កាលពីថ្ងៃទី២៦ មីនា ឆ្នាំ២០២១ តារាសម្ដែង លោក ឃីម រតនៈ បានបាត់បង់សាច់ញាតិដ៏សំខាន់ម្នាក់គួរអោយសង្វេគ ស្របពេលដែលគ្រួសារលោកកំពុងតែមានកាប៉ះទង្គិចខ្លាំងនឹងជម្ងឺកាចសាហាវកូវីត១៩បណ្ដាលអោយសេដ្ឋកិច្ចក្នុងគ្រួសារមានវិបត្តិ។ លោកបានបង្ហោះពីការកាន់ទុក្ខ បន្ទាប់អ៊ុំប្រុសបង្កើតរបស់លោក ដែលត្រូវបងប្រុសរបស់ឪពុកបានទទួលមរណភាពនៅខេត្តកំពង់ឆ្នាំង នៅទីដែលលោក និង ក្រុមគ្រួសារកំពុងរស់នៅជុំគ្នា។ អ៊ុំប្រុសរបស់លោកបានទទួលមរណភាពក្នុងអាយុ៧០ឆ្នាំ ដោយសារតែជម្ងឺបេះដូង ខណៈដែលលោកនិយាយថា កំពុងតែពិបាកចិត្តនឹងរឿងកូវីត១៩ផ្ទុះខ្លាំងផង តែបែរជាមកត្រូវបាត់បង់សមាជិកដ៏សំខាន់ម្នាក់ទៀត។ លោកថា អ៊ុំប្រុសធ្វើទុក្ខមួយរយៈមកហើយ ប៉ុន្តែមិនគួរមកបាត់បង់ជីវិតនៅក្នុងកាលៈទេសៈដែលស្រុកទេសមានទុក្ខ ហើយសូម្បីតែចង់ធ្វើបុណ្យអោយធំដុំក៏ពិបាកបែបនេះនោះទេ។ លោកថា បើទោះជាអ៊ុំបង្កើតរបស់លោកទទួលមរណភាពដោយជម្ងឺផ្សេង តែអ្នកមកចូលរួមបុណ្យគឺនៅតែមានសភាពខ្លាចរអារ និង រើសអើងកម្មវិធីបុណ្យជួបជុំមួយនេះច្រើន ព្រោះតែខ្លាចកូវីត១៩។ ដូច្នេះហើយទើបលោក និងក្រុមគ្រួសារមានភាពសង្វេគ ចំពោះមរណភាពរបស់អ៊ុំប្រុស។ នៅក្នុងឆ្នាំ២០២១នេះ លោកបាត់បង់សមាជិកចំនួន២រូបហើយនៅក្នុងគ្រួសារ។
![](https://i0.wp.com/phteasdara.com/wp-content/uploads/2021/03/58CAA0F2-FFED-4842-A59C-056FF37F8C08.jpeg?resize=493%2C1000)
![](https://i0.wp.com/phteasdara.com/wp-content/uploads/2021/03/158D5DC1-128E-4ADF-83BF-D2922ED69C96.jpeg?resize=696%2C928)
![](https://i0.wp.com/phteasdara.com/wp-content/uploads/2021/03/AB80E302-6B7C-4281-A9FB-EB15CBFF08D9.jpeg?resize=696%2C928)
![](https://i0.wp.com/phteasdara.com/wp-content/uploads/2021/03/7D51C640-1EBF-4044-9AE7-B64A8200A146.jpeg?resize=696%2C928)
![](https://i0.wp.com/phteasdara.com/wp-content/uploads/2021/03/CC40B897-6EF9-4965-B392-127B4D88D974.jpeg?resize=489%2C1000)