នៅថ្ងៃអាទិត្យ ទី៣០ មិថុនា ឆ្នាំ២០២៤នេះ សហព័ន្ធកីឡាបេស្បល សុហ្វបលកម្ពុជា ក្រោមការដឹកនាំរបស់លោក ឆែម ដារ៉ា ប្រធានសហព័ន្ធ នឹងរៀបចំសន្និសីទកាសែតធំមួយ នៅអគារការិយាល័យជាតិអូឡាំពិកកម្ពុជា ទល់មុខរង្វង់មូលវត្តសំពៅមាស ដើម្បីប្រកាសពីការប្រកួតទ្រង់ទ្រាយធំមួយនាពេលខាងមុខ និង ដើម្បីប្រកាសបង្ហាញមុខពីដៃគូសហការ។
យោងតាមការបង្ហោះលើផេកផ្លូវការរបស់សហព័ន្ធបានសរសេរថា “សេចក្ដីជូនដំណឹង ជូនចំពោះមហាជនដែលនិយមលេងកីឡា និងអ្នគាំទ្រកីឡាបេស្បល បេស្បលហ្វាយទាំងក្នុង និងក្រៅប្រទេសអោយបានជ្រាបថា សហព័ន្ធកីឡាបេស្បល សុហ្វបលកម្ពុជា និងធ្វេីការរៀបចំ សន្និសីទសារព័ត៌មានមួយស្ដីអំពី ព្រឹត្តិការណ៍ប្រកួតពានរង្វាន់_លីគបេស្បលហ្វាយ កម្ពុជា ប្រចាំឆ្នាំ២០២៤ ដោយកម្មពិធីនឹងធ្វេីឡេីងនៅវេលាម៉ោង ៩ព្រឹក នាថ្ងៃអាទិត្យ ទី៣០ ខែមិថុនា ឆ្នាំ២០២៤ សប្ដាហ៍នេះ នៅអគារការិយាល័យជាតិអូឡាំពិកកម្ពុជា។
អាស្រ័យហេតុដូចនេះ សហព័ន្ធសូមអញ្ជើញមហាជន អ្នកគាំងទ្រ និងបណ្តាអ្នកសារព័ត៌មានជាតិ និងអន្តរជាតិ ព្រមទាំងបណ្ដាក្រុមហ៊ុននានា អញ្ជេីញចូលរួមទាំងអស់គ្នា”។
កម្មវិធីនេះក៏នឹងមានការសហការផ្សព្វផ្សាយជាមួយ សារព័ត៌មាន ផ្ទះតារា ផងដែរ ជាមួយនឹងការប្រកាសនេះ ក៏សូមគោរពអញ្ជើញអ្នកសារព័ត៌មានជាតិ និង អន្តរជាតិ ចូលរួមផ្ដិតរូបភាពតាមការគួរ។
