https://phteasdara.com PHTEASDARA Tue, 03 Sep 2024 03:10:33 +0000 en-US hourly 1 https://wordpress.org/?v=6.8.1 169805113 https://phteasdara.com/entertainment/109540/ Tue, 20 Jun 2023 15:39:42 +0000 https://phteasdara.com/?p=109540 មកទល់ពេលនេះ ដំរីទាំង៤ក្បាលនៅក្នុងសមាគមអភិរក្សដំរី អៃរាវត្តា នៅខេត្តរតនៈគីរី កំពុងទាក់ទាញអ្នកទេសចរណ៍យ៉ាងខ្លាំង ខណៈដែល កាលពីថ្ងៃទី២០ មិថុនា ឆ្នាំ២០២៣ សមាគមនេះ ក៏បានទទួលស្វាគមន៍គណប្រតិភូ មកពីក្រសួងកិច្ចការនារី ពីសមាគមតន្ត្រីសំនៀងជនពិការ និង ពីក្រុមសិល្បករ ដែលជាទូតសុឆន្ទៈ របស់សមាគម។ ទូតសុឆន្ទៈ ដែលជាតារាសិល្បៈ ត្រូវគេឃើញមានវត្តមានចំនួន៧រូប គឺ កញ្ញា ឌួង ហ្សូរីដា, អ្នកនាង ស្វែង សុជាតា តារាសម្ដែង, លោក ផាត់ តារារដ្ឋ ស្ថាបនិកគ្រួសារតារាកម្ពុជា, លោក ហេរ៉ូ ពិធីករ, អ្នកស្រី រ៉េតរ៉ូស តារាសម្ដែង, លោក រុន ណាកូ ពិធីករ, និង អ្នកស្រី រីយ៉ា សមាជិកគ្រួសារតារាកម្ពុជា។

លោកស្រី ចិន្តា ក្លេខៃ ប្រធានសមាគម បង្ហាញអារម្មណ៍សាទរយ៉ាងខ្លាំង ចំពោះប្រតិភូជនពិការ ក្រោមការដឹកនាំរបស់លោកជំទាវ ញ៉ែម មរកត ប្រធានកិត្តិយសសមាគមតន្ត្រីសំនៀងជនពិការ និង ជាអនុរដ្ឋលេខាក្រសួងកិច្ចការនារី និង BA ទាំងអស់ ដែលបានមកដល់ទីតាំងមើលថែរបស់សត្វដំរី។ លោកស្រីថា ដំរីដែលកំពុងស្ថិតក្រោមការគ្រប់គ្រងរបស់សមាគមនេះ មានចំនួន៤ក្បាល ដោយមានដំរីធំឈ្មោល២ក្បាល ញីធំមួយក្បាល និង ដំរីកូនអាយុជាង១ឆ្នាំមួយក្បាល។

ដំរីទាំងនេះ កំពុងត្រូវការការជួយជ្រោមជ្រែង ពីគ្រប់ទិសទី ដោយសារតែសមាគមក៏ត្រូវការជំនួយក្នុងមួយឆ្នាំៗជាច្រើនម៉ឺនដុល្លារ ដើម្បីរ៉ាប់រងលើចំណី និង ការថែទាំ។ លោកស្រីថា ដំរីទាំងនេះ ដ្បិតថា ត្រូវបានសមាគមរ៉ាប់រង តែក៏ត្រូវព្រលែងអោយស់នៅក្នុងព្រៃ ដោយមានក្រុមហ្មដំរីចាំឃ្លាំមើល និង ជួយថែទាំ។ ដូច្នេះហើយ ទើបលោកស្រីថា ក្រុមប្រជាសហគមដែលនៅជុំវិញព្រៃ គឺត្រូវចូលរួមការពារយ៉ាងសំខាន់ ដោយមិនធ្វើការប្រមាញ់ ឬ គំរាមកំហែង នៅដែនព្រៃធម្មជាតិ ដែលជាកន្លែងព្រលែងក្នុងព្រៃ។ ក្នុងពិធីសំណេះសំណាល ដែលមានលោកជំទាវ ញ៉ែម មរកត ដឹកនាំ និងមានការចូលរួម ដោយទូតសុឆន្ទៈដំរី ជាសិល្បករចូលរួមនេះ ក៏មានពិធីប្រគល់អំណោយជូនដល់ប្រជាសហគម ដើម្បីអោយពលរដ្ឋដែលអាស្រ័យផលក្នុងព្រៃការពារ របស់ដំរីទាំងនោះ ចូលរួមថែរក្សាជីវិតសត្វដំរី។

លោកជំទាវ ញ៉ែម មរកត បានសន្យាថា ក្នុងនាមជាប្រធានកិត្តិយសសមាគមតន្ត្រីសំនៀងជនពិការ ដែលមាន លោក ចាប តូ ជាប្រធាន នឹងចូលរួមបំផុសអោយសកម្ម ដើម្បីគាំទ្រសកម្មភាពរបស់សមាគមអភិរក្សដំរី អៃរាវត្តា អោយមជ្ឈដ្ឋានគ្រប់ទិសទីបានដឹង។ ក្នុងនោះ ក៏មានសកម្មភាពថតឃ្លីបផ្សព្វផ្សាយពីសមាគម និង ពីសត្វដំរី ពីសំណាក់អ្នកចូលរួមទស្សនកិច្ច ពីសំណាក់សប្បុរសជន និង ពីសំណាក់តារាសិល្បៈ ជា BA៕

]]> 109540 https://phteasdara.com/sports/109101/ Wed, 07 Jun 2023 05:43:23 +0000 https://phteasdara.com/?p=109101  
សមាគមតន្ត្រីសំនៀងជនពិការ ដឹកនាំដោយលោក ចាប តូ (ងងឹតភ្នែកទាំងពីរ)ជាប្រធាន ដោយមានលោកជំទាវ ញ៉ែម មរកត អនុរដ្ឋលេខាធិការក្រសួងកិច្ចការនារី ជាប្រធានកិត្តិយស លោកជំទាវ ឆៃ ច័ន្ទរិទ្ធីសូលីដា និង កញ្ញា ឌួង ហ្សូរីដា លោក តាំង សុឃី ជាអនុប្រធានកិត្តិយស ជាអាណាព្យាបាលផ្ទាល់របស់ជនពិការភ្នែកនិងកាយសម្បទាជិត៧០០នាក់(៩០%ពិការភ្នែក ១០% ពិការ កាយសម្បទាជួយដឹកដៃជនពិការភ្នែក)។

កីឡាករ កីឡាការិនី អត្តពលិកជនពិការភ្នែក កាយសម្បទាដែលចូលរួមប្រកួតក្នុងព្រឹត្តការណ៌អាស៊ានប៉ារ៉ាហ្គេម មកពីក្នុងសមាគមខាងលើដែលដីនិងអគារស្នាក់នៅគឺជា ព្រះរាជអំណោយនិងអំណោយរបស់ សម្តេចព្រះមហាក្សត្រី នរោត្តម មុនិនាថ សីហនុ និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន រួមជាមួយសប្បុរសជន បានសាងសង់ឲ្យជនមានពិការភាពភ្នែកស្នាក់នៅនិងបណ្តុះបណ្តាលជំនាញ មានទីតាំងនៅសង្កាត់គោករកា ខណ្ឌព្រែកព្នៅ រាជធានីភ្នំពេញ។

សមាគមបានបង្រៀន ជំនាញ ម៉ាស្សា តន្ត្រី ចម្រៀង កាន់ឧបករណ៌ភ្លេង ជំនាញពិធីករ ។ល។ ដល់ជនពិការភ្នែក។
❖ ដើម្បីចូលរួមលើកកំពស់វិស័យកីឡា កីឡាករ កីឡាការិនី ដែលមានពិការភាពភ្នែកនិងកាយសម្បទាចំនួន១៨នាក់ ក្នុងសមាគមបានហ្វឹកហាត់វិញ្ញាសារ រត់ប្រណាំង គប់ស្នរ បោះដុំដែក គប់ថាស លោតចម្ងាយ។

ឆ្លងកាត់ការហ្វឹកហាត់ក្នុងកំឡុងពេលស្តាតមរតកតេជោជាប់ស៊ីហ្គេម កីឡាករកីឡាការិនីត្រូវហ្វឹកហ្វឺននៅទីលានជិតសមាគម ដោយឡែកគួរឲ្យរន្ធត់កីឡាករពិការភ្នែកឈ្មោះ នុន ធារ៉ា អាយុ២៣ឆ្នាំ បានរងគ្រោះថ្នាក់វិះអស់ជីវិត ដោយសារពេលរៀនចោលស្នរ គាត់ចោលបានឆ្ងាយល្អ ពេលឮអ្នកឈរមើលនិងគ្រូបង្វឹកស្រែកហ៊ោទះដៃ ធារ៉ា រំភើបពេកក៏រត់ចូលទៅរកកន្លែងស្នរធ្លាក់ដោតជាប់ដី ហើយក៏ជុងស្នរដោតជាប់បំពង់ករធ្លាយពីមុខទៅក្រោយគួរឲ្យរន្ធត់បំផុត ប៉ុន្តែអភិនីហាមាន ជីវិតថ្លៃស្នរបុកមិនចំសសៃពិសេសទេខុស១មីលីម៉ែត្រប៉ុណ្ណោះ ធារ៉ាត្រូវបានបញ្ជូនមកសង្គ្រោះបន្ទាន់នៅមន្ទីរពេទ្យកាល់ម៉ែត្រ ពេទ្យថាក្នុង១លានគ្មានមួយដែលមានគ្រោះថ្នាក់បែបនេះហើយមិនប៉ះពាល់ជីវិត ក្រោយសម្រាកបាន១អាទិត្យធារ៉ាចេញពីពេទ្យមកស្នាក់នៅសមាគម និងបន្តចូលមកស្នាក់នៅចាប់ផ្តើមហ្វឹកហាត់សាកល្បងក្នុងភូមិកីឡាមរតកតេជោដោយទើបកាត់ថ្នេដេរបំពង់ករកាលពីថ្ងៃទី២៩ខែ០៥ថ្មីនេះ និងមិនទាន់ជាសះស្បើយទេ។

នៅថ្ងៃទី០៤ ខែ០៦ ធារ៉ាក៏ចូលប្រកួតរត់ចម្ងាយ ១៥០០ម ទទួលបានមេដាយសំរិទ្ធ អ្វីដែលធ្វើឲ្យលោកជំទាវញ៉ែម មរកត ភ័យស្រែកយំដោយសារកីឡាករធារ៉ាមុនរត់ដល់ទីគឺមានស្ថានភាពទន់ខ្លួនឈរលែងជាប់បាត់មាត់បាត់ករ លោកជំទាវនិយាយទាំងទឹកភ្នែកថា ក្តីបារម្ភទី១ គឺ កូនគាត់មានគ្រោះថ្នាក់វិះអស់ជីវិតម្តងហើយ ទី២ មកផ្សងគ្រោះថ្នាក់ម្តងទៀតដោយរត់រហូត១៥០០ម ដែលអាចបង្ករគ្រោះថ្នាក់រើស្នាមរបួសព្រោះបំពង់ករធ្លាយពី១ចំហៀងទៅ១ចំហៀងទៀតស្នាមវះយកស្នរចេញធំណាស់ពេទ្យឲ្យថ្នមខ្លួន៣ខែសិន ប៉ុន្តែធារ៉ាបែជាមកប្រថុយរត់ប្រណាំង រង្គើដងខ្លួនបែបនេះ ពិសេសស្អែកឡើងក៏បន្តប្រកួតគប់ស្នរ ទៀតដោយមិនបានលទ្ធផលទេព្រោះពុំទាន់មានកម្លាំងគ្រប់គ្រាន់។  

ទោះស្ថិតក្នុងស្ថានភាពលំបាកយ៉ាងណាក៏តស៊ូមិនរាថយមិនឲ្យសម្តេចពុកនាយករដ្ឋមន្ត្រី និងពុកម៉ែបងប្អូនប្រជាពលរដ្ឋអស់សង្ឃឹមឡើយ កីឡាករ នុន ធារ៉ា ជនមានពិការភាពភ្នែក ទទួលបានមេដាយសំរិទ្ធ១ ជូនសម្តេចពុកនាយករដ្ឋមន្ត្រី សម្តេចម៉ែកិត្តិបណ្ឌិត ជូនជនរួមជាតិ ជូនប្រទេសជាតិគួរជាទីមោទនៈ។
ចំណែកកីឡាករ ឱកីឡាការិនី ពិការភ្នែកជាច្រើនទៀត ក៏ទទួលបានមេដាយមាស ប្រាក់ សំរិទ្ធ ជាបន្តបន្ទាប់ ទាំងនេះគឺចាការខិតខំរបស់រាជរដ្ឋាភិបាល ដែលបានរៀបចំធ្វើម្ចាស់ផ្ទះអាស៊ានប៉ារ៉ាហ្គេមដោយបង្ករឱកាសដល់ជនមានពិការភាពបានចូលរួមប្រកួតកីឡាទៅតាមសមត្ថិភាពរបស់ខ្លួន។
❖ លទ្ធផលការប្រកួតថ្ងៃទី ០៤ ខែ មិថុនា ឆ្នាំ ២០២៣
 
1. កីឡាករ ណុនធារ៉ា (មានគ្រោះថ្នាក់មុតស្នរពេលហ្វឹកហាត់) ទទួលបាន មេដៃសំរិទ្ធ លើវិញ្ញាសារត់ ១៥០០ ម៉ែត្រ
 
❖ លទ្ធផលការប្រកួតថ្ងៃទី ០៥ ខែ មិថុនា ឆ្នាំ 2023
 
1. កីឡាករ រឿន រិន ទទួលបាន មេដៃប្រាក់ លើវិញ្ញាសារ គប់ស្នរ
2. កីឡាករ ឡាច រីណា ទទួលបាន មេដៃសំរិទ្ធ លើវិញ្ញាសារ គប់ស្នរ
❖ លទ្ធផលការប្រកួតថ្ងៃទី ០៦  ខែ មិថុនា ឆ្នាំ 2023
 
1. កីឡាករ សម្បត្តិ សំបាន ទទួលបាន មេដៃប្រាក់ វិញ្ញាសារ បោះដុំដែក
2. កីឡាករ ថា ផាន់និត   ទទួលបាន មេដៃសំរិទ្ធ  វិញ្ញាសារ បោះដុំដែក
3. កីឡាការិនី ហឿនណាវី ទទួលបាន មេដៃសំរិទ្ធ   វិញ្ញាសារ រត់ប្រណាំង  800 ម៉ែត្រ
4. កីឡាការិនី ក្រឹមឡុង ទទួលបាន មេដៃសំរិទ្ធ  វិញ្ញាសារ រត់ប្រណាំង 800ម៉ែត្រ  
❖ សរុបត្រឹមថ្ងៃទី ០៧ ជនពិកាភ្នែកបានមេដាយ ប្រាក់ ២ សំរិទ្ធ ៤ នៅមានវិញ្ញាសារជាបន្តបន្ទាប់ទៀត។

 

]]> 109101 https://phteasdara.com/entertainment/109065/ Wed, 07 Jun 2023 04:40:08 +0000 https://phteasdara.com/?p=109065 ក្នុងជំនួបកាលពីថ្ងៃទី៦ មិថុនា ឆ្នាំ២០២៣ លោកជំទាវរដ្ឋមន្ត្រីក្រសួងវប្បធម៌ និង វិចិត្រសិល្បៈ ភឿង សកុណា បានបង្ហាញពីការគាំទ្រយ៉ាងខ្លាំង របស់សមាគមអភិរក្សដំរីអៃរាវត្តា របស់លោកស្រី ចិន្តា ខៃ-ក្លេ បន្ទាប់ពីសមាគមនេះបានចំណាយធនធាន និង កម្លាំងកាយចិត្តក្នុងការមើលថែដំរី៤ក្បាលអោយក្លាយជាដំរីស្រុក។ លោកជំទាវរដ្ឋមន្ត្រីថា ការអភិរក្សសត្វដំរី ស្មើនឹងថែរក្សាវប្បធម៌ប្ត៊រពៃណី ដោយសារតែដំរីរមែងផ្សារភ្ជាប់នឹងសកម្មភាពរបស់មនុស្ស ហើយមានទំនាក់ទំនងយ៉ាងជិតស្និទ្ធិជាមួយវប្បធម៌របស់មនុស្ស។

ក្នុងនោះដំរីក៏ជាសត្វដែលមានមនោសញ្ចេតនា ដែលគួរតែរួមគ្នាអភិរក្ស និង ការពារផងដែរ។ លោកជំទាវរដ្ឋមន្ត្រី បានថ្លែងបែបនេះ ក្នុងជំនួបដោយផ្ទាល់ កាលពីថ្ងៃទី៦ មិថុនា នៅទីស្ដីការក្រសួង បន្ទាប់ពីថ្នាក់ដឹកនាំសមាគមអភិរក្សដំរីអៃរាវត្តា និង BA ចំនួន៤រូបរួមមាន អ្នកនាង ស្វែង សុជាតា តារាសម្ដែង. កញ្ញា ឌួង ហ្សូរីដា ពិធីការិនី. អ្នកស្រី រ៉េតរ៉ូស តារាសម្ដែង និង លោក ផាត់ តារារដ្ឋ ស្ថាបនិកគ្រួសារតារាកម្ពុជា បានចូលសម្ដែងការគួរសម នៅទីស្ដីការក្រសួង។

ក្នុងជំនួបនោះ លោកជំទាវរដ្ឋមន្ត្រីបានផ្ដល់ជាអនុសាសន៍ជាច្រើនជួយស្ថាបនាដល់ក្រុមសមាគម ដោយបានសំណូមពរអោយសមាគមពន្យាពេលធ្វើកម្មវិធីរៃអង្គាសសប្បុរសធម៌ ដើម្បីកុំអោយជាន់គ្នានឹងពេលវេលាឃោសនាបោះឆ្នោតដើម្បីអោយមានអ្នកចូលរួមច្រើន តែលោកជំទាវក៏បានកើតសរសើរចំពោះលោកស្រី ចិន្តា ក្លេ-ខៃ ដែលជាប្រធានសមាគម ដោយចាត់លោកស្រីថាជាស្ត្រីដែលមានការពុះពារខ្ពស់ ដើម្បីដំរីខ្មែរ។

លោកជំទាវថា ក្រសួងក៏នឹងគាំទ្រនូវរាល់សកម្មភាពសំខាន់ៗរបស់លោកស្រី ចិន្តា និង ក្រុមការងារ ដើម្បីអោយកាន់តែជោគជ័យ និង មានជំហានឈានឆ្ពោះទៅមុខ ជាប្រយោជន៍ដល់ដំរីខ្មែរ ដែលសមាគមអៃរាវត្តា កំពុងអភិរក្សនៅខេត្តរតនៈគីរីផងដែរ។

]]> 109065 https://phteasdara.com/entertainment/108274/ Fri, 26 May 2023 11:14:33 +0000 https://phteasdara.com/?p=108274 កាលពីព្រឹកថ្ងៃទី ២៦ ឧសភា ២០២៣ ថ្នាក់ដឹកនាំ សមាគមអភិរក្សដំរីខ្មែរ អៃរាវត្តា និង ទូតសុឆន្ទៈសមាគមចំនួន៥រូប រួមមាន កញ្ញា ឌួង ហ្សូរីដា, លោក VJ ហេរ៉ូ, លោក ផាត់ តារារដ្ឋ ស្ថាបនិកគ្រួសារតារាកម្ពុជា, អ្នកនាង សច័ន្ទ ដានី តារាសម្ដែង, និង លោក រុន ណាកូ ពិធីករ បានចូលសម្ដែងការគួរសមថ្នាក់ដឹកនាំក្រសួងអប់រំ ដឹកនាំដោយឯកឧត្តម សាម៉ឺឌី ស៊ីវឌ្ឍនា រដ្ឋលេខាធិការ និង មន្ត្រីក្រសួងនៅទីស្ដីការក្រសួង។

ក្រោយជំនួបរយៈពេលជាង២ម៉ោង ឯកឧត្តម សាម៉ឺឌី ស៊ីវឌ្ឍនា បានប្រកាសគាំទ្រចំពោះសកម្មភាពរបស់សមាគម និង បានចាត់ទុកថា ការអភិរក្សសត្វដំរី គឺការលះបង់ដ៏កម្រមួយ របស់គ្រួសារ លោកស្រី ចិន្តា ក្លេ-ខៃ ដែលជាប្រធានសមាគម ដែលគួរតែទទួលបាន ការគាំទ្រ ពីគ្រប់មជ្ឈដ្ឋាន។ ឯកឧត្តម និង ក្រុមការងារ បានបង្ហាញពីការសាទរចំពោះឆន្ទៈរបស់ប្រធានសមាគម និង ទូតសុឆន្ទៈទាំងអស់ ដែលរួមគ្នាបំផុសពីការអភិរក្សសត្វដំរី និង ថាក្រសួងរីករាយពេញទំហឹងក្នុងការផ្សព្វផ្សាយ និង ជួយផ្នែកមួយចំនួន ដើម្បីអោយការអភិរក្សដំរី របស់សមាគម កាន់តែទទួលបាននូវការយកចិត្តទុកដាក់ និង ការចាប់អារម្មណ៍ពីគ្រប់មជ្ឈដ្ឋាន។

]]> 108274 https://phteasdara.com/entertainment/108088/ Tue, 23 May 2023 07:57:22 +0000 https://phteasdara.com/?p=108088 គ្មានអ្នកណាមិនដឹងនោះទេថា អ្នកម្ដាយរបស់កញ្ញា ឌួង ហ្សូរីដា បានបើកអាជីវកម្មកែច្នៃហូលផាមួងខ្មែរ ចិញ្ចឹមគ្រួសារ និង រកកម្រៃចិញ្ចឹមកូនៗ រហូតបានស្ទួយគ្រួសារអោយមានលទ្ធភាពអោយកូនៗរៀនចប់។ មុខរបរមួយនេះ មិនត្រឹមតែបានបន្តក្នុងនាមជាមុខរបរចិញ្ចឹមគ្រួសារតែម្យ៉ាងនោះទេ តែក៏ក្លាយជាមុខរបរលេចធ្លោតំណាងជាតិ ក្រោយពេល ឌួង ហ្សូរីដា បោះទុនផលិតហូលខ្មែរ ដោយមានឆ្លាក់ជាអក្សរ ដែលធ្វើអោយគ្រប់មជ្ឈដ្ឋាន ជាពិសេសគឺថ្នាក់ដឹកនាំផ្ទុះការគាំទ្រ។

ទន្ទឹមនឹងការភ័យបារម្ភ រឿងស្ថាបនិកហាងកាត់ដេរដាណាម៉ាកាត់ដេរ បាត់បង់ជីវិត នឹងអាចធ្វើអោយគ្មានអ្នកបន្តវេន តែឌួង ហ្សូរីដា និង ប្អូនស្រី បែរជាធ្វើអោយស្នាដៃដែលអ្នកម្ដាយបន្សល់ទុកមួយនេះ កាន់តែល្បី កាន់តែផ្ទុះការគាំទ្រ ដល់ថ្នាក់លំដាប់ណា ក៏កម្ម៉ង់ ដែលធ្វើអោយអ្នកបន្តវេន ដល់ថ្នាក់កាត់មិនទាន់។ សូម្បីតែអ្នកផលិតហូលផាមួងខ្មែរ ក៏ត្រូវ ឌួង ហ្សូរីដា បញ្ជាក់ថា ត្បាញមិនទាន់ផងដែរ ដែលមិនខុសពីជួយអ្នកតម្បាញខ្មែរ មានប្រាក់ចំណូលទៀងទាត់។ ជាក់ស្ដែងគ្រាន់តែក្នុងព្រឹត្តិការណ៍ស៊ីហ្គេម ដែលកម្ពុជាធ្វើជាម្ចាស់ផ្ទះកន្លងទៅ និង ក្នុងការប្រកួត Miss Grand 2023 ក៏ហាងដាណាម៉ាកាត់ដេរ ប្រទាញបានទីផ្សារលើឈុតហូលខ្មែរ ដល់ថ្នាក់លេចធ្លោនាំមុខគេ លើទីផ្សារលក់ចេញផងដែរ។

ឌួង ហ្សូរីដា និយាយថា ទំនងជាបុណ្យដែលអ្នកម្ដាយបន្សល់អោយ ទើបស្នាដៃរបស់អ្នកម្ដាយ ពីការច្នៃឈុតហូលផាមួងខ្មែរនេះ ផ្ទុះការគាំទ្រមិនធម្មតា ពោលគឺអាចនិយាយបានថា កើបលុយតែម្ដង។ យ៉ាងណាមិញកញ្ញា ក៏នៅតែបន្តដកផលចំណេញ ដើម្បីស្ពុនស័រកម្មវិធី ដើម្បីទុកជាស្នាដៃរម្លឹកដល់អ្នកម្ដាយ ដោយមិនគិតតែរឿងអាជីវកម្មតែមួយមុខនោះដែរ ដើម្បីអោយអ្នកម្ដាយសប្បាយចិត្ត ក៏ដូចជាអោយអ្នកទទួលបានស្ពុនស័រ ចងចាំម្ដាយរបស់ខ្លួន ដែលជាស្ថាបនិកហាងផ្ទាល់។

]]> 108088 https://phteasdara.com/entertainment/107666/ Tue, 16 May 2023 10:46:03 +0000 https://phteasdara.com/?p=107666 មកទល់ពេលនេះ អារម្មណ៍ របស់ ឌួង ហ្សូរីដា និង ប្អូន នៅមិនទាន់ស្ងប់ចិត្តនៅឡើយនោះទេ អំពីការចាកឆ្ងាយរបស់ អ្នកម្តាយដែល បាន លាចាកលោកទៅ គ្មានវិលវិញ។ កញ្ញា និង ប្អូនៗ បានការលួងលោកយ៉ាងច្រើនពី មិត្តភក្តិ ទាំងឡាយ និងជនរួមជាតិ ជាច្រើន អាណិតអាសូរនាង ព្រោះហ្សូរីដា និងប្អូនៗ ពិតជាកូនល្អ ដែលដឹងគុណម្តាយ ហើយតស៊ូ មើលថែរប្រកបដោយស្មារតីទទួលខុសត្រូវខ្ពស់។នេះជាផលបុណ្យ របស់ អ្នកមានគុណ ហ្សូរីដា ពេលជួបទុក្ខ សម្បូរញាតិនៅក្បែរ ហើយ គោរពស្រឡាញ់ ទៅចូលរួមបុណ្យ ជាបន្តបន្ទាប់។

ហ្សូរីដា និងប្អូនៗ បានបង្ហាញមុខ លើកដំបូង ក្នុងពិធីបិទកីឡារាំ ស៊ីហ្គេម ដោយប្រឹងញញឹម អបអរកម្ពុជា មានសមត្ថភាពពេញលេញ រៀបចំកីឡាសុីហ្គេមលើកទី៣២ បានយ៉ាងល្អ ហើយពិភពលោកភ្ញាក់ផ្អើល នឹកមិនដល់ខ្មែរធ្វើបាន។ ដូចនេះហើយកូនខ្មែរ ទាំងអស់ពិតជាមានមោទនភាព ក្នុងនាមជាម្ចាស់ផ្ទះ។

ប្អូនស្រីពៅ ហ្សូរីដា កញ្ញា ហ្សូរីម៉ា បានបង្ហោះសារថា «Happy birthday nak bong យើងស៊ូៗទាំងអស់គ្នាទៅមុនទៀតចាប់ពីថ្ងៃនេះទៅនីតនិងខំប្រឹងកាន់តែខ្លាំង៕សូមម៉ាក់កុំបារម្ភពីកូនៗទៀតអីកូនៗនិងរឹងមាំហើយសូមអោយម៉ាក់បានសុខនិងងាកអោយពរជ័យកូនៗផងZorida Duong»៕

]]> 107666 https://phteasdara.com/entertainment/106980/ Wed, 03 May 2023 14:01:38 +0000 https://phteasdara.com/?p=106980 ក្នុងឱកាសដែល លោក ផាត់ តារារដ្ឋ ស្ថាបនិកគ្រួសារតារាកម្ពុជា និង ជាចាងហ្វាងសារព័ត៌មាន ផ្ទះតារា បានដឹកនាំក្រុមការងារ ទៅចូលរួមរំលែកទុក្ខ និង គោរពវិញ្ញាណក្ខន្ធអ្នកម្ដាយ ដោយផ្ទាល់ កញ្ញា ឌួង ហ្សូរីដា និង ប្អូនស្រី បានថ្លែងប្រាប់ថា កញ្ញា នឹងមិនបូជាសពអ្នកម្ដាយ ដូចគ្នានឹងកាលលោកឪពុកចែកឋាននោះទេ ពោលគឺកញ្ញា និង គ្រួសារ នឹងសម្រេចបញ្ចុះជាជំនួសវិញ ដោយក្រោយពីបានគន់គូរួចរាល់ គឺសពម្ដាយរបស់កញ្ញា នឹងត្រូវបញ្ចុះនៅថ្ងៃទី៥ ឧសភា នេះ នៅខាងមុខវត្តប្រាសាទ ជិតកន្លែងចេតិយរបស់ឪពុកកញ្ញាតែម្ដង។

ការសម្រេចមិនបូជា ដូចសពឪពុកនេះ គឺដោយសារតែចង់បំពេញបំណងអ្នកម្ដាយ និង ស្របតាមក្បួនខ្លះៗ ដែលគ្រួសារបានគន់គូ។ យ៉ាងណាមិញ ក្រោយការបញ្ចុះនៅខាងមុខវត្តប្រាសាទនោះ សពម្ដាយកញ្ញា ក៏នឹងត្រូវធ្វើពិធីប្ដូរទៅកាន់ទីតាំងមួយផ្សេងទៀត នៅពេលសាងសង់រួចរាល់ ដោយអាចនិយាយបានថា កន្លែងបញ្ចុះសពនៅខាងមុខវត្តប្រាសាទនោះ គឺគ្រាន់តែជាកន្លែងបណ្ដោះអាសន្ន ព្រោះតែកន្លែងហុងស៊ុយអោយត្រូវតាមក្បួនពេញលេញមួយ នៅមិនទាន់រកបាន តែប៉ុណ្ណោះ។

នៅក្នុងឱកាសនោះ លោក ផាត់ តារារដ្ឋ និង ក្រុមការងារ ក៏បានចូលរួមរំលែកទុក្ខ និង បានការលើកទឹកចិត្តជាច្រើន ក្នុងនាមជាមិត្ត និង ជាអ្នករួមអាជីព ដើម្បីអោយកញ្ញា ឌួង ហ្សូរីដា រឹងមាំជាងមុន បន្ទាប់ពីកញ្ញា បាត់បង់អ្នកម្ដាយ ទាំងដែលកញ្ញា និង ប្អូនស្រី ពុះពារមើលថែ ដល់ថ្នាក់សឹងមិនអាចទទួលយកនោះផងដែរ៕

]]> 106980 https://phteasdara.com/entertainment/105090/ Fri, 10 Mar 2023 15:30:56 +0000 https://phteasdara.com/?p=105090 ក្នុងចំណោមបណ្ដាស្ដង់ល្បីៗ នៅពិព័រណ៌នារី ដែលបានធ្វើឡើងនៅផ្សារទំនើប Aeon 3 កញ្ញា ឌួង ហ្សូរីដា ដែលជាម្ចាស់ក្រុមហ៊ុន មុទិតា ក៏បានចូលរួមនាំយកផលិតផលប្រេនៗរបស់ខ្លួន ទៅតាំងស្ដង់នៅក្នុងព្រឹត្តិការណ៍នោះផងដែរ។ អ្វីដែលគេចាប់អារម្មណ៍គឺម្ចាស់គ្រឿងសម្អាងដ៏ល្បីរូបនេះ ថែមទាំងដាក់ប្រូម៉ូតហ្សិនលក់១ថែម១ យ៉ាងពិសេស ដោយកញ្ញាថានេះគឺជាប្រូម៉ូហ្សិនលក់ខាត ប៉ុន្តែដើម្បីចាត់ទុកថាជាកាដូរសម្រាប់អ្នកទៅទស្សនាស្ដង់ដោយផ្ទាល់ ទើបកញ្ញាសុខចិត្តលក់ក្នុងតម្លៃពិសេសនេះ ដែលមានន័យថា អ្នកមកទិញដល់ពិព័រណ៌ គឺបានតម្លៃទាបជាងទិញក្នុងហាង និង ទិញតាមអនឡាញ។

ដូច្នេះហើយទើបធ្វើអោយផលិតផលទាំងនោះត្រូវបានកញ្ញាបញ្ជាក់ថា មានអ្នកទៅទិញតាំងពីព្រឹក ជាពិសេសគឺផលិតផលកូរ៉េ ដែលផលិតផលខ្លះតម្លៃច្រើនរយដុល្លារ ហើយពេលបញ្ចុះតម្លៃបែបនេះ គឺអ្នកធ្លាប់ស្គាល់គុណភាពផលិតផលណា ក៏ចង់បាន។ អ្វីដែលកាន់តែពិសេសគឺកញ្ញាបានទាំងនាំយកតារាម៉ូដែលល្បីៗ និង សង្ហារៗ យកទៅផ្សព្វផ្សាយផលិតផលនាថ្ងៃបើកពិព័រណ៌នោះ យ៉ាងកក្រើកកម្មវិធីនោះផង។ កញ្ញាថា តម្លៃប្រូម៉ូហ្សិនរាល់ផលិតផលរបស់មុទិតានេះ គឺនឹងបន្តដល់ចប់ពិព័រណ៌នៅ Aeon 3 ដែលគ្រោងបន្តដល់ថ្ងៃទី១២ មីនា ក្នុងឆ្នាំ២០២៣នេះ។ តារាល្បីៗជាច្រើនក៏ឃើញមានវត្តមានទៅទស្សនាស្ដង់របស់នាងច្រើនផងដែរ ក្រៅពីតារាដើរម៉ូដ។

]]> 105090 https://phteasdara.com/entertainment/105023/ Fri, 10 Mar 2023 15:06:07 +0000 https://phteasdara.com/?p=105023 បន្ទាប់ពីបញ្ចប់យ៉ាងជោគជ័យ នូវពិព័រណ៌នារី កាលពីថ្ងៃទី៣-៤-៥ មីនា ឆ្នាំ២០២៣ ក្រុមហ៊ុនរៀបចំព្រឹត្តិការណ៍ពិព័រណ៌ 360 Event បានបង្ហាញពិព័រណ៌យ៉ាងកក្រើក ជាថ្មីម្ដងទៀតហើយ នៅផ្សារនៅផ្សារទំនើប Aeon មានជ័យ ដោយពិព័រណ៌នេះប្រកាសធ្វើឡើងពីថ្ងៃទី ១០-១១ និង គ្រោងបញ្ចប់នៅថ្ងៃទី ១២ មីនា ឆ្នាំ២០២៣ នេះ។ ដោយឡែក នៅថ្ងៃបើកសម្ពោធ គេឃើញតារាល្បីៗ ជាពិសេសគឺម្ចាស់ប្រេនល្បីៗ បង្ហាញខ្លួនជាច្រើមរូប ខណៈដែលក្រុមហ៊ុន HK7 ដែលជាអ្នកស្ពុនស័រធំ គឺមើលទៅលេចធ្លោរជាងគេ ដោយសារតែមានវត្តមានដោយផ្ទាល់ និង បានរំលេចរូបសម្រស់ឡើងស្រស់ស្អាតតែម្ដង អមដោយវត្តមានតារាតំណាងជាច្រើនរូប យកទៅបង្អួតសម្រស់ផងដែរ។

ក្រៅពីវត្តមានម្ចាស់ប្រេន HK7 បណ្ដាម្ចាស់ប្រេនផ្សេងទៀត ដូចជា ពិធីការិនី ឌួង ហ្សូរីដា ដែលជាម្ចាស់ប្រេនធំមួយ ម្ចាស់ប្រេន Pichy P-White ម្ចាស់ប្រេន ម៉ាក់ EEW9 តំណាងម្ចាស់ប្រេន Momo និង បណ្ដាប្រេនផ្សេងទៀត ក៏បានបង្ហាញខ្លួន ដើម្បីអោយហ្វេនហ្វេនចោមរោមថតផងដែរ។ នេះគឺជាពិព័រណ៌មួយក្នុងចំណោម ពិព័រណ៌ចំនួន២ ដែលក្រុមហ៊ុន 360 Event បានបង្កើត ដើម្បីអបអរទិវារនារីអន្តរជាតិ ៨មីនា ដោយពិព័រណ៌លើកទី១ គឺបានធ្វើឡើងយ៉ាងជោគជ័យនៅផ្សារទំនើប Aeon សែនសុខ និង ពិព័រណ៌នេះ ក៏រឹតតែមើលទៅជោគជ័យបន្ថែមទៀត នៅផ្សារទំនើប Aeon មានជ័យនេះ។

វេទិកាថ្ងៃបើកពិព័រណ៌នេះ ក៏មានការសម្ដែង Show ពីសំណាក់តារាល្បីៗ ដែលធ្វើអោយកម្មវិធីទាំងមូល កាន់តែកក្រើក ជាងលើកទី១ផងដែរ ជាពិសេសគឺការលក់ក្នុងតម្លៃប្រូម៉ូហ្សិន ទិញមួយថែមមួយ និង បញ្ចុះដល់៥០ភាគរយ ដែលមានន័យថា អ្នកបានទៅទិញដោយផ្ទាល់ គឺចំណេញ ហើយបានផ្សងសំណាង ជាមួយនឹងឆ្នោតរង្វាន់ទៀត។ កម្មវិធីនេះ នឹងបន្តរហូតដល់ថ្ងៃទី១២ មីនា ដើម្បីផ្ដល់ឱកាសអោយនារីៗ មានជម្រើសក្នុងពិព័រណ៌ដ៏ធំមួយនេះ សម្រាប់គ្រឿង Make Up ល្បីៗ ក្នុងតម្លៃយ៉ាងពិសេស៕

]]> 105023 https://phteasdara.com/entertainment/103290/ Tue, 31 Jan 2023 05:35:48 +0000 https://phteasdara.com/?p=103290 មានការចាប់អារម្មណ៍ យ៉ាងច្រើន ដែលបាន ឃើញ ពិធីការិនី លេចធ្លោ ឌួង ហ្សូរីដា បានចូលមកបំពេញតួនាទីជា ពិធីការិនី អំពីការប្រកួត Miss planet international 2022 ដែលកម្ពុជា ជាអ្នករៀបចំផ្ទាល់។ ហ្សូរីដា ក៏អ្នករៀបចំសម្របសម្រួលកម្មវិធី និងសហការជាមួយ ក្រុមការងារ បានយ៉ាងរលូន ហើយបានក្លាយជាបទពិសោធន៍បន្តទៀត ក្នុងឱកាសលើកៗក្រោយទៀត សម្រាប់ការប្រកួតលើកក្រោយៗទៀត។

ឌួង ហ្សូរីដា ក្រោយពេល ប្រកួតចប់ បានបង្ហោះសារយ៉ាងវែវថា «អ្វីដែលខ្ញុំសប្បាយចិត្តនោះគឺខ្ញុំបានធ្វើការងារតបស្នងសងគុណប្រទេសកំណើតរបស់ខ្ញុំវិញ ដោយយកបេះដូង និង ការបរិច្ចាគពេលវេលា សំលៀកបំពាក់ផ្ទាល់ខ្លួន ដើម្បីចូលរួមផ្សព្វផ្សាយ វប្បធ៌ម ទេសចរណ៍ និង បរិស្ថាន ពីប្រទេសកម្ពុជាអោយកូនខ្មែរជំនាន់ក្រោយបានយល់ដឹងពីវប្បធ៌មនៃការចែករំលែក ជួយគ្នា និង គាំទ្រនូវអ្វីជាស្នាដៃកូនខ្មែរអ្នករៀបចំ និង បង្កើតឡើង ពីកម្មវិធី Miss Planet International ដែលមានស្ថាបនឹកជាអ្នកបង្កើតកម្មវិធីនេះជាជនជាតិខ្មែរ ផ្សព្វផ្សាយទៅកាន់ពិភពលោក។

អរគុណគណៈធិបតី ភ្ញៀវកិត្តយស នៃកម្មវិធី Miss Planet International 2023 បានចូលរួមបរិច្ចាគ និង ឧបត្ថម្ភជាបន្តបន្ទាប់មកកម្មវិធីតាមរយៈការអំពាវនាវរបស់អ្នករៀបចំកម្មវិធី តាមរយៈនាងខ្ញុំជាពិធីការនី អរគុណនូវទឹកចិត្តប្អូនៗរាប់ពាន់នាក់ដែលជា Fan ទៅចូលរួមគាំទ្ររហូតដល់ចប់ហើយ ចូលរួមបរិច្ចាគកម្មវិធីជាបន្តបន្ទាប់ទៀត 1$ មិនច្រើនទេ តែនេះជាទឹកចិត្តខ្មែរ ជួយខ្មែរ ខ្មែរ ស្រឡាញ់ ខ្មែរ ខ្មែរ គាំទ្រ អ្វីជាស្នាដៃខ្មែរ ជាពិសេសសូមអរគុណបណ្តាលក្រុមហ៊ុនចូលរួមឧបត្ថម្ភ និង ក្រុមការងាររៀបចំដោយស្មគ្រ័ចិត្តជួយគ្រប់ផ្នែកទាំងអស់។មានតែពាក្យថាអរគុណចំពោះអ្នកទាំងអស់គ្នាដែលជាខ្មែរ មានបេះដូងខ្មែរ ស្រឡាញ់ជាតិខ្មែរ!អរគុណសន្តិភាព»។

]]> 103290