ណាក់ ស្រីណា ស្អាតញាក់ ក្នុងវិធីម្ចាស់ជំនួញ២រូប ដែលកក្រើកអស់អ្នកសិល្បៈ

កាលពីថ្ងៃទី9 ខែកញ្ញា ឆ្នាំ2022 ម្ចាស់ហាង ណុប ដាណេ សម្អាងការ ដែលគេស្គាល់ថាជាបងបង្កើតរបស់ពិធីការនី និង តារាសម្តែងល្បីឈ្មោះគឺកញ្ញា ណាក់ ស្រីណា និង ម្ចាស់ហាង សុផល កាត់ដេរ បានរួមគ្នាធ្វើកម្មវីធីយ៉ាងកក្រើក អ្នកសិល្បះតែម្តង នៅក្នុងសណ្ឋាគារផ្កាយ5  សូហ្វីតែល ភ្នំពេញ។ កញ្ញា ណាក់ ស្រីណា ដែលស្អាតដូចនារីសួគ៌ ក្នុងថ្ងៃពិធីនោះ និយាយថាកម្មវិធីនេះគឺជាលើកទីមួយហើយដែលម្ចាស់ហាងទាំងពីរ ដែលសុទ្ធតែជាបងប្រុសទាំងពីររបស់នាង បានរួមគ្នាធ្វើពិធីយ៉ាងធំដុំ ហើយជះលុយធ្វើពិធីនៅក្នងសណ្ឋាគារផ្កាយ៥។ កញ្ញាបន្តទៀតថាភ្ញៀវដែលបានគ្រោងទុកគឺត្រឹមតែ30តុទេ តែអ្វីដែលនាង នឹកស្មានមិនដល់នោះគឺវត្តមានដែលបានចូលរួមរហូតដល់ទៅ50តុ។ ក្នុងកម្មវិធីនោះគេឃើញមានវត្តមានសិល្បករសិល្បការនី ជាច្រើនចូលរួមដែលសុទ្ធសឹងតែជាតារាល្បីឈ្មោះនៅលើបណ្តាញសង្គមតែម្តង ដោយរួមមានទាំងម្ចាស់ជំនួញល្បីៗក៏ចូលរួម។

អ្វីដែលគួរអោយកត់សម្គាស់ឃើញថាក្នុងកម្មវិធីមួយនេះ មានការបង្ហាញឈុតសម្លៀកបំពាក់ស្អាតៗ ដែលជាស្នាដៃថ្មីរបស់ ហាង សុផល កាត់ដេរ និង ហាង ណុប ដាណេ សម្អាងការផ្ទាល់គ្រប់ឈុតសម្លៀកបំពាក់ទាំងអស់គឺម្ចាស់ហាងខិតខំ សម្អិតសម្អាងយ៉ាងប្រណីត នៅពេលឃើញហើយធ្វើអោយអ្នកទស្សនាលាន់មាត់សរសើរជាខ្លាំង។ ហើយឈុតដែលត្រូវបង្ហាញអោយភ្ញៀវកិត្តិយសចូលរួមក្នុងកម្មវិធីទស្សនានោះគឺត្រូវបានស្លៀកពាក់ដោយស្រីស្អាតជួរមុខលំដាប់ប្រទេស រិតតែធ្វើអោយឈុតទាំងអស់កាន់តែលេចធ្លោខ្លាំងឡើងៗ។ ក្នុងនោះក៏មានវត្តមាន Miss grand cambodia 2022 និង  Miss  supranatinal Cambodia រួមទាំងតារាម៉ូដែលល្បីៗផ្សេងទៀត។