ថ្វីដ្បិតតែបេក្ខនារីកម្ពុជា ទទួលបានពាន Courntry ‘ Choice Of the year ដែលមើលទៅថាពិតជាពោរពេញដោយកិត្តិយស តែនៅលើវេទិកាតែមួយនោះ គឺបេក្ខនារីស្ទើរទាំងអស់ សុទ្ធតែទទួលបានពានដោយឡែកៗពីគ្នា ដែលមានន័យថា នោះគ្រាន់តែពានលើកទឹកចិត្ត ដែលខុសពីការស្មានដែលអ្នកគាំទ្រយល់ថា បេក្ខនារីកម្ពុជា ពិតជាទទួលបានពានច្រើនលើសគេលើឯង ឬ អាចឈានចូលវគ្គ១០រូប ដោយសារតែភាពលេចធ្លោរបស់នាង ដែលបានពីការបោះឆ្នោតឡើងកក្រើកពីគ្រប់អ្នកគាំទ្រដ៏ខ្លាំងនោះ។ ការប្រកួត Miss Grand International ឆ្នាំ២០២០ ដែលបញ្ចប់នៅក្នុងប្រទេសថៃ កាលពីយប់ថ្ងៃទី២៧ មីនា ឆ្នាំ២០២១នេះ ដ្បិតថាល្អឥតខ្ចោះ តែសម្រាប់អ្នកគាំទ្រកម្ពុជា គឺមើលឃើញមានចំណុចអវិជ្ជមានមួយចំនួន ដែលត្រូវគេលើកឡើង។ ភាពមិនប្រក្រតី ដែលគេមើលឃើញ គឺបានកើតឡើងបន្ទាប់ពីបេក្ខនារីកម្ពុជាកម្ពុជាមានភាពលេចធ្លោខ្លាំង។ យោងតាមការសង្កេតកម្មវិធីមួយនេះ មិនត្រឹមតែក្រឡុកអ្នកគាំទ្ររបស់កម្ពុជាប៉ុណ្ណោះទេ ប៉ុន្តែក៏បានធ្វើរឿងអយុត្តិធម៍ជាច្រើន នាំអោយមានការតវ៉ាកើតឡើងផងដែរ។ ចង់ដឹងថា មានអ្វីជាភាពមិនប្រក្រតីខ្លះ សូមទស្សនាការវិភាគ៖
