ដើម្បីអបអរសាទរការដាក់ឱ្យដំណើការសាកល្បងស្ទូឌីយោខ្នាតអន្តរជាតិដំបូងគេនៅកម្ពុជា ផលិតកម្មដាវីត្រាដែលជាផលិតកម្មក្នុងស្រុកឈានមុខគេផលិតបទមិនចំលងគេ (Original Song) កំពុងរៀបចំបទថ្មីដែលរៀបរាប់អំពីតំបន់ទេសចរណ៍ដ៏ស្រស់ត្រកាលក្នុងព្រះរាជាណាចក្រកម្ពុជាក្នុងការទាក់ទាញភ្ញៀវទេសចរណ៍មកកំសាន្ត។
បទចំរៀងថ្មីនេះតាក់តែងឡើងដើម្បីលើកស្ទួយវិស័យសិល្បៈ វប្បធម៌ ប្រពៃណីទំនៀមទំលាប់ដ៏អស្ចារ្យរបស់ខ្មែរ ស្របពេលដែលប្រទេសកម្ពុជាក៏កំពុងត្រៀមខ្លួនបើកវិស័យទេសចរណ៍ឡើងវិញ ក្នុងពេលឆាប់ៗ ដើម្បី ទទួលភ្ញៀវ ទេសចរ ជាតិ និង អន្តរជាតិ ដែល បានទទួលការចាក់ វ៉ាក់សាំង បង្ការជំងឺកូវីដ ១៩ រួច។
កវីនិពន្ធដែលមានទេព្យកោសល្យ និងបទពិសោធន៍ខ្ពស់លោក សយ រតនា ជាអ្នកនិពន្ធបទចំរៀងនេះបានសម្រេចចិត្តដាក់ចំណងជើងបទចំរៀងនេះថា« ខ្មែរមានគ្រប់សព្វ» ។ លោកថា បទនេះជាបទដែលបង្កប់នូវអត្ថនយ័យ៉ាងជ្រាលជ្រៅ និងរៀបរាប់ពីលក្ខណៈពិសេសរបស់ខ្មែរដែលមានអារិយធ៌មដ៏ល្អឯកដែលប្រទេសដទៃមិនមានដូច។ លើសពីនេះទៅទៀត បទចម្រៀងនេះគឺជាការបកស្រាយដោយតារាចំរៀងជាច្រើនរូបប្រចាំផលិតកម្មដាវីត្រាផងដែរ។
បើយោងតាមលោក ម៉េង ប៊ុនឡូ អតីតកំពូលតារាសម្តែង និង តារាចំរៀងនិងជាសមាជិកក្រុមការងារប្រចាំស្ទូឌីយោកោះស្លាកែតបានឱ្យដឹងថា ស្ទូឌីយោកោះស្លាកែតគឺជាស្ទូឌីយោខ្នាតអន្តរជាតិដំបូងគេនៅកម្ពុជារបស់ផលិតកម្មដាវីត្រា។ លោកថា ផលិតកម្មតាវីត្រាកំពុងត្រៀមការរួមបញ្ចូលឧបករណ៍ខ្មែរបុរាណជាច្រើនប្រភេទក្នុងបទចំរៀងនេះដើម្បីធ្វើឱ្យបទចំរៀង« ខ្មែរមានគ្រប់សព្វ» នេះកាន់តែមានលក្ខណៈបែបខ្មែរ ដែលស្ដាប់ទៅកាន់តែពិរោះអស្ចារ្យដោយសារតែបទបង្កើតដោយកូនខ្មែរពិតៗ។
បទចំរៀងនេះត្រៀមនឹងចេញក្នុងពេលឆាប់ៗក្នុង អេបកំសាន្ត( Komsan App) ជាឈ្មោះអេបចម្រៀងស្ដាប់ដោយសេរីមិនគិតលុយដែលគុណភាពសំលេងពិរោះ។ អេប Komsan នេះត្រូវបានបង្កើតឡើងរួមគ្នាដោយផលិតកម្មចម្រៀងដាវីត្រា ហើយបទចំរៀងនេះដែរនឹងបង្ហោះផ្សាយក្នុងឆានែលយូធូប Davitra Media និងបណ្ដាញផ្សព្វផ្សាយសង្គមដទៃទៀតផងដែរ៕
ពត៌មានបន្ថែមសូមទំនាក់ទំនងលេខ 0968888811
![](https://i0.wp.com/phteasdara.com/wp-content/uploads/2021/09/phteasdara.com-2021-09-19_12-42-41_066677-kh71.com.jpeg?resize=696%2C464)
![](https://i0.wp.com/phteasdara.com/wp-content/uploads/2021/09/phteasdara.com-2021-09-19_12-42-42_824541-kh71.com.jpeg?resize=696%2C392)
![](https://i0.wp.com/phteasdara.com/wp-content/uploads/2021/09/phteasdara.com-2021-09-19_12-42-44_429633-kh71.com.jpeg?resize=696%2C464)
![](https://i0.wp.com/phteasdara.com/wp-content/uploads/2021/09/phteasdara.com-2021-09-19_12-42-46_325037-kh71.com.jpeg?resize=696%2C464)
![](https://i0.wp.com/phteasdara.com/wp-content/uploads/2021/09/phteasdara.com-2021-09-19_12-42-48_255813-kh71.com.jpeg?resize=696%2C464)
![](https://i0.wp.com/phteasdara.com/wp-content/uploads/2021/09/phteasdara.com-2021-09-19_12-42-49_808799-kh71.com.jpeg?resize=696%2C392)
![](https://i0.wp.com/phteasdara.com/wp-content/uploads/2021/09/phteasdara.com-2021-09-19_12-42-51_272232-kh71.com.jpeg?resize=593%2C395)
![](https://i0.wp.com/phteasdara.com/wp-content/uploads/2021/09/phteasdara.com-2021-09-19_12-42-52_462162-kh71.com.jpeg?resize=696%2C464)