ខណៈដែលរូបថតជាច្រើនសន្លឹកជាមួយនារីប្លែកមុខម្នាក់ ត្រូវបានគេសង្ស័យថា អាចជាគូស្នេហ៍របស់លោកនោះ តារាសម្ដែង លោក ភុល សុវណ្ណដានីន បានអះអាងថា ខ្លួនគ្មានសង្សារ ឬ កំណាន់ចិត្តទេ។ ការបដិសេធន៍នេះ គឺស្របពេល មុខជំនួញថ្មីរបស់លោកត្រូវបានរំលេចឡើង ហើយត្រូវគេសង្ស័យថា មានការជំរុញដើមទុនពីគូស្នេហ៍។
លោក ភុល សុវណ្ណដានីន បញ្ជាក់ថា នារីម្នាក់ដែលគេផ្គូរផ្គង ហើយសង្ស័យថាជាគូស្នេហ៍នោះ គ្រាន់តែជាមិត្តភ័ក្ត្រ និង ជាអ្នកសិល្បៈដែលបានថតជាមួយគ្នាប៉ុណ្ណោះ។ លោកនិយាយថា”អត់ទេ នារីដែលគេយល់ច្រលំនឹង សុទ្ធតែអ្នកថតរឿងជាមួយគ្នាទេ ខ្ញុំ Single អត់ទាន់មានសង្សារ ឬ ស្នេហាអីទេ”។ ជាមួយគ្នានោះ លោកក៏បានប្រកាសថាជំនួញដែលលោកគម្រោងបើក ក៏មិនមាននារីណាម្នាក់ជួយជ្រែងពីក្រោយនោះដែរ តែមានជាដៃគូភាគហ៊ុន ដែលមានន័យថា ភាគហ៊ុនគេមួយផ្នែក ហើយលោកមួយផ្នែក។
សម្រាប់មុខរបរថ្មីរបស់តារាសម្តែង ភុល សុវណ្ណដានីន នៅពេលនេះគឺបានរៀបចំជិតរួចរាល់អស់ហើយ និង ត្រៀមដាក់សម្ពោធជាផ្លូវការ ក្រោយពេលដែលកូវីដ ១៩ ស្ងប់ស្ងាត់ ។ អាជីវកម្មនោះ គឺលោក បើកលក់អាជីវកម្មធុងបាស់គ្រប់ប្រភេទ។ ជាក់ស្ដែងបើគេពិនិត្យតាមរយៈការរៀបចំហាងក៏ដូចជាទីតាំង គេចាប់អារម្មណ៍ឃើញថាមើលទៅ ពិតជាមានការចំណាយដើមទុនច្រើនគួរសម។ លោកថាហាងថ្មី ដែលបានរៀបចំគឺអោយតែកូវីត១៩ទៅបាត់ភ្លាមលោករៀបចំភ្លាម ដោយគម្រោងគឺនៅដើមឆ្នាំក្រោយ៕
![](https://i0.wp.com/phteasdara.com/wp-content/uploads/2020/12/4D8A99B1-E417-4F94-8C20-853D95E0CC82.jpeg?resize=696%2C522)
![](https://i0.wp.com/phteasdara.com/wp-content/uploads/2020/12/05C01F2C-927E-45EC-8CB1-0F7FD0E050DE.jpeg?resize=696%2C804)
![](https://i0.wp.com/phteasdara.com/wp-content/uploads/2020/12/4BF4D64D-E5C7-42A8-8AA5-9F94E460C9CB.jpeg?resize=696%2C464)
![](https://i0.wp.com/phteasdara.com/wp-content/uploads/2020/12/4FF75F7E-FCD7-4455-9D14-C59D8865C797.jpeg?resize=696%2C960)
![](https://i0.wp.com/phteasdara.com/wp-content/uploads/2020/12/63E93C3B-56D7-42D9-A7FB-21F4D3820D45.jpeg?resize=696%2C518)
![](https://i0.wp.com/phteasdara.com/wp-content/uploads/2020/12/F3B37CD3-E525-4858-96A0-305DA1453938.jpeg?resize=696%2C948)
![](https://i0.wp.com/phteasdara.com/wp-content/uploads/2020/12/73CC629E-3A51-4611-8984-F51A264F55B6.jpeg?resize=696%2C969)
![](https://i0.wp.com/phteasdara.com/wp-content/uploads/2020/12/A60D9E5A-503F-4A84-88B8-84A44A3A0631.jpeg?resize=696%2C557)
![](https://i0.wp.com/phteasdara.com/wp-content/uploads/2020/12/92C03ECC-E69A-4A5E-8CF5-7744CDC5EFF4.jpeg?resize=696%2C730)