កាលពីថ្ងៃអាទិត្យ ទី១៤ កក្កដា ឆ្នាំ២០១៩ កីឡាករកម្ពុជា ឯម ឡេងលី ទទួលបានជ័យជម្នះយ៉ាងត្រចះត្រចង់ ក្នុងការប្រកួតជាមួយកីឡាករថៃជើងខ្លាំងរបស់ថៃ Phat Morokuot។ កីឡាករថៃ ដែលមានអ្នកអះអាងថា មិនធម្មតា ថែមទាំងត្រូវភាគីកម្ពុជាវាយឱ្យរាប់២ដង មុនការប្រកាសថាចាញ់នោះផង។
អ្នកទស្សនាមិនតិចទេ បានសម្ដែងអារម្មណ៍ហ៑ោកញ្ជ្រៀវនៅពេលកីឡាករចាស់វស្សាគួរសម លោក ឯម ឡេងលី មានសន្ទុះ ហើយវាយចេញបានល្អ ទៅលើគូប្រកួតដែលគេប្រកាសថាគឺជាជើងខ្លាំង។ លោក និងកីឡាករថៃប្រកួតគ្នាក្នុងនាមជាគូមិត្តភាព ខណៈដែលការប្រកួតជ្រើសរើសជើងឯងរបស់ក្រុមហ៑ុនភេសជ្ជៈប៑ូសស្ត្រងមួយនេះ ឈានដល់ដំណាក់កាលជ្រើសបានជើងខ្លាំង៨នាក់ ដើម្បីឡើងបន្តទៅប្រកួតចាញ់ធ្លាក់ៗ បន្តយកអ្នកខ្លាំង ទៅប្រកួតដណ្ដើមមេដាយ។
ឯម ឡេងលី បង្ហាញអារម្មណ៍សប្បាយចិត្តយ៉ាងខ្លាំង បន្ទាប់ពីបើកការប្រកួតទៅលើកីឡាករថៃ ដោយកីឡាករមិនមែនចាញ់ប្រផិតប្រផើយនោះទេ គឺចាញ់ពិន្ទុខ្លួនដាច់ឆ្ងាយតែម្ដង។ អ្នកទាំងពីរគ្រោងនឹងប៉ះគ្នាម្ដងទៀត ដើម្បីចង់ដឹងថាបើប៉ះគ្នាជាថ្មី តើកីឡាករកម្ពុជា បន្តឈ្នះទៀត ឬ យ៉ាងណា?
