មិនទាន់ចាប់ផ្តើមរដូវកាលថ្មីផង ក្រុមជើងឯកចាស់ Premier League មេឃខៀវ Manchester City បានឈ្នះពានថ្មីមួយទៀតហើយ គឺពាន Community Shield រដូវកាលថ្មីនេះ។
ពាន Cummunity Shield គឺជាពានមួយដែលក្រុមជើងឯក Premier League និងក្រុមជើងឯក FA Cup ធ្វើការប្រកួតគ្នានៅរដូវកាលថ្មី ដើម្បីដណ្តើមយកពានមួយនេះ។ ក្នុងនោះដែរ ក្រុមជើងឯក Premier League ក្រោមការដឹកនាំរបស់លោក Pep Guadiola ក្រុម Manchester City បានឈ្នះជើងឯកនេះ ក្រោយពីបំបាក់ក្រុមតោខៀវ Chelsea ២-០ ដែលជាម្ចាស់ជើងឯក FA Cup ។ ២គ្រាប់ដែល Manchester City ស៊ុតបញ្ចូលទី Chelsea រកបានដោយខ្សែប្រយុទ្ធអាហ្សង់ទីន Sergio Aguero ទាំង២គ្រាប់ ធ្វើបានសម្រេចនៅនាទីទី ១៣ និងនាទីទី៥៨ ។ តាមរយៈពាននេះដែរ គឺជាពានទី៣ ហើយ ដែល Man City ឈ្នះក្រោមការដឹកនាំរបស់លោក Pep Guadiola រួមមានដូចជាពាន Engllish Premier League, Carabao Cup និងចុងក្រោយនេះ Community Shield ខណៈរដូវកាលថ្មីនេះ នៅមានពានជាច្រើនផ្សេងទៀត ដែលក្លិបកំពូលនៅអង់គ្លេសមួយនេះ ត្រូវបន្តដណ្តើមទៀត។
ដូច្នេះហើយ ក្រុម Manchester City បានឈ្នះពាន Community Shield មួយមុនបើករដូវកលថ្មីនេះ ដែលជាពានសំខាន់មួយ សម្រាប់ក្រុមមួយនេះ ដើម្បីបន្តឈ្នះពានផ្សេងទៀត។
