មានការកោតសរសើរយ៉ាងខ្លាងចំពោះទឹកចិត្តជ្រះថ្លារបស់យុវជនក្មេងៗមួយក្រុម ដែលបានសហការគ្នាចំណាយធនធាន ហើយរួមគ្នាធ្វើអង្គកឋិនទានធំមួយ កាលពីថ្ងៃទី១៥ និង ១៦ តុលា ឆ្នាំ២០២០ កន្លងទៅ ដោយរូបភាពដែលក្រុមក្មេងៗទាំងនេះបង្ហោះឡើង ធ្វើអោយមានការសរសើរនៅក្នុងសង្គមហ្វេសប៊ុក ស្របពេលដែលកម្ពុជាកំពុងមានវិបត្តិកូវីត១៩ និង គ្រោះទឹកជំនន់នោះ៕
ពិធីបុណ្យដែលមានឈ្មោះថា អង្គកឋិន សាមគ្គី យុវជនជំនាន់ថ្មីនេះ គឺផ្ដួចផ្ដើមឡើងសុទ្ធតែយុវជនក្មេងៗទាំងអស់ដោយមួយចំនួននៃក្មេងៗទាំងនេះ គឺអ្នកឯកទេសផាត់មុខតែម្ដង។ នេះគឺជាសកម្មភាពសហការគ្នាគួរអោយសរសើរ ដែលបង្ហាញពីទឹកចិត្តជ្រះថ្លារបស់យុវជនក្មេងៗ ហើយក៏បញ្ជាក់យ៉ាងច្បាស់ក្មេងៗនៅក្នុងសម័យទំនើបនេះ ដ្បិតថាចូលចិត្តស៊ីវិល័យ តែក៏ចេះធ្វើខ្លួនអោយមានតម្លៃដែលសង្គមកោតសរសើរផងដែរ។ អ្វីដែលកាន់តែសរសើរទៅទៀតគឺក្រុមយុវជនទាំងនេះ មិនត្រឹមតែរួមគ្នាធ្វើបុណ្យសាងកសាង ដើម្បីអោយវត្តអារ៉ាមមានបច្ច័យទ្រទ្រង់ប៉ុណ្ណោះទេ តែក៏បានរួមគ្នាអភិរក្សវប្បធម៌ខ្មែរ ដោយនាំគ្នាស្លៀកឈុតហូលផាមួង ក្បិនជាដើម ដែលមើលទៅគឺបង្ហាញពីអត្តសញ្ញាណជាតិ ទៅកាន់យុវវ័យ និង គ្រប់ស្រទាប់វណ្ណៈផងដែរ។
ពិធីអង្គកឋិនទាននេះត្រូវបានធ្វើឡើងនៅក្នុងមន្ទីរកាកបាទក្រហមកម្ពុជា ក្នុងសង្កាត់ព្រៃសំរោង ក្រុងតាខ្មៅ ដោយបានដង្ហែរទៅកាន់វត្តរតនារាម ហៅវត្តតាភិន ស្ថិតក្នុងភូមិគោកត្រប់ ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ ដោយរូបភាពនៃការធ្វើបុណ្យ និង ដង្ហែរអង្គកឋិនទាននេះ គឺទទួលបានការចាប់អារម្មណ៍យ៉ាងខ្លាំងពីសំណាក់អ្នកលេងហ្វេសប៊ុកនៅក្នុងពេលនេះ ហើយនេះក៏ជាសារបង្ហាញថា ក្មេងៗជាយុវជនក៏អាចធ្វើអង្គកឋិនទានបានដែរ ដោយមិនមែនទាល់តែមនស្សមានគ្រួសារ ឬ អ្នកមានធនធានច្រើននោះទេ។
![](https://i0.wp.com/phteasdara.com/wp-content/uploads/2020/10/received_1078241922677340.jpeg?resize=696%2C463)
![](https://i0.wp.com/phteasdara.com/wp-content/uploads/2020/10/received_810577986152929.jpeg?resize=696%2C464)
![](https://i0.wp.com/phteasdara.com/wp-content/uploads/2020/10/received_709660856313997.jpeg?resize=517%2C737)
![](https://i0.wp.com/phteasdara.com/wp-content/uploads/2020/10/received_851143349024232.jpeg?resize=696%2C463)
![](https://i0.wp.com/phteasdara.com/wp-content/uploads/2020/10/received_344330033492269.jpeg?resize=696%2C463)
![](https://i0.wp.com/phteasdara.com/wp-content/uploads/2020/10/received_876038589596074.jpeg?resize=696%2C445)
![](https://i0.wp.com/phteasdara.com/wp-content/uploads/2020/10/received_374356840411009.jpeg?resize=696%2C522)
![](https://i0.wp.com/phteasdara.com/wp-content/uploads/2020/10/received_682431485717635.jpeg?resize=512%2C768)
![](https://i0.wp.com/phteasdara.com/wp-content/uploads/2020/10/received_1013071692501315.jpeg?resize=696%2C464)
![](https://i0.wp.com/phteasdara.com/wp-content/uploads/2020/10/received_372385447139783.jpeg?resize=517%2C737)
![](https://i0.wp.com/phteasdara.com/wp-content/uploads/2020/10/received_360648888617677.jpeg?resize=512%2C768)
![](https://i0.wp.com/phteasdara.com/wp-content/uploads/2020/10/received_2476902522611778.jpeg?resize=696%2C463)
![](https://i0.wp.com/phteasdara.com/wp-content/uploads/2020/10/received_374170143628958.jpeg?resize=696%2C463)