំនើបៗឆ្លាស់ៗគ្នាជាញឹកញាប់ ខណៈដែលកន្លងមកធ្លាប់លេចឭថាតារាថោនរូបនេះមានប្រុស២នាក់តាមស្នេហានោះគឺលោកឧកញ៉ានិងភិបាលខណ្ឌចូលមកព្រមគ្នាតែម្ដង ប៉ុន្ដែរអ្នកស្រីណារី ថាកូនស្រីគាត់កំពុងប្រឈមអត់ប្ដីព្រោះ”អ្នកក្រមិនហ៊ាន អ្នកមានមិនចូល”៕