អត្ថបទ៖ Dara Rath
កាលពីថ្ងៃទី២៤ កក្កដា ឆ្នាំ២០២២ថ្មីៗនេះ តារាចម្រៀងលោក ENO និង ម្ចាស់គម្រោង SV ENO ពិភពដីឡូតិ៍ផ្សារត្រាចថ្មី បានរៀបចំពិធីចែកអំណោយរហូតដល់ ១២០គ្រួសារ នៅលើទីតាំងគម្រោង ដែលស្ថិតនៅខាងក្រោយផ្សារត្រាច ក្នុងខេត្តកំពង់ឆ្នាំង ដែលជាតំបន់ហួសភ្នំឧត្តុង្គ និង មានចម្ងាយត្រឹមតែប៉ុន្មានម៉ែត្រពីផ្លូវជាតិលេខ៥។ សកម្មភាពសប្បុរសធម៌ដែលបានធ្វើឡើងនេះ គឺត្រឹមតែប៉ុន្មានថ្ងៃប៉ុណ្ណោះ បន្ទាប់ពីអ្នកស្រី តែ ស៊ូវួច ដែលជាអគ្គនាយិកា និង ជាម្ចាស់គម្រោង ទើបតែតែងតាំងលោកជា ENO ជាតារាតំណាងឱ្យគម្រោងដីឡូតិ៍របស់អ្នកស្រី។
នៅក្នុងពិធីនោះផងដែរអ្នកស្រី តែ ស៊ូវួច បានលើកឡើងថា ដោយសារតែលោកស្រី និង តារាចម្រៀងលោក ENO ក្រោយពីចាប់ដៃក្នុងជំនួញនេះ គឺចង់ធ្វើសកម្មភាពមនុស្សធម៌រួមគ្នា ទើបលោកស្រីរៀបចំអោយមានការកម្មវិធីចែកអំណោយ ខណៈដែលលោកស្រីចាត់ទុកថា នេះគឺជារួមចំណែកលះបង់មួយដ៏ល្អ ដើម្បីជាគំរូ។ លោកស្រីក៏នឹងមានគម្រោងធ្វើទានបែបនេះជាមួយលោក ENO ជាបន្តបន្ទាប់ទៅមុខទៀត ដើម្បីអោយកាន់តែបានរួមគ្នាចែករំលែកក្ដីស្រលាញ់ជូនដល់បងប្អូនជនរួមជាតិខ្មែរដែលពួកគាត់ត្រូវការ ការចូលរួមជួយពីសំណាក់អ្នកសប្បុរសធម៌។
តារាចម្រៀងលោក ENO បានលើកឡើងថា លោកពិតជាមានចិត្តសប្បាយរីករាយយ៉ាងខ្លាំង ដែលបានធ្វើការចែករំលែកក្ដីស្រលាញ់ចំពោះពលរដ្ឋនៅក្នុងសហគមន៍ នៅក្នុងតំបន់ដែលលោកធ្វើជា B.A អោយគម្រោង SV ។ នេះក៏ចាត់ទុកថាជាការអបអរតំណែងរបស់លោក ក្រោយពេលត្រូវបានលោកស្រី ជាម្ចាស់គម្រោងតែងតាំងជា B.A សម្រាប់គម្រោងអចលទ្រព្យដ៏ធំមួយនេះផងដែរ។