ផាត់ តារារដ្ឋ – ផ្ទះតារា – PHTEASDARA

កីឡាបេស្បល៥ បើកការប្រកួតដណ្ដើមពានលើកទី១

សំណព្វ — Thu, 22 Aug 2024 10:24:37 +0000

កាលពីទី២២ សីហា ឆ្នាំ២០២៤ សហព័ន្ធកីឡាបេស្បល៥ សហ្វហ្វាយកម្ពុជា បានប្រកាសបើកការប្រកួត League ជាលើកដំបូង ដោយមានវត្តមានជាន់ខ្ពស់កម្ពុជា និង ភ្ញៀវកិត្តិយសចូលរួមយ៉ាងច្រើនកុះករ ក្នុងនោះក៏មានសិល្បករ និង តំណាង ស.ស.យ.ក ចូលរួមផងដែរ។

លោក ផាត់ តារារដ្ឋ ស្ថាបនិកគ្រួសារតារាកម្ពុជា ក៏បានដឹកនាំសមាជិកជាកូនក្រុមចូលក្នុងពិធីប្រកាសបើកការប្រកួតជាផ្លូវនោះផងដែរ។ ការប្រកួតដណ្ដើមពាននេះ ត្រូវបានធ្វើឡើងនៅពហុកីឡាដ្ឋានជាតិអូឡាំពិក ក្នុង Hall ការប្រកួតបាល់ទះ និង ត្រូវបើកការប្រកួតចាប់ពីថ្ងៃទី២២ ដល់ ថ្ងៃទី២៤ សីហា ឆ្នាំ២០២៤។

លោក ឆែម ដារ៉ា ប្រធានសហព័ន្ធកីឡាបេស្បលហ្វាយកម្ពុជា បានបង្ហាញនូវអារម្មណ៍មោទនភាពយ៉ាងខ្លាំង ដែលសហព័ន្ធអាចដំណើរការនូវការប្រកួតនេះបាន។ លោកក៏សម្ដែងនូវការអរគុណដល់គ្រប់ភាគី ដែលបានចូលរួមស្ពុនស័រ និង ជួយជ្រោមជ្រែងធ្វើអោយកម្មវិធីប្រកួតនេះ បានលេចរូបរាងផងដែរ។

សមាជិក សសយក ផែនគ្រួសាតារាកម្ពុជា ចូលរួមសកម្មភាពអបអរគម្រោងបើកការដ្ឋាន ព្រែកជីកហ្វូណនតេជោ

សំណព្វ — Sun, 04 Aug 2024 05:25:46 +0000

កាលពីរសៀលថ្ងៃទី 03 ខែ សីហា ឆ្នាំ 2024 លោកស្រី សួ ស្រីមុី ប្រធានកណ្ដាលផែនជ័យឧត្តម ចំណុះឲ្យសមាគមរួមគ្នាដើម្បីអភិវឌ្ឍន៍កម្ពុជា និង ជា ចលនាសេដ្ឋកិច្ចក្រៅប្រព័ន្ធនៃ ស ស យ ក រាជធានីភ្នំពេញ រួមជាមួយថ្នាក់ដឹកបានរួបរួមគ្នាប្រារព្ធធ្វើពិធីអបអរសារទចំពោះគម្រោងបើកការសាងសង់ ព្រែកជីកហ្វូណនតេជោក្នុងគោលបំណងជួយផ្សព្វផ្សាយ និង គាំទ្រពេញទំហឹងចំពោះផែនការរបស់ថ្នាក់ដឹកនាំ សម្ដេចតេជោហ៊ុនសែន មុនថ្ងៃបើកសម្ភោធគម្រោងជាផ្លូវការនៅថ្ងៃទី 05 សីហា ខាងមុខនេះ។

ក្នុងនោះផងដែរ លោក ផាត់ តារារដ្ឋ សមាជិកអចិន្ត្រៃយ៍កណ្ដាលផែន និង ជាប្រធានផែន គ្រួសារតារា ក៏បានដឹកនាំសមាជិកក្នុងផែនគ្រួសារតារាកម្ពុជាដែលជាសិល្បករ សិល្បការិនីប្រមាណជិត100នាក់ ដែលជាសមាជិកសមាជិកានៅក្នុងកណ្ដាលផែនជ័យឧត្តម ទៅចូលរួមអបអរ ក្នុងចំណោមផែនចំណុះទាំង ១៣ ផែន ចូលរួមអបអរពិធីបើកការដ្ឋាន ព្រែកជីកហ្វូណនតេជោក្រោមអធិបតីភាពលោក ឯ សុភាស់ ប្រធានសមាគមរួមគ្នាដើម្បីអភិវឌ្ឍន៍កម្ពុជា និង ជា ចលនាសេដ្ឋកិច្ចក្រៅប្រព័ន្ធនៃ ស ស យ ក រាជធានីភ្នំពេញ យ៉ាងច្រើនកុះករ។

ម្ចាស់ជំនួញធំៗ ធ្វើដំណើរទស្សនកិច្ច នៅគម្រោង ពៅបូភ័ក្ត្រគូលែន

សំណព្វ — Sun, 28 Jul 2024 12:18:42 +0000

កាលពីថ្ងៃទី២៧ និង ២៨ កក្កដា ឆ្នាំ២០២៤ គេឃើញម្ចាស់អាជីវកម្មផ្សេងគ្នាជាច្រើនស្ថាប័ន បានធ្វើដំណើរទស្សនកិច្ច ទៅសម្រាកលម្ហែកាយ នៅក្នុងគម្រោង ពៅបូភ័ក្ត្រគូលែនហូម ដែលជាតំបន់លក់ដី និង ផ្ទះលម្ហែកាយជាប់ជើងភ្នំគូលែនដ៏មានសក្កានុពល នៅខេត្តសៀមរាប។

ម្ចាស់ជំនួញដែលគេឃើញមានវត្តមាន នាឱកាសនោះរួមមាន លោក ផាត់ តារារដ្ឋ ចាងហ្វាងសារព័ត៌មាន ផ្ទះតារា និង ក្រុមគ្រួសារ, អ្នកនាង ម៉ន ថារ័ត្ន ម្ចាស់គ្លីនិកកែសម្ផស្ស EM Beauty Clinic , ម្ចាស់ប្រេន អូននាថទឹកល្បៀតខ្មែរ , និង ម្ចាស់ជំនួញផ្សេងទៀត ដែលរួមមានអ្នកលក់គ្រឿងសំណង់ និង អ្នកធ្វើការនៅក្នុងប្រទេសចិនជាដើម។

ក្រៅពីច្រៀងរាំ ក្រោមភ្នក់ភ្លើង និង ជប់លៀងយ៉ាងសប្បាយរីករាយ ម្ចាស់អាជីវកម្មទាំងអស់ ក៏បានបោះតង់ និង ស្នាក់នៅក្នុងផ្ទះលម្ហែកាយ នៅក្នុងគម្រោងមួយនេះ ប្រកបដោយភាពសប្បាយរីករាយផងដែរ ខណះដែលគម្រោងនេះ ក៏ជាចំណុចកណ្ដាលនៃទីតាំងអភិវឌ្ឍន៍ធំៗ និង ស្ថិតនៅទីប្រជុំជនដែលមានភាពអ៊ូអរ ហើយជាទីទួលរាបស្មើដែលអាចមើលឃើញភ្នំគូលែនបានរហូតដល់ជើងភ្នំខាងក្រោម ដែលអំណោយផលបំផុតសម្រាប់ ការសម្រាកលម្ហែកាយ ដែលចង់គយគន់ទេសភាពភ្នំគូលែន បានពេញមួយថ្ងៃ។

ម្ចាស់ជំនួញ ដែលបានបំពេញទស្សនកិច្ចនៅក្នុងគម្រោងនេះ ក៏សុទ្ធតែបានទិញដីលម្ហែកាយនៅក្នុងគម្រោងនេះ ស្របពេលដែលម្ចាស់គម្រោង ក៏ណាត់អោយម្ចាស់ឡូតិ៍នីមួយៗ មកទទួលដីលម្ហែ និង មកមើលគម្រោងដោយផ្ទាល់ ដើម្បីអោយដឹងថា តើគម្រោងមានការអភិវឌ្ឍន៍កម្រិតណា។

លោក ផាត់ តារារដ្ឋ ដែលបានទៅដល់គម្រោង បង្ហាញនូវអារម្មណ៍រីករាយយ៉ាងខ្លាំង នៅពេលដែលបានឃើញបរិយាកាសគម្រោងដោយផ្ទាល់ ស្របពេលដែលលោក នឹងភរិយា ក៏បានជាវដីលម្ហែនៅក្នុងគម្រោង ចំនួន២ប្លង់ គឺមួយប្លង់ជាប់ផ្លូវ៣០ម៉ែត្រ និង មួយប្លង់ទល់គូទគ្នាហើយបែរមុខទៅផ្លូវ១០ម៉ែត្រម្ខាងទៀត ដែលមានទំហ៊ំ ៧ គុណនឹង ៤៣ ហើយជាប់ផ្លូវសងខាង។

ដោយឡែកម្ចាស់ជំនួញផ្សេងទៀត ក៏សុទ្ធតែបានជាវដីលម្ហែនៅក្នុងគម្រោងនោះដូចគ្នា ដូចជា ថៅកែ EM Beauty Clinic បានទិញឡូតិ៍ជាប់ផ្លូវរដ្ឋ៣០ម៉ែត្រ បែរមុខទៅភ្នំចំនួន២ឡូតិ៍ជាប់គ្នា, អ្នកនាង នួន សាណា សមាជិកគ្រួសារតារាកម្ពុជា ទិញដីលម្ហែមួយឡូតិ៍បែរមុខទៅភ្នំ, ម្ចាស់ផលិតផល អូននាថទឹកល្មៀតខ្មែរ ទិញចំនួន៤ឡូតិ៍ជាប់គ្នា , អ្នកស្រី ដា ម្ចាស់ហាងគ្រឿងសំណង់បានកក់២ឡូតិ៍ និង គម្រោងចង់យក៦ឡូត៍ តែគ្មានឡួតិ៍ជាប់ៗគ្នា និង ម្ចាស់ជំនួញផ្សេងទៀត ដែលបានរួមដំណើរទៅជាមួយ ក៏សុទ្ធតែកំពុងក្លាយជាម្ចាស់ផ្ទះលម្ហែ និង ដីលម្ហែមួយនេះ។

លោកស្រី វិន ច័ន្ទបូភ័ក្ត្រ ម្ចាស់គម្រោង បានលើកឡើងថា នេះគឺជាគម្រោង ដែលមានសក្កានុពលខ្លាំង ហើយគម្រោងទាំងមូល ក៏សល់ដីលម្ហែមិនច្រើនផងដែរ ទើបលោកស្រីចាត់ទុកថា វត្តមានទិញទាន់របស់ម្ចាស់ជំនួញដែលមកទស្សនកិច្ចនេះ គឺជារឿងដ៏ល្អ ដោយសារតែគម្រោងទាំងមូលគឺជាចំណុចប្រសព្វនៃព្រលានថ្មី ប្រាសាទបេងមាលា បាគងភូមិខ្ញុំ និងកន្លែងកម្សាន្តធំៗផ្សេងទៀត។

មកមើលសម្រស់បេក្ខភាពជម្រើសទាំង 35រូបរបស់កម្មវិធីប្រកួត Miss Global Cambodia 2024

សំណព្វ — Mon, 22 Jul 2024 01:43:58 +0000

ខណៈដែលការប្រកួត Miss Global Cambodia 2024 នឹងបើកដំណើរនាថ្ងៃទី១ សីហា ឆ្នាំ២០២៤នេះ គណកម្មការបានបង្ហាញអោយឃើញពីសមាសភាពបេក្ខភាពទាំង៣៥រូប ជាផ្លូវការហើយ ដោយក្នុងចំណោមទាំង៣៥រូប ក៏មានបេក្ខនារីខ្លះ គឺជាបេក្ខភាពខ្លាំង ដែលញ៉ាំងអោយ ការប្រកួតដែលនឹង Live ផ្ទាល់នៅទូរទស្សន៍បាយ័នមួយនេះ ទទួលបានការចាប់អារម្មណ៍ខ្លាំង។ កម្មវិធី លោក ផាត់ តារារដ្ឋ ស្ថាបនិកគ្រួសារតារាកម្ពុជា ក៏ជាគណកម្មការដាក់ពិន្ទុផ្លូវការម្នាក់ផងដែរ សម្រាប់ការប្រកួតគ្រប់វគ្គ។
ខាងក្រោមនេះ គឺជាសមាសភាព បេក្ខនារីទាំង៣៥រូប ដែលកម្ពុជាបានបង្ហោះជាផ្លូវការលើផេក៖

ការប្រកួតមិត្តភាព បេស្បលហ្វាយកម្ពុជា បញ្ចប់ដោយជោគជ័យ

សំណព្វ — Sun, 21 Jul 2024 14:51:39 +0000

កាលពីថ្ងៃទី២១ កក្កដា ឆ្នាំ២០២៤ សហព័ន្ធកីឡាបេស្បលហ្វាយកម្ពុជា បានបើកការប្រកួតយ៉ាងអធឹកអធមនៅផ្សារទំនើប K-Mall ដោយមានវត្តមានភ្ញៀវកិត្តិយស អ្នកទស្សនា និង សិល្បករសិល្បការិនីយ៉ាងច្រើនកុះករចូលរួម។

ការប្រកួតនេះ គឺដើម្បីផ្សព្វផ្សាយ អោយកាន់តែមានការស្គាល់ និង ដឹងពីកីឡាបេស្បលហ្វាយ ដែលកម្ពុជាទើបតែបង្ហាញរូបរាង និង ដើម្បីអោយមានការគាំទ្រក្នុងស្រទាប់មហាជន ជាការលើកទឹកចិត្តដល់កីឡាករ និង កីឡាការិនីអោយផុសផុល។

លោក ឆែម ដារ៉ា ប្រធានសហព័ន្ធ បានលើកឡើងថា នេះគឺជាបេសកកម្មប្រកួតមិត្តភាព ដើម្បីបំផុស និង ផ្សព្វផ្សាយដល់កីឡាបេស្បលហ្វាយ ហើយលោកពិតជាបង្ហាញនូវមោទនភាព ដែលការប្រកួតនៅផ្សារទំនើប K-Mall នេះ កាន់តែមានការគាំទ្រខ្លាំងឡើង ហើយក៏សម្ដែងនូវការអរគុណផងដែរ ដែលសិល្បករគ្រួសារតារាកម្ពុជា បានចូលរួមផ្សព្វផ្សាយ និង ជាការលើកទឹកចិត្ត អោយយុវវ័យក្នុងវិស័យបេស្បលហ្វាយ កាន់តែស្រលាញ់កីឡា។

លោកក៏អរគុណផងដែរ ដល់ដៃគូស្ពុនស័រ ដែលជួយការប្រកួតមួយនេះ តាមរយះគ្រួសារតារាកម្ពុជា ដែលអាចអោយសហព័ន្ធមានលទ្ធភាពរៀបចំការប្រកួត និង មានលទ្ធភាពផ្ដល់ជារង្វាន់ដល់អ្នកឈ្នះ។ លោកក៏ថ្លែងអំណរគុណផងដែរ ដល់ផ្សារទំនើប K-Mall ដែលផ្ដល់ទីតាំងអោយរៀបចំ ដែលនេះគឺជាការរួមចំណែកដ៏ធំ ក្នុងការបំផុស និង ផ្សាយអោយស្គាល់ថា អ្វីទៅជាកីឡាបេស្បលហ្វាយ។

លោក ផាត់ តារារដ្ឋ ស្ថាបនិកគ្រួសារតារាកម្ពុជា អ្នកដឹកនាំសិល្បករប្រមាណ៣០នាក់ អោយទៅចូលរួមគាំទ្រ និង បានគៀងគរម្ចាស់ជំនួយមួយចំនួនអោយផ្ដល់ជាស្ពុនស័រជួយដល់កម្ពុជា បានលើកឡើងថា បេស្បលហ្វាយ គឺជាកីឡាថ្មី ដែលទើបតែមានវត្តមាននៅក្នុងប្រទេសកម្ពុជា ហើយនេះគឺជាកីឡាតែមួយគត់ ដែលក្នុងពេលលេង មានប្រុស៣នាក់ស្រី២នាក់ ដែលបង្ហាញពីសមភាពយេនឌ័រ ដែលជាមូលហេតុដែលគ្រួសារតារាកម្ពុជា ចូលរួមជ្រោមជ្រែង។ លោកក៏ថ្លែងអំណរគុណដល់ស្ពុនស័រទាំងអស់ ដែលជួយសហព័ន្ធតាមរយះរូបលោក ដែលកម្លាំងចូលរួមទាំងនេះ គឺសុទ្ធតែជាការជំរុញដ៏ធំ លើកទឹកចិត្តដល់កីឡាករ ។

គួរបញ្ជាក់ផងដែរ កម្មវិធីប្រកួតដែលបានធ្វើឡើងនេះ ក្រៅពីមានការផ្ដល់ទីតាំងដោយផ្សារទំនើប K-Mall ក៏មានការស្ពុនស័រយ៉ាងពិសេស ដោយក្រុមហ៊ុនសាប៊ូកក់សក់ Jensssy ដោយលោកស្រី កែវ ម៉ានិច ក៏បានផ្ដល់នូវឈុតសាប៊ូ ជារង្វាន់លើកទឹកចិត្តដល់ក្រុមអ្នកឈ្នះក្នុងមួយឈតផងដែរ។

ការប្រកួតទាំងមូល ក៏កើតពីការចូលរួមស្ពុនស័រ ដោយមជ្ឈមណ្ឌលកែសម្ផស្ស សាយរះ នៅក្បែរផ្សារត្រពាំងថ្លឹង, ដោយលោកជំទាវ រីយ៉ាត្រាណេ សមាជិកគ្រួសារតារាកម្ពុជា, ដោយណារ៉ាបាយឆាក្ដាម របស់លោក Van Thou, ដោយលោកជំទាវឧកញ៉ា កាំង ហ្គិចសៀម, ដោយចុងភៅចិនសួង ដោយ Pasta Corner និង សារព័ត៌មាន ផ្ទះតារា។

ស្ថាបនិកគ្រួសារតារាកម្ពុជា ត្រូវបានតែងតាំង ជា BA ក្នុងចំណោម៤រូប

សំណព្វ — Thu, 11 Jul 2024 12:57:04 +0000

ក្នុងពិធីតែងតាំង BA ៤រូប របស់មជ្ឈមណ្ឌលកែសម្ផស្ស EM Beauty Clinic ក៏មានលោក ផាត់ តារារដ្ឋ ស្ថាបនិកគ្រួសារតារាកម្ពុជា មួយរូបផងដែរ ដោយលោកត្រូវបានកុងត្រាជាមួយគ្លីនិក ក្នុងនាមជាអ្នកផ្សព្វផ្សាយប្រចាំគ្លិនិក បន្ទាប់ពីម្ចាស់គ្លីនិក កត់សម្គាល់ថា លោកកាន់តែមានកេរ្តិ៍ឈ្មោះបោះសំលេង ក្នុងការងារដឹកនាំសិល្បៈ និង ក្នុងការងារសង្គម និង បន្ទាប់ពីបានទទួលសេវាកម្មកែសម្ផស្សលើផ្ទៃមុខ អោយមានហុងស៊ុយលើផ្នែកកាត់ស្លាបច្រមុះ បំបាត់ជាំ និង កែចិញ្ចើមហុងស៊ុយ ជាមួយគ្លីនិកមួយរយៈមកហើយ។

ការទទួលបានតំណែងជា BA របស់គ្លីនិកនេះ បានបង្កើតអោយមានចម្ងល់ជាច្រើនថា ហេតុអ្វីលោកគឺជាអ្នកដឹកនាំសិល្បៈ និងគ្រាន់តែជាអ្នកសារព័ត៌មាន តែបែរជាត្រូវជ្រើសជា BA របស់គ្លីនិក ក្នុងចំណោម BA ៣រូបផ្សេងទៀត ដែលសុទ្ធតែជាតារាល្បី។

BA ដែលបានបង្ហាញខ្លួនកុងត្រា នៅក្នុងថ្ងៃនោះរួមមាន តារាចម្រៀងម៉េម៉ាយសប្បាយចិត្ត អ្នកនាង រ័ត្ន រចនា ដែលពីមុនគឺជាអតិថិជនផ្នែកបូមខ្លាញ់សម្រករាង, កញ្ញា លីម៉ា Miss Grand ភ្នំពេញ ២០២៤ ដែលជាអតិថិជន លើការកែកុនសម្រស់ជាច្រើន និង កញ្ញា ដាវណ្ណ ពិធីការិនីទូរទស្សន៍បាយ័ន្ត ដែលជាអ្នកបង្កើតមាតិកាបង្ហាញពីផ្នត់គំនិតរឹងមាំនៅលើបណ្ដាញសង្គម និង លោក ផាត់ តារារដ្ឋ ដែលជាអ្នកសារព័ត៌មាន របស់ផ្ទះតារា មួយរូប។

នៅក្នុងពិធីនោះ ក៏មានវត្តមានបេក្ខភាព Miss Blobal Cambodia 2024 ចូលរួមដើរបង្ហាញម៉ូតផងដែរ ដើម្បីគាំទ្រអោយមានការលើកកម្ពស់វិស័យកែសម្ផស្ស នៅកម្ពុជា។

នៅក្នុងវត្តមានតារាសិល្បៈ ក៏ញ៉ាំងអោយពិធីទាំងមូលកាន់តែអធឹកអធមផងដែរ ក្រៅពីគណអធិបតី និង ភ្ញៀវកិត្តិយស ដែលសុទ្ធតែជាអ្នកមានមុខមាត់ក្នុងសង្គម។

ការប្រកួតកីឡាវាយកូនបាល់ DAVIS CUP ពិភពលោកប្រកាសបើកជាផ្លូវការណ៍ ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី

សំណព្វ — Wed, 10 Jul 2024 09:01:06 +0000

កាលពីព្រឹកថ្ងៃទី១០ ខែកក្កដា ឆ្នាំ២០២៤ ការប្រកួតកីឡាវាយកូនបាល់ DAVIS CUP Asia/Oceania Group IV ឆ្នាំ២០២៤ ដែលជាការប្រកួតវាយកូនបាល់កម្រិតពិភពលោក ត្រូវបានប្រកាសបើកយ៉ាងអធឹកអធម នៅពហុកីឡដ្ឋានជាតិមរតកតេជោ ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ។

នៅក្នុងពិធីនោះ ប្រធានកណ្ដាលផែនជ័យឧត្តម លោកស្រី សួ ស្រីម៉ី និង លោក ប៉ាវ គីមសាន អនុប្រធានប្រចាំការកណ្ដាលផែនជ័យឧត្តម ក៏បានចូលរួមដឹកនាំសមាជិកសមាជិក ស.ស.យ.ក នៃផែនគ្រួសារតារា ក្រោមការដឹកនាំរបស់លោក ផាត់ តារារដ្ឋ ស្ថាបនិកគ្រួសារតារាកម្ពុជា ទៅចូលរួមប្រមាណ១០រូបផងដែរ ដែលសុទ្ធតែជាសមាសភាពសំខាន់ៗក្នុងផែន។

លោក ផាត់ តារារដ្ឋ ប្រធានផែនគ្រួសារតារា ដែលចំណុះអោយកណ្ដាលផែនជ័យឧត្តម បានលើកឡើងថា នេះគឺជាការប្រកួតវាយកូនបាល់លំដាប់ពិភពលោក ដែលកម្ពុជាធ្វើជាម្ចាស់ផ្ទះ ដោយមានបណ្ដាប្រទេសជាច្រើនដូចជា ប្រទេសអ៊ីរ៉ាក់ មីយ៉ាន់ម៉ា ស្រីលង្ការ ជាដើមចូលរួមប្រកួតប្រជែង។

វត្តមានរបស់សិល្បករក្នុងផែនគ្រួសារ ក្រោមការចំណុះអោយកណ្ដាលផែនជ័យឧត្តម ក៏ចាត់ទុកថា គឺជាការចូលរួមបំផុសវិស័យកីឡាផងដែរ ស្របពេលដែលសិល្បករម្នាក់ៗ រាល់ការចូលរួមសកម្មភាពរបស់សសយក ក៏តែងតែបំផុស និងចែកចាយ នូវព័ត៌មានផ្សេងៗ អោយកាន់តែមានការគាំទ្រ។ លោកក៏ចាត់ទុកថា សមាសភាពសិល្បករក្នុងផែនទាំងមូល គឺជាចលករដ៏ខ្លាំងរបស់កណ្ដាលផែនជ័យឧត្តម ដែលចំណុះអោយសសយក រាជធានីភ្នំពេញទាំងមូលផងដែរ។

សូមជម្រាបជូនថា ព្រឹត្តិការណ៍ដែលកម្ពុជាទទួលបានសិទ្ធិ ធ្វើជាម្ចាស់ជាប្រវត្តិសាស្ត្រនេះដំណើរការទៅ ចាប់ពីថ្ងៃទី១០ ដល់ថ្ងៃទី១៣ ខែកក្កដា ឆ្នាំ២០២៤ និងមានប្រទេសចូលរួមសរុបចំនួន០៨ រួមមាន៖ ម្ចាស់ផ្ទះកម្ពុជា គុយវ៉ែត កៀហ្ស៊ីស៊ីស្ថាន អ៊ីរ៉ាក់ មីយ៉ាន់ម៉ា ស្រីលង្កា កាតា និងអារ៉ាប់រួម។

កីឡាករជម្រើសជាតិវាយកូនបាល់ចូលរួមសរុបចំនួន ០៥រូប ក្នុងនោះកីឡាករ០២រូប មកពីក្រសួងមហាផ្ទៃ រួមមាន៖
១. កីឡាករ ប៊ុន កេន្នី
២. កីឡាករ ទេព ទីម៉ូធី

ក្រុមការងារ ផ្ទះតារា និង សាលាស្រណោះតន្ត្រី ត្រៀមហោះទៅកូរ៉េចូលរួមព្រឹត្តិការណ៍ប្រកួតផ្នែកតន្ត្រីធំមួយ

សំណព្វ — Wed, 03 Jul 2024 02:49:43 +0000

តបតាមការអញ្ជើញរបស់សាលាស្រណោះតន្ត្រី និង មានការឯកភាពពីកម្មវិធីប្រកួត Music ដ៏ធំនៅក្នុងប្រទេសកូរ៉េ ក្រុមការងារ២រពរបស់ផ្ទះតារា រួមមាន លោក ផាត់ តារារដ្ឋ ស្ថាបនិកគ្រួសារតារាកម្ពុជា និង លោក រុន ណាកូ ពិធីករផ្ទះតារា នឹងត្រូវអញ្ជើញអោយចុះទៅយកព័ត៌មានដោយផ្ទាល់ នៅក្នុងប្រទសកូរ៉េខាងត្បុង ដោយបេសកកម្មរបស់អ្នកទាំងពីរនឹងមានរយៈពេលចំនួន៦ថ្ងៃ ចាប់ពីថ្ងៃទី៣ កក្កដា នេះតទៅ។

នេះជាបេសកកម្មដែលកូនខ្មែរជាង២០រូប ដែលសុទ្ធតែជាម្ចាស់ពានរង្វាន់ ក្នុងការប្រកួតថ្នាក់ជាតិ និង អន្តរជាតិកន្លងមក ត្រូវបានអញ្ជើញអោយទៅប្រកួតផ្នែកព្យាណូ និង ហ្គីតា តាមរយៈសាលាស្រណោះតន្ត្រី នៅក្នុងព្រឹត្តិការណ៍ប្រកួត Music ដ៏ធំនៅក្នុងប្រទេសកូរ៉េនោះ។ ក្រៅពីទៅយកព័ត៌មានពីកូនខ្មែរចេញប្រកួតតន្ត្រី ក្រុមការងារ ផ្ទះតារា ក៏នឹងមានបេសកកម្មដើរទស្សនកិច្ច ក្នុងឱកាសទៅកាន់កូរ៉េនោះ តាមការរៀបចំរបស់ភាគីកូរ៉េ ដែលជាអ្នកទទួលស្វាគមន៍ផងដែរ។

នេះជាលើកទី២ហើយ ដែលក្រុមការងារ ផ្ទះតារា ត្រូវបានអញ្ជើញអោយចុះយកព័ត៌មានតំណាងប្រទេសកម្ពុជា ដោយផ្ទាល់ក្នុងប្រទេសកូរ៉េ ខណៈដែលលើកទី១ ក្រៅពីចុះយកព័ត៌មាន ក៏បានដឹកនាំតារាខ្មែរ ចេញសម្ដែងនៅទីក្រុងសំខាន់ៗផង នៅក្នុងប្រទេសកូរ៉េ។

ផ្ទះតារា និង សហព័ន្ធកីឡាបេស្បល សុហ្វបលកម្ពុជា ចាប់ដៃគ្នាដើម្បីពង្រឹង និង ជម្រុញវិស័យកីឡាឱ្យកាន់តែឈានទៅមុខ

សំណព្វ — Mon, 01 Jul 2024 02:14:10 +0000

ជាការចូលរួមលើកកម្ពស់ដល់កីឡា បេស្បលហ្វាយ ដែលទើបតែនាំមកកម្ពុជា នៅឆ្នាំ២០២៤នេះ លោក ផាត់ តារារដ្ឋ ស្ថាបនិកគ្រួសារតារាកម្ពុជា ដែលជាចាងហ្វាងសារព័ត៌មាន ផ្ទះតារា បានសម្រេចចុះអនុស្សារណៈយោគយល់គ្នា (MOU) ជាផ្លូវការមួយ ជាមួយសហព័ន្ធកីឡាបេស្បល សុហ្វបលកម្ពុជា។

ក្នុងកិច្ចចុះ MOU នោះ លោក ផាត់ តារារដ្ឋ ដែលជាប្រធានផែនគ្រួសារតារា ក្នុងក្របខ័ណ្ឌ កណ្ដាលផែនជ័យឧត្តម ដែលមាន លោកស្រី សួ ស្រីម៉ី ជាអ្នកដឹកនាំ ក៏បានដឹកនាំអនុប្រធាន លេខា និង សមាជិកផែន ដែលសុទ្ធតែជាតារាសិល្បៈ ប្រមាណជាង៣០រូប ចូលរួមជាភ្ញៀវកិត្តិយស ដើម្បីជួយបំផុស និង ផ្សព្វផ្សាយផងដែរ។

នៅក្នុងខ្លឹមសារចុះ MOU នោះ ផ្ទះតារានឹងក្លាយជាដៃគូផ្សព្វផ្សាយ និង ក្លាយជាប្រធានផ្សព្វផ្សាយ ដើម្បីជួយជំរុញសហព័ន្ធអោយកាន់តែមានការគាំទ្រ មានដៃគូស្ពុនស័រ និង មានការរីកចំរើន តាមតែអាចធ្វើទៅបាន។

សហព័ន្ធកីឡាបេស្បល សុហ្វបលកម្ពុជា ត្រៀមបើកការប្រកួតថ្នាក់ជាតិ

សំណព្វ — Mon, 01 Jul 2024 01:46:17 +0000

កាលពីព្រឹកថ្ងៃអាទិត្យ ទី៣០ ខែមិថុនាឆ្នាំ២០២៤ លោក ឆែម តារា ប្រធានសហព័ន្ធកីឡាបេស្បល សុហ្វបលកម្ពុជា បានបើកសន្និសីទធំមួយ អមដោយការធ្វេីកិច្ចចុះអនុស្សរណៈយោគយល់គ្នា (MOU) ជាមួយដៃគូសហការ ចំនួន២ គឺជាមួយ លោកស្រី Chariya Chea ស្ថាបនិក និង ជាអគ្គនាយិកាក្រុមក្រុមហ៊ុន A2Z SOLUTION និង ជាមួយលោក ផាត់ តារារដ្ឋ ស្ថាបនិកគ្រួសារតារាកម្ពុជា និង ចាងហ្វាងសាព័ត៌មាន ផ្ទះតារា Home Stars ដើម្បីប្រកាសថា នៅអំឡុងចុងខែ៨ខាងមុខ សហព័ន្ធនឹងបើកការប្រកួត Baseball 5 ធំមួយ ដោយសហព័ន្ធស្នើសុំអោយដៃគូសហការថ្មី គឺ លោកស្រី ជា ចរិយា និង លោក ផាត់ តារារដ្ឋ ចូលរួមសហការផ្សព្វផ្សាយ ក៏ដូចជាស្វែងរកដៃគូឧបត្ថម្ភគាំទ្រថវិការ ដេីម្បីអភិវឌ្ឍន៍ទៅលេីវិស័យ កីឡាបេស្បល សុហ្វបល បេស្បលហ្វាយកម្ពុជា អោយកាន់តែមានភាពរីកចំរេីនទៅមុខកាន់តែខ្លាំង ទាំងលេីឆាកជាតិ និងអន្តរជាតិ។

គួរបញ្ជាក់ផងដែរ ព្រឹត្តិការណ៍ធំ ដែលសហព័ន្ធគ្រោងនឹងធ្វើនោះ គឺត្រៀមខ្លួនរៀបចណការប្រកួតពានរង្វាន់ #លីគបេស្បលហ្វាយ កម្ពុជា ឆ្នាំ២០២៤ ដែលគ្រោងនឹងរៀបចំនៅថ្ងៃទី២១ ដល់ ២៤ ខែសីហា ឆ្នាំ២០២៤ខាងមុខនេះ។ ព្រឹត្តិការណ៍នេះ ក៏នឹងផ្ដល់អោយម្ចាស់ជំនួញ និង ម្ចាស់អាជីវកម្មតូចធំ ដែលចង់រួមចំណែកជួយដល់កីឡា Baseball 5 បានរួមចំណែកក្នុងនាមជាអ្នកស្ពុនស័រផងដែរ។

ការប្រកាសសន្និសីទពីការប្រកួតថ្នាក់ជាតិកាលពីព្រឹកថ្ងៃអាទិត្យ ទី៣០ ខែមិថុនាឆ្នាំ២០២៤ លោក ឆែម តារា ប្រធានសហព័ន្ធកីឡាបេស្បល សុហ្វបលកម្ពុជា បានបើកសន្និសីទធំមួយ អមដោយការធ្វេីកិច្ចចុះអនុស្សរណៈយោគយល់គ្នា (MOU) ជាមួយដៃគូសហការ ចំនួន២ គឺជាមួយ លោកស្រី Chariya Chea ស្ថាបនិក និង ជាអគ្គនាយិកាក្រុមក្រុមហ៊ុន A2Z SOLUTION និង ជាមួយលោក ផាត់ តារារដ្ឋ ស្ថាបនិកគ្រួសារតារាកម្ពុជា និង ចាងហ្វាងសាព័ត៌មាន ផ្ទះតារា Home Stars ដើម្បីប្រកាសថា នៅអំឡុងចុងខែ៨ខាងមុខ សហព័ន្ធនឹងបើកការប្រកួត Baseball 5 ធំមួយ ដោយសហព័ន្ធស្នើសុំអោយដៃគូសហការថ្មី គឺ លោកស្រី ជា ចរិយា និង លោក ផាត់ តារារដ្ឋ ចូលរួមសហការផ្សព្វផ្សាយ ក៏ដូចជាស្វែងរកដៃគូឧបត្ថម្ភគាំទ្រថវិការ ដេីម្បីអភិវឌ្ឍន៍ទៅលេីវិស័យ កីឡាបេស្បល សុហ្វបល បេស្បលហ្វាយកម្ពុជា អោយកាន់តែមានភាពរីកចំរេីនទៅមុខកាន់តែខ្លាំង ទាំងលេីឆាកជាតិ និងអន្តរជាតិ។

គួរបញ្ជាក់ផងដែរ ព្រឹត្តិការណ៍ធំ ដែលសហព័ន្ធគ្រោងនឹងធ្វើនោះ គឺត្រៀមខ្លួនរៀបចណការប្រកួតពានរង្វាន់ #លីគបេស្បលហ្វាយ កម្ពុជា ឆ្នាំ២០២៤ ដែលគ្រោងនឹងរៀបចំនៅថ្ងៃទី២១ ដល់ ២៤ ខែសីហា ឆ្នាំ២០២៤ខាងមុខនេះ។ ព្រឹត្តិការណ៍នេះ ក៏នឹងផ្ដល់អោយម្ចាស់ជំនួញ និង ម្ចាស់អាជីវកម្មតូចធំ ដែលចង់រួមចំណែកជួយដល់កីឡា Baseball 5 បានរួមចំណែកក្នុងនាមជាអ្នកស្ពុនស័រផងដែរ។