ក្រៅពីបង្ហាញវត្តមាន បវរកញ្ញាល្បីៗតាមឆ្នាំនីមួយៗ ធ្វើអោយហ្វេនៗភ្ញាក់ផ្អើលជាពន់ពេក។ ពេលនេាះផលិតករឆ្នាំឆ្អិនឆ្អៅលើវិស័យភាពយន្តលោក ហ្វៃ សំអាងបានជ្រើសរើសតារាពូកែចូលតួ៣ដួងទៀត ក្នុងសាច់រឿងបន្ទាប់ពីអ្នកស្រី អម្ពរ ទេវី លោក ទេព រិនដារ៉ូ។
តារាទាំង៣ដួងនោះ រួមមាន៖ អ្នកនាង ចន ច័ន្ទលក្ខិណា ស្វែង សុជាតា និង តារាប្រុសសាច់ដុំ សន ពិសិដ្ឋ។បើតាមការបង្ហោះលើផេក របស់ លោកហ្វៃ សំអាង បានទម្លាយថា«អបអរសាទរលោកជំទាវ ចន ច័ន្ទលក្ខិណា អ្នកនាង ស្វែង សុជាតា និងលោក សន ពិសិដ្ឋ មានវត្តមាននៅក្នុងខ្សែភាពយន្តភាគខ្នាតធំ រឿង:អប្សរាមហាអង្គរ ដែលផលិតដោយផលិតកម្ម ហង្សមាស និពន្ធរឿងដោយកវី យូ សុភានិង ហ្វៃ សំអាង » ។
ការប្រកាសនេះ ធ្វើអោយលោក សន ពិសដ្ឋ តារាប្រុសកំពុងពេញនិយម បានសម្តែងការអបអរនេះជាលើកទី១ បានចូលរួមប្រជុំដោយ តារាជើងចាស់។
