កញ្ញា ហេង ចន្ថា – ផ្ទះតារា – PHTEASDARA

Dr.Tiara រំលេចឈុតស ឡើងញាក់ ក្នុងសណ្ឋាគារទំនើប

សំណព្វ — Sat, 16 Dec 2023 14:31:25 +0000

កាលពីថ្ងៃទី១៦ ធ្នូ ឆ្នាំ២០២៣ ក្រុមហ៊ុនកូរ៉េ Dr.Tiara បានរៀបចំពិធីជួបជុំយ៉ាងកក្រើក ដោយដាក់ឈ្មោះថា White Party ហើយត្រូវអោយអ្នកចូលរួមស្លៀកសស្កកស្កះ យ៉ាងស្រុះដៃគ្នាតែម្ដង ដែលធ្វើពិធីជួបជុំសណ្ឋាគារទំនើប Hyatt PhomPenh ពោរពេញដោយសម្រស់យ៉ាងត្រដែតតែម្ដង ជាមួយនឹងឈុតសស្អាតៗមួយបែបម្នាក់។

អគ្គនាយិកអគ្គនាយិកា ដែលជាជនជាតិកូរ៉េ ក៏ញញឹមបិទមាត់មិនជិតផងដែរ នៅពេលឃើញអ្នកចូលរួម និង តំណាងទាំងអស់ សុទ្ធតែរំលេចឈុតស ដែលជានិមិត្តរូបនៃផលិតផល Tiara ដែលជាគ្រឿងសម្អាងបែបឱសថមកពីកូរ៉េ។ ពិធីនេះក៏មានតារាសិល្បៈជាច្រើនរូបចូលរួមជាកិត្តិយសផងដែរ ដូចជា លោក ទេព រិន្ទដារ៉ូ, កញ្ញា ជេស៊ីកា, លោក ជា សុវណ្ណនរាហ៍, លោក ម៉ឺន ឯកសុភារិទ្ធិ, កញ្ញា ហេង ចន្ថា និង កញ្ញា សីសី ជាដើម។

អ្វីដែលគេចាប់អារម្មណ៍ គឺ CEO ជាជនជាតិខ្មែរទាំង៤រូប រួមមាន អ្នកនាង ឈឿន ផាន់រ៉ាណា. អ្នកនាង សៀង ស្រីពេជ្រ, អ្នកនាង អយ សុីនេត និង អ្នកនាង ចាន់ មុន្នី គឺថារំលេចសម្រស់ឡើងញាក់តែម្ដង ស្ទើរតែធ្វើអោយតំណាងចែកចាយ និង ថ្នាក់ដឹកនាំជាជនជាតិកូរ៉េ មើលមិនចង់ស្គាល់។ ពិធីនេះ ក៏មានការប្រកាសឈ្មោះ អ្នកត្រូវទទួលប័ណ្ណសរសើរ និង ពានឆ្នើម តាំងពីលេចរៀងធំ រហូតដល់លេខរៀងលេខ១ ដែលធ្វើអោយអ្នកចូលរួម អររំភើបចង់ហោះផងដែរ។

អ្នកនាង សៀង ស្រីពេជ្រ ដែលជា CEO មួយរូប បានចាត់ទុកថា នេះគឺពិធីជួបជុំដ៏សំខាន់សម្រាប់បំណាច់ឆ្នាំ និង ជាកម្មវិធីលើកទឹកចិត្តដ៏ពិសេសសម្រាប់អ្នកលក់ឆ្នើមរបស់ផលិតផល Dr. Tiara។

រឿង « កំពូលកូន » នឹងមកដល់គ្រប់រោងភាពយន្តចាប់ពីថ្ងៃទី 08 វិច្ឆិកា នេះតទៅ

សំណព្វ — Thu, 07 Dec 2023 01:15:33 +0000

ខ្សែភាពយន្តរឿង “កំពូលកូន” រំពឹងកើបលុយបានច្រើនពីហ្វេនៗបន្ទាប់ពីបានធ្វើពិធីបើកសម្ពោធជាផ្លូវការ និងប្រកាសចាក់បញ្ចាំងលក់សំបុត្រកាលពីរថ្ងៃទី 6 ខែធ្នូឆ្នាំ 2023 មុននេះ ដោយមានវត្តមានសិល្បកសិល្បការិនី ភ្ញៀវកិត្តយសជាច្រើនចូលរួម។

រឿងនេះ អ្នកដឹកនាំ របស់ ផលិតកម្ម PDS ដែលជាអ្នកផលិត ខ្សែភាពយន្ត “កំពូលកូន” នេះជឿជាក់យ៉ាងខ្លាំងថាភាពយន្តមួយនេះនឹងទទួលបានជោគជ័យ ដោយសារតែស្នាដៃមានសាច់រឿងបែបកំប្លែងស្ងួត និងមនោសញ្ចេតនារបស់បងប្អូន ព្រមទាំងឆ្លុះបញ្ចាំងពីស្នេហាវ័យចំណាស់ថែមទៀតផង ដែលសម្តែងដោយ លោក ទេព រិន្ទដារ៉ូ កញ្ញា ហេង ចន្ថា និងនាយ គ្រឿន ព្រមទាំងតារាផ្សេងៗទៀត។

រឿងនេះ ក៏មានការសន្និដ្ឋានដូចគ្នាផង ដែរ ថាភាពយន្តនេះ នឹងទទួលបានការគាំទ្រខ្លាំង ក្រោយពីដាក់លក់ សំបុត្រផ្លូវការគ្រប់រោងភាពយន្ត។

លោកស្រី ជុន សុធា អគ្គនាយិកា ផលិតកម្ម pds entertainment បានមានប្រសាសន៍ថា រឿងនេះ គឺពិតជាល្អខ្លាំង ជារឿងដែលចង់និយាយពីគ្រួសារមួយ លក្ខណៈអភិជន ដែល លោកឳពុកក្នុងគ្រួសារមាន កូន4នាក់ ហើយ កូនរបស់គាត់គឺ ទេព រិន្ទដារ៉ូ ជាកូនច្បង,នាយគ្រឿន ជាកូនទី2, កញ្ញា ហេងចន្ថា ជាកូនទី3 និង កញ្ញា សុផានាថ ជាកូនពៅគេ។ នៅក្នុងគ្រួសារមួយនេះ គឺកំពូលកូន កំពូលបងប្អូន កំពូលខូច ។

កូនច្បងទាំងពី ពូកែ វោហា ដើរចាយលុយ ផឹកស៊ី អត់ខ្វល់រឿងគ្រួសារ។ នេះជាស្នាដៃវណ្ណកម្មទី2 របស់ pds entertainment ដោយកាលពីវណ្ណកម្មទី១ គឺ រឿង ខ្សែចងក ជាប្រភេទរឿងរន្ធត់ ខ្មោច ហើយផលិតកម្ម pds បានទទួលកាគាំទ្រយ៉ាងខ្លាំង សឹងតែលើសពីការរំពឹងទុក។ អគ្គនាយិកា បានបន្តថា ឆន្ទៈរបស់ផលិតកម្ម គឺចង់លើកស្ទួយវិស័យកុន និងសិល្បៈរបស់ខ្មែរ ហើយផលិតកម្ម ក៏នឹងបន្តផលិតស្នាដៃល្អៗជាច្រើនទៀត ដើម្បីលើកមុខមាត់ភាពយន្តខ្មែរផងដែរ។

កាន់តែកក្រើក..!កញ្ញាឯកដ៏អស្ចារ្យនៃកម្ពុជាទាំង7ជំនាន់ប៉ះគ្នាក្នុងថ្ងៃជំនួបដ៏កម្រមួយនៅ Aeon3

សំណព្វ — Thu, 19 Jan 2023 11:47:08 +0000

ព្រឹត្តិការដ៏ធំអស្ចារ្យបើកទំព័រនៃដើមឆ្នាំ2023 ក៏ដូចជាការបើកបង្ហាញខ្លួនជាផ្លូវការណ៍របស់ National Director of Missgrand Cambodia 2023 អ្នកស្រី អ៉ឹម សុគន្ធា នឹងប្រារព្វធ្វើឡើងនៅថ្ងៃទី 01 ខែ កុម្ភៈ ឆាប់ៗខាងមុខនេះ ជាមួយនឹង វត្តមានកិត្តិយសពីសំណាក់ Mr.Nawat CEO of MGI និង Co of MGI Ms.TeReSa ព្រមទាំងវត្តមាន MGI2022 នាង Isabella និង 5th runner up កញ្ញា Me Me (Missgrand Myanmar)។

អ្វីដែលកាន់តែពិសេសនៅក្នុងកម្មវិធីទាំងមូលក៏នឹងមានការជួបជុំដ៏កម្រពីសំណាក់អតីត Missgrand Cambodia ទាំង7ជំនាន់ដែលត្រូវបានគេប្រកាសថា នឹងបង្ហាញខ្លួនជុំគ្នានៅក្នុងកម្មវិធី Meet and greet Missgrand Cambodia & Missgrand international ក្នុងនោះរួមមាន កញ្ញា នូ ទឹម ស្រីនាថ MGC2014, កញ្ញា ហេង ចន្ថា MGC2016, កញ្ញា ខ្លឹម ស្រីគា MGC2017, អ្នកនាង ឌី លីកា MGC2018, កញ្ញា លីវ ជីលី MGC2020, កញ្ញា ប៉ូគីមថេង សុតធីតា MGC2021 និង ម្ចាស់មកុដឆ្នាំ2022 និង ជា5th runner up Missgrand International កញ្ញា ពេជ្រ វត្តី សារ៉ាវឌី នឹងមកអង្រួននៅក្នុងព្រឹត្តិការណ៍ដ៏អស្ចារ្យថ្ងៃដ៏អស្ចារ្យនេះ។ ក្រៅពីនេះក៏មានការធ្វើសន្និសីទសារព័ត៌មាន ក៏ដូចជាការធ្វើបទបង្ហាញអំពីលក្ខខណ្ឌផ្សេងៗនៅក្នុងការចូលប្រកួត Missgrand ជំនាន់ថ្មី ការដើរបង្ហាញម៉ូដពីសំណាក់ Missgrand គ្រប់ជំនាន់ ការបង្ហាញ Show ពិសេសនៃល្ខោនខោលខ្មែរ រួមទាំងមានការប្រគំតន្ត្រី និង ចូលរួមអង្រួនឆាកតន្ត្រីពីដំណាក់តារាចម្រៀងស៊ិចស៊ីកញ្ញា រ៉ាប៊ី និងវត្តមានតារាកិត្តិយសល្បីៗជាច្រើនរូបទៀត។

កម្មវិធីនេះផងដែរនឹងប្រារព្ធធ្វើឡើងនៅផ្សារទំនើប Aeon3(មានជ័យ) នៅថ្ងៃ ពុធ ទី 01 ខែកុម្ភៈ ឆាប់ៗខាងមុខនេះ ហើយទស្សនិកជនក៏ដូចជាហ្វេនៗអ្នកគាំទ្រវិស័យបវរកញ្ញាអាចរកទិញសំបុត្រចូលរួមទស្សនា ក៏ដូចជាទៅផ្ដិតយករូបភាពអនុស្សាវរីយ៍បាន តាមផេកផ្លូវការរបស់ Missgrand Cambodia official ។

ផ្ទុះការសរសើរពីអ្នកទស្សនាភាពយន្ត « លោកប៉ាមហាកូរ » ថ្ងៃលក់សំបុត្រ និង ចាក់បញ្ចាំងផ្លូវការ

សំណព្វ — Thu, 21 Jul 2022 13:03:08 +0000

អត្ថបទ៖ Neath
ភាពយន្តខ្មែររឿង « លោកប៉ាមហាកូរ » ដែលជាស្នាដៃផលិត និង ដឹកនាំដោយផលិតកម្ម LD Picture ទទួលបានការគាំទ្រយ៉ាងខ្លាំងពីសំណាក់អ្នកទស្សនាក្នុងថ្ងៃលក់សំបុត្រ និង ចាក់បញ្ចាំងជាផ្លូវការកាលពីល្ងាចថ្ងៃទី 21 កក្កដា ឆ្នាំ 2022 ថ្មីៗនេះ។ សង្កេតឃើញថាបើកឆាកនៃការចាក់បញ្ចាំងរឿងត្រឹមថ្ងៃដំបូងក៏ទទួលបានអ្នកជាវសំបុត្រចូលទស្សនាពេញសាលចាក់បញ្ចាំងគ្រប់រោងភាពយន្ត ពីសំណាក់យុវវ័យ ពិសេសក៏មានអ្នកទស្សនាជាជនជាតិបរទេសផងដែរ។

មិនតែប៉ុណ្ណោះភ្លាមៗក្រោយភាពយន្តបញ្ចាំងចប់ក៏ទទួលបានការសរសើរមិនដាច់ពីមាត់ថា ល្អមើល មានគ្រប់រសជាតិ សាច់រឿងប្លែក គឺ ប្រកបទៅដោយការអប់រំ និង ឈុតឆាកកំប្លុកកំប្លែង សើចចុកពោះពីដើមរហូតដល់ចប់ និង ឈុតឆាកស្នេហាផ្អែមល្ហែម ញ៉ំាងឱ្យផ្ទៃរឿងទាំងមូលកាន់តែទទួលបានការចាប់អារម្មណ៍ ដែលធ្វើឱ្យអ្នកទស្សនាមិនអាចរំលងក្នុងការជាវសំបុត្រចូលទស្សនា ឬ អាចនិយាយបានថាមិនបានទស្សនាគឺពិតជាស្ដាយក្រោយ។

រឿង « លោកប៉ាមហាកូរ » នេះផងដែរក៏មានការ ចូលរួមសម្ដែងយ៉ាងសកម្ម ពីសំណាក់បុរសសង្ហារដែលជាវីរៈសិល្បករមិនចេះចាស់គឺលោក ទេព រិន្ទដារ៉ូ ដែលជាតួអង្គឪពុក កញ្ញា ហេង ចន្ថា, លោកប្រុស ខួច និង តារាកិត្តិយសល្បីៗជាច្រើនទៀតចូលរួមសម្ដែង។ អ្វីដែលកាន់តែពិសេសប្រិយមិត្តអ្នកទស្សនាដែលបានទៅជាវសំបុត្រផ្ទាល់កាលពីល្ងាចថ្ងៃ 21 កក្កដានេះ ក៏មានឱកាសបានចូលរួមជាមួយកម្មវិធី Meet and Greet ក្នុងបរិវេណរោងភាពយន្ត Legend Cinema នៅផ្សារទំនើប Eden បឹងកក់ព្រមទាំងទទួលបាននូវអារម្មណ៍រីករាយជាមួយនឹងការថតរូបជាមួយអាយដលរបស់ខ្លួន មិនតែប៉ុណ្ណោះសំបុត្រដែលនៅក្នុងដៃរបស់អ្នកទស្សនាក៏អាច ប្ដូរបាននូវរង្វាន់ជាកាដូរអនុស្សាវរីយ៍មានដូចជាអាវយឺត និង Stickers ជារូបភាពនៃសាច់រឿង « លោកប៉ាមហាកូរ » ព្រមទាំងមានការចុះហត្ថលេខាពីសំណាក់តារាសម្ដែង ក្នុងថ្ងៃចាក់បញ្ចាំងជាផ្លូវការនោះផងដែរ។

ឌួង ហ្សូរីដា លើកពានឆ្នើមប្រចាំឆ្នាំ ក្រោយបានពានពីថៃ

សំណព្វ — Sat, 09 Nov 2019 09:46:14 +0000

មហាជនទើបបានដឹងថា កញ្ញា ឌួង ហ្សូរីដា ទទួលពានឆ្នើមពីប្រទេសថៃសោះ ពេលនេះ កញ្ញាទទួលបានពានឆ្នើមមួយផ្សេងទៀតហើយ ដែលពានលើកនេះ រឹតតែជាពានកិត្តិយសថែមទៀត ដ្បិតតែប្រគល់ជូនដោយអ្នករៀបចំក្នុងស្រុក។ ការទទួលបានពានឆ្នើម២បន្តបន្ទាប់គ្នាបានជួយអោយកញ្ញា កាន់តែលេចធ្លោ បន្ទាប់ពីកញ្ញា សម្រេចចិត្តបើកក្រុមហ៊ុន មុទិតា ដែលមានផលិតផលថែរក្សាសម្រស់ស្ដង់ដារច្រើនប្រភេទចរាចរនៅកម្ពុជា។

កាលពីល្ងាចថ្ងៃទី ៨ វិច្ឆិកា ឆ្នាំ២០១៩ កម្មវិធី Successful CEO Award 2019 ដែលមានវត្តមានលោកស្រី វេជ្ជបណ្ឌិត ឱ វណ្ណឌីន រដ្ឋលេខាធិកាក្រសួងសុខាភិបាល និង លោកឧកញ៉ា ចិត្រ សេរីសុភ័ក្ត្រ អ្នករៀបចំកម្មវិធី ដែលធ្វើឡើងនៅផ្សារទំនើបអ៊ីអន២ បានប្រកាសថា កញ្ញា ឌួង ហ្សូរីដា ដែលគេស្គាល់ថាជាម្ចាស់ប្រេនផលិតផល MUDHITA GS-2113 ផលិតផល SSO/SHO និង ផលិតផល N27 ក្នុងនាមជាអគ្គនាយិកាក្រុមហ៊ុន MUDHITA Trading Co.LTD ទទួលបានពានឆ្នើមប្រចាំឆ្នាំ ក្នុងចំណោមម្ចាស់មុខជំនួញ២០រូប ដែលត្រូវបានកម្មវិធីសម្រេចប្រគល់ជូន។ ម្ចាស់ផលិតផលដែលទទួលបានពានឆ្នើម នៅក្នុងថ្ងៃនោះ គឺសំដៅលើម្ចាស់ក្រុមហ៊ុនផលិតផលដែលបានចុះបញ្ជីត្រឹមត្រូវក្នុងក្រសួងសុខាភិបាល ក្រសួងពាណិជ្ជកម្ម និងត្រូវបានចុះបញ្ជីផលិតផលគ្រប់ប្រភេទជាមួយក្រសួងសុខាភិបាល ព្រមជាមួយនឹងលក្ខណ្ឌជោគជ័យលើទីផ្សារនាំមុខ ទើបត្រូវបានកម្មវិធីអនុញ្ញាតិអោយចូលប្រកួត។ អ៊ីចឹងហើយ ទើប កញ្ញា ឌួង ហ្សូរីដា ទទួលបានកិត្តិយសយ៉ាងខ្លាំងបន្ទាប់ពីត្រូវបានប្រកាសថាឈ្នះពាន Top 20 ក្នុងចំណោម CEO ដែលមានឈ្មោះប្រកួតជាច្រើនមកពីគហរប់ទិសទី។

នៅក្នុងពិធីនោះ បណ្ដាក្រុមហ៊ុនចូលរួម ក៏បានរៀបចំតារាម៉ូដែលស្អាត អោយដើរបង្អួតផលិតផលរបស់ខ្លួននោះផង ខណៈដែល កញ្ញា ឌួង ហ្សូរីដា បានសម្ញ៉ែងតារា Cambodia Super Model ដែលសុទ្ធតែជាសមាសភាពល្បីៗ ដូចជា អ្នកនាង ចន ច័ន្ទលក្ខិណា, អ្នកនាង កែវ ពេជ្រ ពិសី, អ្នកនាង លី ម៉ារីណា, អ្នកនាងនៅ សូនីតា, កញ្ញា សូដា នីតា, កញ្ញា អ៊ឹង និមល, កញ្ញា សុផា លីនដា, កញ្ញា សោម ស្រីនាថ, Miss Grand កញ្ញា ហេង ចន្ថា និង កញ្ញា ឌី លីកា ជាដើម។

ខានប៉ះគ្នាយូរ សមាជិក Cambodia Super Model ល្បីឆ្នើម៥រូប ជួបគ្នាជាថ្មី

សំណព្វ — Sat, 09 Nov 2019 09:38:13 +0000

នៅផ្សារអ៊ីអន២សែនសុខ កាលពីថ្ងៃទី៨ វិច្ឆិកា ឆ្នាំ២០១៩ គេឃើញតារាល្បីៗ ដែលធ្លាប់ធ្វើអោយក្រុមបង្ហាញម៉ូដ Cambodia Super Model និងបែកខ្ញែកបាត់មុខអស់យ៉ាងយូរ បានត្រលប់ជួបគ្នា គួរអោយភ្ញាក់ផ្អើល។ សិល្បការិនីឆ្នើមៗទាំងនោះ បានធ្វើអោយព្រឹត្តិការណ៍ Successful CEO Award 2019 ទទួលបានការចាប់អារម្មណ៍យ៉ាងខ្លាំង ដោយសារតារា៥រូបដែលបាត់មុខពីក្រុមនោះ ប៉ះគ្នាម្ដងទៀត។

សមាសភាពល្បីៗទាំងនោះរួមមាន អ្នកនាង ចន ច័ន្ទលក្ខិណា, អ្នកនាង កែវ ពេជ្រ ពិសី, អ្នកនាង លី ម៉ារីណា, អ្នកនាងនៅ សូនីតា, និង កញ្ញា សូដា នីតា ជាដើម ដោយពួកគេធ្លាប់ជួយអោយក្រុម Cambodia Super Model មួយនេះ ល្បីកក្រើក មុនពេលបែកខ្ញែក។ បនៅក្នុងថ្ងៃនោះ ក៏មានតារាល្បីស៊េរីក្រោយ ដែលកំពុងឡើងកូដបង្ហាញខ្លួនផងដែរ ដូចជា កញ្ញា អ៊ឹង និមល កញ្ញា សុផា លីនដា, កញ្ញា សោម ស្រីនាថ, Miss Grand កញ្ញា ហេង ចន្ថា, និង កញ្ញា ឌី លីកា ផងដែរ ទើបធ្វើអោយវេទិកាបង្ហាញផលិតផលថែរក្សាសម្រស់មុទិតា របស់កញ្ញា ឌួង ហ្សូរីដា កាន់តែកក្រើក នៅក្នុងពិធី Successful CEO Award 2019 ដែលជាវេទិកាប្រកួតប្រជែង និងប្រគល់រង្វាន់ឆ្នើមចំនួន២០ ដល់ស្រីជាម្ចាស់ក្រុមហ៊ុន ដែលជោគជ័យក្នុងមុខជំនួញ។

កញ្ញា ឌួង ហ្សូរីដា និយាយថា កញ្ញា រំភើបចិត្តយ៉ាងខ្លាំង ដែលសមាជិកចាស់ៗក្នុងក្រុម Cambodia Super Model ដូចជាអ្នកនាង ចន ច័ន្ទលក្ខណៈ អ្នកនាង លី ម៉ារីណា អ្នកនាង កែវ ពេជ្រពិសី អ្នកនាង សូដា នីតា និង កញ្ញា សូដា នីតា ដែលសុទ្ធតែជាសមាជិកដំបូងៗប្រចាំក្រុម មកដើរម៉ូដជុំគ្នា។ កញ្ញាថាអ្នកទាំង៥ ខកខានជួបគ្នាក្ន៧ងវេទិកាបែបនេះជាយូរមកហើយ ទើបកញ្ញា ចាត់ទុកថា គឺជាវេទិកាសំខាន់មួយ ដែលអ្នកទាំង៥ បានធ្វើអោយចាប់អារម្មណ៍ជាថ្មី។ កញ្ញាចាត់ទុកថាតារាល្បីៗទាំង៥ និង តារាថ្មីៗទាំង៥ មិនខុសពីបង្កើតវេទិកាប៉ះគ្នាផង និងមកអបអរកញ្ញាផង ដែលទទួលបានពានឆ្នើមក្នុងចំណោម CEO ឆ្នើម២០រូប ពីកម្មវិធីនាថ្ងៃនោះទេ។

ប្លែកភ្នែកទៀតហើយ! សិល្បករកុះករប្រកាសបង្អួតឈុតលង្វែក ប៉ះជាមួយតារាល្បីៗ

សំណព្វ — Tue, 10 Sep 2019 03:21:29 +0000

នៅល្ងាចថ្ងៃទី១១ កញ្ញា ឆ្នាំ២០១៩នេះ តារាសិល្បកររបស់គ្រួសារតារាកម្ពុជា នឹងគ្រងឈុតលង្វែកស្រុះដៃគ្នា ក្នុងពិធីសម្ពោធហាងលក់សំលៀកបំពាក់ធំមួយស្ថិតនៅលើផ្លូវ២៧១ ជិតវិទ្យាល័យជាសុីមសាមគ្គី ក្បែរនឹងស្ដុបណូគា។ ក្នុងពិធីនោះ ក៍នឹងមានវត្តមានតារាចម្រៀង ពិធីករ ពិធីការិនី និងតារាម៉ូដែលល្បីៗផងដែរ។

យោងតាមការប្រកាសពីក្រុមការងាររបស់គ្រួសារតារាកម្ពុជា ដែលជាក្រុមចាត់ចែងពិធីការ និង តន្ត្រីសម័យ បានអះអាងថា តារាសិល្បៈប្រមាណជិត៣០រូប បានត្រៀមខ្លួនរួចរាល់អស់ហើយក្នុងការគ្រងឈុតសម័យក្នុងសម័យឧដុង្គ ដើម្បីរំលេចឈុតបុរាណរបស់ខ្មែរដែលកប់បាត់យូរឲ្យមានការចាប់អារម្មណ៍នៅក្នុងហាងនោះ។ តារាល្បីៗយ៉ាងច្រើនកុះករ រួមមាន អ្នកនាង គង់ សុជាតិ ពិធីការិនីឆ្នើម, លោក ម៉ាដូណា តារាកំប្លែង និងជាតារាចម្រៀងក្រមុិចក្រមើុម, អ្នកនាង ម៉ៅ សុីណាត តារាចម្រៀង, លោក រតនៈ វិសិទ្ធ តារាចម្រៀង, អ្នកនាង ឆ័យលី ដាឡែន តារាចម្រៀង, លោក បញ្ញា សិទ្ធិ តារាចម្រៀង, កញ្ញា រំដួលលិចទឹក តារាពហុជំនាញ, អ្នកនាង លីម៉ារីណា តារាសម្ដែង, លោក ឌួង តារាផាឌីន តារាចម្រៀងសំលេង២ប៉ែនរ៉នទី២, កញ្ញា សូដា នីតា តារាចម្រៀង, កញ្ញា អុឹង និមល តារាម៉ូដែល, កញ្ញា ហេង ចន្ថា អតីត Miss Grand Cambodia 2016, កញ្ញាសោម ស្រីនាថ តារាម៉ូដែល, កញ្ញា អៃ សុគន្ធពិដោរ បេក្ខភាព Miss Global Cambodia 2019, កញ្ញា ពេជ្រ ចរណៃ ម្ចាស់ពានឈុតបុរាណលេខ៣ឆ្នាំ២០១៩, លោក សុិន សុធារិទ្ធ ម្ចាស់ពានឈុតបុរាណកម្រឆ្នាំ២០១៨, កញ្ញា ភី សម័យ ម្ចាស់ពានឈុតបុរាណច្នៃ២០១៨, លោក រុន ណាកូ ម្ចាស់ពានឈុតបុរាណត្រូវទម្រង់លេចធ្លោឆ្នាំ២០១៨, កញ្ញា ហ៑ាង លីនដា អតីត បេក្ខនារី Miss Planet Cambodia លោក សន សុវណ្ណារ៉ា អតីតប្រុសស្អាតអន្តរជាតិនៅប្រទេសហ្វីីពីន និងតារាចាស់ក្មេងជាច្រើនផ្សេងទៀត សរុបប្រមាណជិត៥០ដួង។
កម្មវិធីនេះ ក៏នឹងមានអ្នកសារព័ត៍មានកុះករ ចូលរួមផ្ដិតទិដ្ឋភាពដោយផ្ទាល់ផងដែរ។

ទីបំផុត ហេង ចន្ថា បានក្លាយជាតួឯកគូម៉ា ក្នុងសាច់រឿងរបស់ Rith Omega

សំណព្វ — Mon, 12 Nov 2018 00:18:51 +0000

មានការចាប់អារម្មណ៍មិនតិចនោះទេ ក្នុងពេលដែលលោក Rith Omega ផលិតករល្បីឈ្មោះរបស់ថោន ប្រកាសផលិតសាច់រឿងក្នុងបទ«អ្នកណាក៏ដូចអ្នកណា»របស់លោកគូម៉ា អោយល្បីដូចMVបទ«ឧបសគ្គស្នេហ៍»ហើយស្រាប់តែមានការទម្លាយថា អតីត Miss Grand Cambodia កញ្ញា ហេង ចន្ថា គឺជាតួឯកស្រី។ ក្នុងនោះតារាម្នាក់ទៀត គឺលោកថា ក៏ត្រូវបានគេចាប់អារម្មណ៍មិនអន់ដែរ ដោយសារតែលោក បានក្លាយជាតួអង្គសំខាន់ក្នុងសាច់រឿងនេះដែរ ដែលអ្នកណាក៏សរសើរថាតារាទាំងពីរពិតជាសំណាងដែលត្រូវបានជ្រើសជាតួអង្គ។

ខណៈដែលសាច់រឿងថ្មីក្នុងបទ«មួយណាក៏ដូចមួយណា»ដែលលោក រិទ្ធ អូមេហ្គា ប្រកាសឡើងនៅមិនទាន់បានទម្លាយអោយដឹងពីសាច់រឿងផងនោះ តួសម្ដែងកញ្ញា ហេង ចន្ថា ដែលត្រូវគេដឹងថាគឺជាតួឯកធំនៅក្នុងសាច់រឿងក៏ធ្វើអោយតារាមួយចំនួនច្រណែនឹងនាងមិនតិចដែរ។ ហេតុផលដែលធ្វើអោយគេដឹងថានាងបានគ្រងតំណែងជាតួឯកក្នុងសាច់រឿងថ្មីនេះ គឺបន្ទាប់ពីផលិតកររូបនេះបានបង្ហោះអោយឃើញពីសកម្មភាពចេញថតរបស់នាង ជាមួយតារាចម្រៀងគូម៉ា ដែលធ្វើអោយគេដឹងភ្លាមថានាងត្រូវបានលោក រិទ្ធ អូមេហ្គា កំណត់យក ដែលក្រោយពីMV ទាំងមូលចេញបង្ហោះផ្លូវការ គឺពិតជាធ្វើអោយនាងឈានឡើងមួយកម្រិត។ កញ្ញា ហេង ចន្ថា ត្រូវបានគេអះអាងថាផលិតករសម្រិតសម្រាំងអោយសម្ដែងយ៉ាងម៉ត់ចត់ ដោយសារតែហេតុផលចង់អោយនាងទទួលបានការគាំទ្រខ្លាំង និងដើម្បីអោយសាច់រឿងដែលបាននិពន្ធឡើងមានការចាប់អារម្មណ៍។ ក្នុងនោះតារាសម្ដែងប្រុសសង្ហារម្នាក់ដែលគេស្គាល់ថាឈ្មោះ«ថា»ក៏ទំនងជាឡើងកូដណាស់ដែរ បន្ទាប់ពីលោកក៏ត្រូវបានគេដឹងថាមានមុខជាតួរងយ៉ាងសំខាន់ក្នុងសាច់រឿងដែរនេះ៕