តារាចម្រៀងឈលើភាព កំពូល២រូប មានមាស សុខសោភា និង តារាប្រុសមានមន្តស្នេហ៍ ឆន សុវណ្ណរាជ បានបង្កើតកម្មវិធីភ្ញាក់ផ្អើលច្រើន កន្លងមកនេះ។ ម្ល៉ោះហើយទើប មានការលើកឡើងថា តារាប្រុសស្រីមួយគូនេះ កំពុងតែចាប់ផ្តើម ដឹកដៃគ្នាជាដៃគូបណ្តើរៗហើយ។ តើដៃគូនេះជាដៃគូបែបណា បើម្នាក់ៗកាន់ការងារចម្រៀង នាផលិតកម្មខុសគ្នានោះ។ នេះជាសំណួរដែល ទស្សនិកជនសួរនាំឡើង។
មាស សុខសោភា បានអាក់ខានក្នុងការធ្វើជាដៃគូចម្រៀងជាមួយលោកខេមរៈ សិរីមន្ដ បន្ទាប់ពីការចចាររវាងសោភា និងហង្សមាសត្រូវបរាជ័យកាលពីចុងឆ្នាំ២០២០ ទើបធ្វើឲ្យសោភា ងាកទៅចូលរាម ហើយត្រូវផលិតកម្មជើងថ្មីនេះទាញម្ចាស់ពានI Am A Singer Cambodia រដូវកាលទី១លោកដួង វីរៈសិទ្ធ ពីហង្សមាសមកធ្វើជាដៃគូរបស់សោភា រយៈពេលជាង៩ខែទៅហើយ។
តាមព័តមានថាថៅកែរាម ពេញចិត្តសម្ថភាពតារាចម្រៀងរោមទ្រួងច្រើនលោកឆន សុវណ្ណារាជ ហើយទំនាក់ទំនងរវាងសោភា និងលោករាជ ក៍ស្និតស្នាលគ្នាទៀតទើបធ្វើឲ្យមានការជម្រុញពីFan ទាំងសងខាងចង់ឃើញតារាទាំងពីរចាប់ដៃគូគ្នាច្រៀងឆ្លងឆ្លើយដើម្បីឲ្យសោភា មានដៃគូថ្មីមួយទៀតបន្ថែមពីលើលោកដួង វីរៈសិទ្ធ ។ដោយឡែកលោកសុវណ្ណារាជ មុននេះក៍បង្ហាញពីភាពស្និតស្នាលជាមួយថៅកែរាម ផងដែរដូចជាលោកបានទៅLive លក់ផលិតផលររបស់ម្ចាស់ផលិតកម្មមួយនេះដ៍គូឲ្យភ្ញាក់ផ្អើលទើបអ្នកជំនាញសិល្បៈបានលើកឡើងថារឿងសោភា ធ្វើជាដៃគូរបស់លោកសុវណ្ណារាជ នៅតែអាចទៅរួច។ប៉ុន្ដែអ្នកជំនាញធ្វើភ្លេងម្នាក់ឲ្យសុខសោភា ច្រៀងជាច្រើនបទកន្លងមកនោះបានបង្ហើបឲ្យដឹងថាសុខសោភា និងសុវណ្ណារាជ រាប់អានគ្នាជាយូឆ្នាំមកហើយ។
មាស សុខសោភា ក្រៅពីអាកខានធ្វើជាដៃគូចម្រៀងជាមួយលោកខេមរៈ សិរីមន្ដ ព្រោះការចចារបរាជ័យនៅហង្សមាសនោះនាងក៍បាត់ឱកាសក្នុងការឆ្លងឆ្លើយជាមួយលោកព្រាប សុវត្ថិ នៅGalaxy ផងដែរ ដោយមានព័តមានថាសោភា មិនចាប់អារម្មណ៍ផលិតកម្មមួយនេះ តែតារារាម រូបនេះធ្លាប់ប្រាប់អ្នកយកព័តមានយើងថាGalaxyមិនដែលទាកទងមកនាងម្ដងណាឡើយ។ប៉ុន្ដែទោះជាសោភា ដែលបែកផលិតកម្មជាមួយសុវណ្ណារាជ ជាង១០ឆ្នាំទៅហើយក្រោយU2 បិតទ្វារនោះក៍តារាទាំង២ធ្លាប់ច្រៀងដៃគូជាមួយគ្នាជាញឹកញាប់តាមបណ្ដារកម្មវិធីផ្សេងៗរួមទាំងConcertsតាមប៉ុស្ដិ៍ទូរទស្សន៍ផងដែរ ហើយអ្នកគាំទ្រពេញចិត្តតារាទាំង២ថាមានទឹកដមសម្លេងស៊ីចង្វាក់គ្នាល្អទៀតផង។
![](https://i0.wp.com/phteasdara.com/wp-content/uploads/2021/11/phteasdara.com-2021-11-24_08-12-45_300233-kh71.com.jpeg?resize=696%2C915&ssl=1)
![](https://i0.wp.com/phteasdara.com/wp-content/uploads/2021/11/phteasdara.com-2021-11-24_08-12-47_793523-kh71.com.jpeg?resize=696%2C928&ssl=1)
![](https://i0.wp.com/phteasdara.com/wp-content/uploads/2021/11/phteasdara.com-2021-11-24_08-12-49_937581-kh71.com.jpeg?resize=696%2C522&ssl=1)
![](https://i0.wp.com/phteasdara.com/wp-content/uploads/2021/11/phteasdara.com-2021-11-24_08-12-51_895912-kh71.com.jpeg?resize=696%2C392&ssl=1)
![](https://i0.wp.com/phteasdara.com/wp-content/uploads/2021/11/phteasdara.com-2021-11-24_08-12-53_972577-kh71.com.jpeg?resize=696%2C928&ssl=1)