អតីតតារាសម្តែង និងជា អ្នករៀបចំកម្មវិធីកម្សាន្ត ប្រចាំទូរទស្សន៍ អាសុីអាគ្នេយ៍ លោកចា រិទ្ឋី បានរំភើបចិត្តឥតឧបមា ដោយសារតែខ្លួនជាឪពុក អាចមើលឃើញកូនប្រុសស្រីជាទីស្រឡាញ់ ទទួលសញ្ញាបត្រ ប្រកបដោយជោគជ័យ។ នេះជាមហារីករាយ បំផុត សម្រាប់អាណាព្យាបាលគ្រប់រូបដែល ចង់ឃើញ កូនស្ងួន មានអនាគតល្អ។
នៅពេលទទួលបាន រូបភាពដ៍ល្អនេះ លោក ចា រិទ្ឋី បាន បង្ហោះ នូវសារប្រកបដោយ ពាក្យពេចន៍មួយចំនួនថា «កូនទាំងពីរពិតជាធ្វើឱ្យប៉ាមានមោទនភាពមិនកោតសរសើរមិនបាន។ កូនប្រុសច្បង គេបានបញ្ចប់ការសិក្សាថ្នាក់អនុបណ្ឌិត ផ្នែកទំនាក់ទំនងអន្តរជាតិ នៅសកលវិទ្យាល័យDEAKIN នៅប្រទេសអូស្ត្រាលី ចំណែកកូនស្រីពៅរបស់ខ្ញុំវិញ គេទេីបតែបញ្ចប់ការសិក្សាថ្នាក់បរិញ្ញាបត្រផ្នែកទេសចរណ៍និងបដិសណ្ឋារកិច្ច នៅសាកលវិទ្យាល័យអាមេរិកាំងAUPP ប៉ាសូមជូនពរកូនទាំងពីរអោយជោគជ័យក្នុងជីវិត »។
កន្លងមកនេះ លោក ចា រិទ្ឋី មមាញឹកច្រើន ខាងការងារជំនួញ ផ្ទាល់ខ្លួន ហើយ លោក ក៍មានរបរយូរឆ្នាំមកហើយ ខាងបើកផ្ទះសំណាក់ច្រើនជាន់នៅ កណ្តាលក្រុងភ្នំពេញ។ ទោះជា លោកមានបាន តែលោកនៅផ្សារភ្ជាប់ជីវិតជាមួយសិល្បៈ និងម្តងម្កាលឃើញថតសម្តែងចម្រៀង ខារ៉ាអូខេ។ ក្រៅពីនោះក្នុងនាមជា អ្នកគ្រប់គ្រងកម្មវិធីតន្ត្រីកម្សាន្ត លោកក៍រមែងជួយ ដល់សិល្បករជាច្រើន បានឡើងឆាកសម្តែងច្រៀងរាំ ដើម្បីចែកគ្នាល្បីឈ្មោះ មិនថាតារាល្បីឬមិនល្បីឡើយ។ នៅមានរូបភាពល្អមួយទៀតគឺ ការឃើញកូនប្រុសស្រីទាំង២ មានគ្រួសារ ដើម្បីរៀបចំអនាគតក្នុងគូជីវិត។