មហាជន កំពុងដាក់ការសង្ស័យបណ្តើរ២ ថាឈិន ម៉ានិច្ចអាច រង្គើនូវចំណងស្នេហ៍ ព្រោះនាងក៍មានម្ចាស់បេះដូង ដែលលាក់គេមិនអោយដឹង។ អ្វីដែលស្តែងមុននេះ អ្នកគាំទ្រដាក់ការ សង្ស័យ និងកំពុងឆ្ងល់តែបើជារឿងចូលតួវិញមែន ពិតជាសរសើរ ដែលដាក់អារម្មណ៍បានល្អមែន។ កាលពីពេលថ្មីៗកន្លងទៅនេះ នៅក្នុងឆាកតន្ត្រីមួយរបស់ស្ថានីយទូរទស្សន៍ហង្សមាស គេឃើញម្ចាស់ពានវង្វាន់Cambodian Idolរដូវកាលទី២ កញ្ញា ឈិន ម៉ានិច្ច ច្រៀងបណ្ដើរហូតទឹកភ្នែកបណ្ដើរ ធ្វើឲ្យអ្នកគាំទ្រមានការចាប់អារម្មណ៍ជាខ្លាំង។
នៅក្នុងកម្មវិធីនោះ គេសង្កេតឃើញវត្តមានតារាស្រីចំនួន៤ដួង រួមមាន អ្នកនាង សុគន្ធ និសា, កញ្ញា ឈិន ម៉ានិច្ច, កញ្ញា កែវ សុបញ្ញា និងកញ្ញា ប៉ាច គីមមួយ ក្នុងនោះ កញ្ញា ឈិន ម៉ានិច្ច បានលើកយកបទចម្រៀងមួយបទ មានចំណងជើងថា «ស្រលាញ់អូនម្ដងទៀតបានទេ?» ដែលជាសំនៀងដើមរបស់អ្នកនាង សុគន្ធ និសា យកមកបកស្រាយ។ពេលកំពុងបកស្រាយ បានពាក់កណ្ដាលនោះ ស្រាប់តែតារាចម្រៀងសំឡេងផ្អែមស្រទន់រូបនេះ ច្រៀងបណ្ដើរ ហើយទឹកភ្នែកបណ្ដើរ ធ្វើឲ្យអ្នកគាំទ្រមានការចាប់អារម្មណ៍ និងងឿងឆ្ងល់ជាខ្លាំង ព្រោះមិនធ្លាប់ឃើញនាងយំបែបនេះ ពីមុនមក។អ្វីដែល គេមើលពេលនោះ ឃើញរៀមច្បង សុគន្ឋ និសា ស្ទុះងើបទៅជួយច្រៀង រំលែកតានតឹង ដែលរិតតែ បន្ថែមការចាប់អារម្មណ៍។
